၂၀၂၄ ခုနှစ်အတွင်း ထိုင်းနိုင်ငံသည် စိုက်ပျိုးရေးထွက်ကုန်နှင့် စိုက်ပျိုးရေးဆိုင်ရာစက်မှု ထုတ်ကုန် တင်ပို့မှုမှ အမေရိကန်ဒေါ်လာ ၅၂.၁၉ ဘီလီယံ ရရှိခဲ့ပြီး ပြီးခဲ့သည့်နှစ်ထက် ၆ ရာခိုင်နှုန်း မြင့်တက်ခဲ့ကြောင်း ထိုင်းနိုင်ငံ ကုန်သွယ်မှုမူဝါဒနှင့် မဟာဗျူဟာရုံး (TPSO) က ပြောကြားခဲ့ ပါသည်။

ပြည်ပသို့ တင်ပို့သည့် စိုက်ပျိုးရေးထွက်ကုန်အများစုမှာ အများအားဖြင့် ပြုပြင် ထုတ်လုပ် ထားသည့် ကုန်စည်များဖြစ်ကြောင်း ထိုင်းနိုင်ငံ ကုန်သွယ်မှုမူဝါဒနှင့် မဟာဗျူ ဟာရုံး (TPSO) ၏ ညွှန်ကြားရေးမှူးချုပ်ဖြစ်သူ Poonpong Naiyanapakorn က မှတ်ချက် ပြုခဲ့ပါသည်။ ထို့ပြင် ပို့ကုန်ဝင်ငွေ မြှင့်တင်ရန် တန်ဖိုးမြှင့်ထုတ်ကုန်များ ဖွံ့ဖြိုးတိုးတက်ရန် လိုအပ်ကြောင်း အလေးပေး ပြောကြားခဲ့ပါသည်။

ထိပ်တန်းစိုက်ပျိုးရေးထွက်ကုန် (၅)ခု၏ တင်ပို့မှုပမာဏသည် စုစုပေါင်းစိုက်ပျိုးရေးပို့ကုန် ပမာဏ၏ (၈၈.၀၆)ရာခိုင်နှုန်းရှိပြီး ထိပ်တန်းစိုက်ပျိုးရေးဆိုင်ရာ စက်မှုထုတ်ကုန် (၅)ခု၏ တင်ပို့မှု ပမာဏသည် စုစုပေါင်းစိုက်ပျိုးရေးဆိုင်ရာ စက်မှုထုတ်ကုန်ပမာဏ၏ (၆၀.၁၇)ရာခိုင်နှုန်းခန့် ရှိပါသည်။

၂၀၂၄ ခုနှစ်အတွင်း ထိုင်းနိုင်ငံ၏ ထိပ်တန်းစိုက်ပျိုးရေးပို့ကုန် ဈေးကွက်များမှာ တရုတ်၊ ဂျပန်၊ အမေရိကန်၊ မလေးရှားနှင့် အင်ဒိုနီးရှားနိုင်ငံတို့ဖြစ်ကြောင်း (၅-၂-၂၀၂၅)ရက်နေ့တွင် ထုတ်ပြန်ခဲ့သော https://en.vietnamplus.vn ၏ သတင်းအချက်အလက်များအရ သိရှိရပါသည်။

Source https://en.vietnamplus.vn/thailands-agricultural-product-exports-surpass-52-billion-usd-in-2024-post309334.vnp 

တင်ပြသူ ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ ဖေဖော်ဝါရီလ (၁၂) ရက်

တည်းဖြတ်သူ ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန