နယူးဇီလန်၏ ဟင်းသီးဟင်းရွက်ထုတ်လုပ်မှုသည် လက်ရှိအစိုးရ၏ မူဝါဒများကြောင့် အနှောင့်အယှက်ဖြစ်နိုင်ကြောင်း Vegetables NZ မှ John Murphy က ပြောပါသည်။ လက်ရှိ စနစ်သည် အားနည်းချက်ရှိပြီး ဒေသခံစိုက်ပျိုးသူများ၏ ရေရှည်တည်တံ့မှုကို ထိခိုက်စေကြောင်း Murphy က ပြောကြားခဲ့ပါသည်။

 ရှည်ကြာလွန်းပြီး အဓိပ္ပာယ်မဲ့သော ဒေသဆိုင်ရာ ဆုံးဖြတ်ချက်များကြောင့် စိုက်ပျိုး သူများအား အခက်တွေ့စေပြီး နောက်ဆုံးတွင် ၎င်းတို့အား စီးပွားရေး လုပ်ငန်းများမှ ဖယ်ထုတ် လိုက်သကဲ့သို့ဖြစ်ကြောင်း၊ ၎င်းသည် စိုက်ပျိုးထုတ်လုပ်မှု ပြဿနာ တစ်ခုမျှသာ မဟုတ်ဘဲ ပြည်သူ့ ကျန်းမာရေး ပြဿနာဖြစ်ကြောင်း Murphy က ပြောကြားခဲ့ပါသည်။ 

Murphy သည် လက်ရှိဖြစ်ပေါ်နေသော အရင်းအမြစ်စီမံခန့်ခွဲမှု ပြုပြင်ပြောင်းလဲမှုများ အတွင်း ခွင့်ပြုထားသော လုပ်ဆောင်မှုအဖြစ် ဟင်းသီးဟင်းရွက်စိုက်ပျိုးမှုကို ထောက်ခံအားပေးခဲ့ ပါသည်။ စိုက်ပျိုးသူများသည် နယူးဇီလန်၏ ဟင်းသီးဟင်းရွက်ထုတ်လုပ်မှုအပေါ် သက်ရောက်မှု ရှိသော ကန့်သတ်ချက်များနှင့် ရင်ဆိုင်ရနိုင်သည့် Horowhenua ကဲ့သို့သော ဒေသများကို ထောက်ပြခဲ့ပါသည်။ အမှန်အားဖြင့် နေရာအများစုတွင် စိုက်ပျိုးသူများသည် သဘောတူညီချက် များ၏ ပြင်ပတွင် လုပ်ကိုင်နေရခြင်းကြောင့် စိုးရိမ်စရာဖြစ်နိုင်ကြောင်း ၎င်းက မှတ်ချက် ပြုပါသည်။

ဒေသဆိုင်ရာ စည်းမျဉ်းများ၏ ကွက်ကွက်ကွင်းကွင်း ဖော်ပြထားသော လက်ရှိစည်းမျဉ်း မူဘောင်ကို စိုက်ပျိုးသူများအတွက် စိန်ခေါ်မှုတစ်ခုအဖြစ် သတ်မှတ်ထားသည်။ စိုက်ပျိုးရေး ကဏ္ဍ၏ တွဲဘက်ဝန်ကြီး Nicola Grigg သည် စည်းမျဉ်းစည်းကမ်းများကို ရှင်းလင်းရန် တောင်းဆို ချက်ကို အသိအမှတ်ပြုခဲ့ပြီး ဤကဏ္ဍအောင်မြင်ရေးအတွက် ပံ့ပိုးပေးနိုင်ရန် အာရုံစိုက်နေကြောင်း Grigg က ပြောကြားခဲ့ပါသည်။

နယူးဇီလန်သည် ပို့ကုန်ခေါင်းဆောင်အဖြစ် ဆက်လက်ရပ်တည်နိုင်ရန် ရည်မှန်းပြီး ကဏ္ဍ အလိုက် တိုးတက်မှုများ မြှင့်တင်နိုင်ရန်အတွက် အစိုးရအနေဖြင့် စည်းမျဉ်းစည်းကမ်းဆိုင်ရာ ဝန်ထုပ်ဝန်ပိုးများကို လျှော့ချနိုင်မည့် မဟာဗျူဟာများကို အကဲဖြတ် စိစစ်လျက်ရှိကြောင်း၊ အဆိုပါ အကဲဖြတ် စိစစ်သုံးသပ်မှုများတွင် ရေချိုကဏ္ဍ၊ ရေသိုလှောင်မှုကဏ္ဍနှင့် ဟင်းသီးဟင်းရွက် စိုက်ပျိုး ခြင်းဆိုင်ရာ အလားအလာရှိသော မူဝါဒအပြောင်းအလဲများလည်း ပါဝင်ကြောင်း၊ ရေချို စီမံခန့်ခွဲမှု ဆိုင်ရာ ချဉ်းကပ်မှုအသစ်အတွက် ဆုံးဖြတ်ချက်များသည် ရေသိုလှောင်မှုနှင့် ဟင်းသီးဟင်းရွက် စိုက်ပျိုးထုတ်လုပ်ရန် လက်တွေ့ကျသော စည်းမျဉ်းများအတွက် ရည်ရွယ်သည့် အစိုးရ၏ ပထမ (၄)လပတ် လုပ်ငန်းစီမံချက် တစ်စိတ်တစ်ပိုင်းအဖြစ် မျှော်လင့်ထားကြောင်း (၃. ၅. ၂၀၂၅) ရက်နေ့တွင် ထုတ်ပြန်သည့် www.freshplaza.com သတင်းအရ သိရှိရပါသည်။

Source https://www.freshplaza.com/north-america/article/9707739/new-zealand-vegetable-supply-at-risk-due-to-regulatory-challenges-growers-warn/

တင်ပြသူ ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ မတ်လ (၅) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန