St. Maarten ၌ ပနားမားနိုင်ငံ၏ ပို့ကုန်ဒါရိုက်တာနှင့် ဆွေးနွေးမှုများ ဆောင်ရွက်ခဲ့ပြီး St. Maarten နှင့် ကာရေဘီယံဒေသတဝိုက်အတွက် ပနားမားကို ကုန်သွယ်ရေးအချက်အချာဒေသ အဖြစ် အသုံးပြုရန်အတွက် အကောင်အထည်ဖော်ဆောင်လျက် ရှိပါသည်။ အဆိုပါ ဆွေးနွေးချက် များသည် St. Maarten ရှိ စားသုံးသူများကို ထိခိုက်နစ်နာစေသော ကုန်ကျစရိတ်များသည့် လတ်လတ် ဆတ်ဆတ်ထုတ်ကုန်များ တိုက်ရိုက် သယ်ယူပို့ဆောင်ရန် လမ်းကြောင်းပွင့်စေခဲ့ပါသည်။

ခရီးသွားလုပ်ငန်း၊ စီးပွားရေးနှင့် ပို့ဆောင်ဆက်သွယ်ရေးဝန်ကြီး (TEATT) ဖြစ်သူ Grisha Heyliger-Marten က ဝန်ကြီးများကောင်စီ၏ တိုက်ရိုက်သတင်းစာရှင်းလင်းပွဲ၌ အဆိုပါ အကြောင်း အရာများကို ရှင်းလင်းပြောကြားခဲ့ခြင်း ဖြစ်ပါသည်။ သူမသည် ဖေဖော်ဝါရီလ (၁၂)ရက်နေ့မှ (၁၄) ရက်နေ့အထိ ကျင်းပခဲ့သော ပနားမားရှိ Dutch Caribbean Mission ၌ St. Maarten Chamber of Commerce and Industry (COCI) နှင့် Princess Juliana International Airport (PJIA) တို့မှ ကိုယ်စားလှယ်များနှင့်အတူ ပူးပေါင်းဆောင်ရွက်ခဲ့ကြောင်း မှတ်တမ်းတင် ပြောကြားခဲ့ပါသည်။ အဆိုပါ ပဏာမခြေလှမ်းသည် ၎င်းအတွက် ပထမဦးဆုံးအတွေ့အကြုံဖြစ်ပြီး ဒတ်ခ်ျကာရေဘီယံ ကျွန်းများနှင့် ပနားမားတို့ကြား ကုန်သွယ်ရေးနှင့် စီးပွားရေးဆိုင်ရာ ဆက်ဆံမှုများကို တိုးမြှင့်စေရေး ကြိုးပမ်းနိုင်ခဲ့ကြောင်း သိရှိရပါသည်။

ဝန်ကြီးက St. Maarten ၏ ကန့်သတ်ချက်များဖြင့် ကိုယ်စားပြုထားသော်လည်း အဆိုပါ ဆွေးနွေးပွဲသည် အလွန်အင်မတန် အကျိုးရှိလှကြောင်း၊ သူမသည် Dutch သံအမတ်ကြီး၏ ဧည့်ခံ ပွဲသို့ တက်ရောက်ခဲ့ပြီး ယင်းဧည့်ခံပွဲ၌ St. Maarten ၏ ကုန်သွယ်မှု အလားအလာနှင့် ပတ်သက်၍ ပြောကြားခဲ့ကြောင်း၊ ထို့အပြင် သူမသည် လေကြောင်းပူးပေါင်းဆောင်ရွက်မှုဆိုင်ရာ အခွင့်အလမ်းများ ဖော်ထုတ်နိုင်ရေးအတွက် Copa Airlines နှင့် Tocumen Airport  အပါအဝင် ပနားမားနှင့် ဒတ်ချ် ကာရေဘီယံ စီးပွားရေးလုပ်ငန်းရှင်များနှင့်အတူ ထိပ်တိုက်တွေ့ဆုံပွဲ (၁၀)ကြိမ် ပြုလုပ်ခဲ့ပါသည်။

Heyliger-Marten သည် ပနားမား၏ ပို့ကုန်ဒါရိုက်တာနှင့် ဆွေးနွေးမှုများကို မီးမောင်း ထိုးပြခဲ့ပြီး ကုန်သွယ်မှုဗဟိုချက်အဖြစ် ပနားမား၏ အခန်းကဏ္ဍကို အလေးပေးပြောကြားခဲ့ပါသည်။ ပနားမား၏ ပို့ကုန်ဒါရိုက်တာများနှင့် အရေးကြီးသည့် ဆွေးနွေးပွဲများဆောင်ရွက်ပြီးနောက် St. Maarten နှင့် ကာရေဘီယံဒေသတဝိုက်အတွက် ကုန်သွယ်မှုဗဟိုချက်အဖြစ် ပနားမား၏ ဩဇာ 

လွှမ်းမိုးနိုင်မှုအပေါ် အဓိကထား ဆွေးနွေးခဲ့ကြောင်း၊ အဆိုပါ ပဏာမခြေလှမ်းသည် ၎င်းတို့ ကျွန်း ဆွယ်၌ စားသုံးသူကုန်ကျစရိတ်များ လျှော့ချနိုင်စေမည့် လတ်ဆတ်သော ထုတ်ကုန်များကို တိုက်ရိုက် သယ်ယူပို့ဆောင်နိုင်သည့် အလားအလာကောင်းများ ဖြစ်ကြောင်း (၂၈. ၂. ၂၀၂၅) ရက်နေ့တွင် ထုတ်ပြန်သည့် သတင်းအရ သိရှိရပါသည်။

Source https://www.freshplaza.com/north-america/article/9709626/st-maarten-explores-panama-as-regional-trade-hub-for-fresh-produce/

တင်ပြသူ ဒေါ်နှင်းရီဝင်း၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ မတ်လ (၅) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန