စိုက်ပျိုးရေးပညာရှင်များသည် စပိန်နိုင်ငံတစ်ဝှမ်းတွင် (၂)နှစ်ဆက်တိုက် ခူးဆွတ်ချိန်၌ ရာသီဥတုဆိုးရွားမှု တွေ့ကြုံရပြီးနောက် ယခုရာသီ၌ ကောင်းမွန်သော အယ်လ်မွန်ရာသီကို ရရှိရန် ကြိုတင် ခန့်မှန်း ကြသည်။

စပိန်နိုင်ငံအနေဖြင့် ကမ္ဘာ့ဒုတိယအကြီးဆုံး ထုတ်လုပ်သူဖြစ်နေပြီး အယ်လ်မွန်သည် အဓိက သီးနှံအဖြစ် ဆက်လက်တည်ရှိနေသည်။ ပီစတာချိုနှင့် အခြားသောအခွံမာသီးများ စိုက်ပျိုးမှု တိုးမြင့်လာသော်လည်း အယ်လ်မွန် များသည် စပိန်နိုင်ငံ အခွံမာသီးစိုက်ပျိုးမှုဧရိယာ၏ (၈၅%) ရှိနေသည်။ 

Almendrave အချက်အလက်များအရ (၂၀၂၂-၂၀၂၃)ခုနှစ်အထိ အယ်လ်မွန်စေ့ စားသုံး မှုသည် (၃၂.၆%)တိုးလာသဖြင့် ပြည်တွင်းဝယ်လိုအားတိုးလာသည်မှာ ထင်ရှားပါသည်။ သို့သော်လည်း စပိန်နိုင်ငံရှိ စူပါမားကက်များတွင် တွေ့ရသည့် အယ်လ်မွန်စေ့အားလုံးသည် ဒေသတွင်းမှ ထွက်ရှိ သည်မဟုတ်ပေ။

ဇန်နဝါရီလ (၁)ရက်နေ့မှစပြီး တံဆိပ်ကပ်ခြင်းဥပဒေသည် ပြည်ပမှ တင်သွင်းလာသော အယ်လ်မွန်များနှင့် ပြည်တွင်းရှိ အယ်လ်မွန်စေ့များကို ခွဲခြားရာ၌ မူရင်းနိုင်ငံကို ညွှန်ပြရာတွင် အထောက်အကူ ဖြစ်စေရန် လိုအပ်ပါသည်။

စိုက်ပျိုးရေးဝန်ကြီးဌာန (MAPA)မှ (၂၀၂၄-၂၀၂၅)စိုက်ပျိုးရာသီအတွက် ထုတ်လုပ်မှု တန်ချိန် (၃၇၃,၅၅၈)တန်ကို ထုတ်လုပ်ရန် ခန့်မှန်းထားပြီး ယခင်နှစ်က စိန်ခေါ်မှုများဖြစ်သည့်  ဆီးနှင်း လွှမ်းမိုးမှုနှင့် ခြောက်သွေ့မှုများကြောင့် လျော့ကျမှုများကို ပြန်လည်ကုစားနိုင်ရန် ခန့်မှန်း ထားသည်။ ဤခန့်မှန်းချက်သည် နောက်ဆုံးစိုက်ပျိုးရာသီ (၅)ရာသီ (၂၀၁၉-၂၀၂၃)၏ ပျမ်းမျှထက် (၉.၁%) ရှိသည်။

ဒေသတွင်းကွဲပြားမှုများမှာ ထင်ရှားပြီး Aragon နှင့် Castilla-La Mancha တို့သည် ၎င်းတို့၏ ပျမ်းမျှငါးနှစ်ထက် (၃၈%)နှင့် (၄၉%)တိုးလာရန် မျှော်လင့်ထားကာ Valencia နှင့် Murcia တို့သည် (၃၅%)ထက်ကျော်လွန်သော ကျဆင်းမှုများနှင့် ရင်ဆိုင်နေရပါသည်။

အယ်လ်မွန်စေ့သည် စပိန်နိုင်ငံ အခွံမာသီးစိုက်ပျိုးမှုကို လွှမ်းမိုးထားပြီး စုစုပေါင်းစိုက်ပျိုး ဧရိယာ၏ သုံးပုံတစ်ပုံကိုလည်း အော်ဂဲနစ်စိုက်ပျိုးမှုဖြင့် လွှမ်းမိုးထားသည်။ ပီစတာချို စိုက်ပျိုးမှု (၁၂.၃%)ရှိပြီး အယ်လ်မွန်ပင်များသည် အော်ဂဲနစ်စိုက်ပျိုးမှု၏ (၈၂%) ရှိနိုင်သည်ဟု ရေတွက် နိုင်ပါသည်။ အော်ဂဲနစ်နှင့် မိုးကောင်းသောက် အယ်လ်မွန်စိုက်ဧရိယာ (၃၃%)ရှိပြီး ရေသွင်း စိုက်ပျိုးမှု ဧရိယာ(၃၁%) ရှိပါသည်။ စိုက်ပျိုးဧရိယာ၏ (၂၂%)သည် အပြည့်အဝထုတ်လုပ်မှုသို့ မရောက်ရှိသေးသောကြောင့် အော်ဂဲနစ်စိုက်ပျိုးမှုသည် အလားအလာရှိသည်။

အယ်လ်မွန်စိုက်ပျိုးခြင်းကို ဆက်လက်လုပ်ဆောင်နေသည့် Andalucía တွင် Asaja ကဲ့သို့သော အဖွဲ့အစည်းများသည် ထုတ်လုပ်မှုတိုးတက် မြှင့်တင်ရန်အတွက် သက်တမ်းရင့် စိုက်ခင်း များကို ပြန်လည်စိုက်ပျိုးရန် ထောက်ခံအားပေးကြသည်ကို (၁၉.၂.၂၅)ရက်နေ့က ဖတ်ရှုခဲ့ရသည့် www.freshplaza.com သတင်းကွန်ယက်၏ ဆောင်းပါးမှတဆင့် သိရှိခဲ့ရသည်။

Source https://www.freshplaza.com/europe/article/9706430/spain-forecasts-373-558-ton-almond-harvest-as-demand-rises-and-organic-farming-expands/

တင်ပြသူ ဦးဖုန်းမြတ်ဝင်းမောင်မောင်၊ လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ ဖေဖော်ဝါရီလ(၂၆) ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန