တောင်ငူမြို့နယ်တွင် ရာသီပေါ်မရမ်းချိုသီးများ ရောင်းအားကောင်းနေကြောင်း သစ်သီး ရောင်းချသူများထံမှ သိရှိရပါသည်။ တောင်ငူတွင် လတ်လတ်ဆတ်ဆတ် ခူးဆွတ်ထားသော မရမ်း ချိုသီးများ ဝယ်ယူရရှိနိုင်သည်မှာ တစ်ပတ်ခန့်ရှိနေပြီး ဝယ်ယူလိုသူ အများအပြား ရှိနေပါသည်။

တောင်ငူတွင် မရမ်းချိုသီးများ ထွက်ရှိနေပြီး လာမည့်သီတင်းပတ် နှစ်ပတ်အတွင်း လှိုင်လှိုင် ထွက်ရှိမည်ဖြစ်ပါသည်။ စားသုံးသူများကလည်း အသီး၏ အရသာကို ကြိုက်နှစ်သက် ကြပါသည်။ “ရာသီပေါ်သီးနှံဖြစ်သည့် မရမ်းသီးကို ဝယ်လိုအားများသည်မှာ ပုံမှန်ဖြစ်ကြောင်း” တောင်ငူမြို့နယ်ရှိ ဒေသထွက်သီးနှံများ ရောင်းဝယ်နေသူ မမယ်ငြိမ်းမှ ပြောကြားခဲ့ပါသည်။

တောင်ငူဒေသတွင် မတ်လသည် မရမ်းသီးရာသီဖြစ်ပြီး၊ ဧပြီလသည် လိုင်ချီးသီးနှင့် မေလသည် မင်းဂွတ်သီးနှင့် ဒူးရင်းသီး ရာသီဖြစ်ပါသည်။ မရမ်းချိုသီးသည် တောင်ငူဒေသထွက် အသီးတစ်မျိုးဖြစ်ပြီး အရသာက ချိုကြောင်း၊ လက်ရှိတွင် ဝယ်လိုအားများနေပြီး မကွေးမြို့မှ မှာယူမှု များပြားကြောင်း (၁၃-၃-၂၀၂၅) ရက်နေ့ထုတ် Global New Light of Myanmar သတင်းဆောင်းပါးအရ သိရှိရပါသည်။

Source https://www.gnlm.com.mm/early-sweet-marian-plum-sells-well-in-toungoo/#article-title

တင်ပြသူ ဒေါ်လင်းလဲ့ရည်အောင်၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ မတ်လ (၁၉) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန