ဘင်္ဂလားဒေ့ရှ်နိုင်ငံတွင် ပြီးခဲ့သည့်ဘဏ္ဍာရေးနှစ်၌ ပို့ကုန်တင်ပို့မှုတွင် ပုံမှန်မဟုတ်သော ကျဆင်းမှုများ ဖြစ်ခဲ့ပြီးနောက်တွင် အာလူးတင်ပို့မှုများ ပြန်လည်မြင့်တက်လာသည်ကို မြင်တွေ့ခဲ့ ရပါသည်။ ပြည်တွင်းဈေးနှုန်းများ ကျဆင်းခြင်းသည် ပြီးခဲ့သည့်နှစ် တင်ပို့မှုပမာဏအထိ ရောက်ရှိရန် မြှင့်တင်ပေးပါသည်။ ၂၀၁၆ ခုနှစ်၊ ဘဏ္ဍာရေးနှစ်မှစ၍ ပြီးခဲ့သည့် (၉)နှစ်အတွင်း နှစ်စဉ် ပျမ်းမျှ တင်ပို့မှုမှာ တန်ချိန် (၅၀,၀၀၀)ဝန်းကျင်ရှိကြောင်း စိုက်ပျိုးရေးဆိုင်ရာ တိုးချဲ့ပညာပေးရေးဦးစီးဌာန (DAE)မှ သိရှိရပါသည်။ သို့သော် ပြီးခဲ့သည့်ဘဏ္ဍာရေးနှစ်တွင် တန်ချိန်(၁၂,၁၁၂)အထိ ကျဆင်းသွား ခဲ့သည်ကို တွေ့ရှိရပါသည်။

လက်ရှိဘဏ္ဍာရေးနှစ်၏ ပထမ(၇)လအတွင်း ပို့ကုန်တင်ပို့မှုပမာဏမှာ တန်ချိန် (၁၁,၀၅၅) အထိ ရောက်ရှိခဲ့ပါသည်။ အဓိကတင်ပို့သည့်နိုင်ငံများမှာ မလေးရှား၊ စင်ကာပူ၊ ဆော်ဒီအာရေးဘီးယား၊ နီပေါ၊ ယူအေအီး၊ ကာတာ၊ ဘာရိန်း၊ ကူဝိတ်၊ သီရိလင်္ကာ၊ အိုမန်၊ ကနေဒါနှင့် မော်ဒိုက်နိုင်ငံတို့ ဖြစ်ပါသည်။

Rangpur ၊ Dinajpur ၊ Thakurgaon ၊ Bogura နှင့် Joypurhat ကဲ့သို့သော အာလူး အဓိက စိုက်ပျိုးသည့်ဒေသများရှိ တောင်သူများသည် ပို့ကုန်တင်ပို့မှုပမာဏ မြင့်မားလာသည့်အတွက် သက်သာရာ ရနေခြင်းဖြစ်ပါသည်။ ဟင်းသီးဟင်းရွက်များကို တစ်ကီလိုဂရမ်လျှင် ခန့်မှန်းခြေ အမေရိကန်ဒေါ်လာ (၀.၁၀)ဖြင့် ရောင်းချနေချိန်တွင် စိုက်ပျိုးထုတ်လုပ်မှု ကုန်ကျစရိတ်မှာ တစ် ကီလိုဂရမ်လျှင် အမေရိကန်ဒေါ်လာ (၀.၁၄)ဝန်းကျင် ဖြစ်နေပါသည်။ ယခုနှစ် ဘဏ္ဍာရေးနှစ် အတွင်း စိုက်ပျိုးထုတ်လုပ်မှုဧရိယာအား (၅.၂၄)သိန်းအထိ တိုးချဲ့စိုက်ပျိုးခဲ့ပြီး တစ်နှစ်ပြီးတစ်နှစ် (၁၅)ရာခိုင်နှုန်း တိုးလာခဲ့ပြီး ပြီးခဲ့သည့် နိုဝင်ဘာလ၌ တစ်ကီလိုဂရမ်လျှင် အမေရိကန်ဒေါ်လာ (၀.၇၅)အထိ ဈေးမြင့်တက်ခဲ့ပါသည်။

ယခုဘဏ္ဍာရေးနှစ်အတွက် စိုက်ပျိုးထုတ်လုပ်မှုပမာဏမှာ တန်ချိန် (၁.၂၀)ကုဋေ ရှိမည်ဟု ဘင်္ဂလားဒေ့ရှ်အအေးခန်းသိုလှောင်ရုံအဖွဲ့အစည်းမှ ခန့်မှန်းထားပြီး Bangladesh Bureau of Statistics မှ တန်ချိန်(၁.၀၆)ကုဋေ ရှိမည်ဟု ခန့်မှန်းထားပါသည်။ ပြီးခဲ့သည့်ဘဏ္ဍာရေးနှစ်အတွင်း စိုက်ပျိုးထုတ်လုပ်မှု ပမာဏမှာ တန်ချိန် (၁.၀၉)ကုဋေရှိပြီး နှစ်စဉ် ဝယ်လိုအားမှာ တန်ချိန် 

တန်ချိန် (၆၅၀)အထက် တင်ပို့ခဲ့သော Joypurhat မှ Abdul Baset ကဲ့သို့သော တောင်သူ များသည် ပို့ကုန်တင်ပို့မှု ကုန်ကျစရိတ်များအား ကာမိစေရန် နည်းလမ်းများ ရှာဖွေလျက် ရှိကြ ပါသည်။ Exporter Rashed Shamim Chowdhury သည် ပြီးခဲ့သည့်နှစ် တင်ပို့မှု ပမာဏ တန်ချိန် (၆၀၀)ထက် ယခုဘဏ္ဍာရေးနှစ်တွင် တန်ချိန် (၃,၀၀၀)ခန့် တိုးမြှင့်တင်ပို့ရန် မျှော်မှန်းထားပါသည်။ အလားတူ တင်ပို့သူ Nazim Uddin သည်လည်း ပြီးခဲ့သည့်နှစ် တင်ပို့မှုပမာဏ ကွန်တိန်နာ (၇)လုံး နှင့် နှိုင်းယှဉ်ပါက ယခုနှစ်တွင် ကွန်တိန်နာ အလုံး ၅၀ (ကွန်တိန်နာ တစ်လုံးလျှင် ၂၅,၀၀၀ ကီလို ဂရမ်) တင်ပို့ရန် စီစဉ်ထားပါသည်။

အစိုးရအနေဖြင့် တောင်သူများအား သိုလှောင်မှုနှင့် တင်ပို့မှုဆိုင်ရာ အကူအညီများ ပေးရန် နည်းလမ်းများ ရှာဖွေလျက်ရှိကြောင်း စိုက်ပျိုးရေးဝန်ကြီးဌာန၏ အတွင်းရေးမှူးဖြစ်သူ ohammad Emdad Ullah Mian က ပြောကြားခဲ့ပါသည်။ အစိုးရအနေဖြင့် တောင်သူများနှင့် ပို့ကုန် လုပ်ငန်းရှင် များအား ချိတ်ဆက်ပေးရန် ကြိုးပမ်းဆောင်ရွက်ခဲ့ပြီး အဆိုပါ ချိတ်ဆက်မှုမှ နှစ်ဦးနှစ်ဖက်စလုံး အကျိုးအမြတ် ရရှိခဲ့ကြောင်း Hortex Foundation မှ Syed Md Rafiqul Amin က မှတ်ချက်ပြုခဲ့ ပါကြောင်း ၁၇-၂-၂၀၂၅ ရက်နေ့တွင် ထုတ်ပြန်ခဲ့သော https://www.freshplaza. com ၏ သတင်း အချက်အလက်များအရ သိရှိရပါသည်။

Source https://www.freshplaza.com/north-america/article/9705060/bangladesh -s-potato-exports-rebound-as-lower-prices-boost-global-shipments/ 

တင်ပြသူ ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ ဖေဖော်ဝါရီလ (၁၉) ရက်

တည်းဖြတ်သူ ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန