လတ်ဆတ်သော စိုက်ပျိုးရေးထွက်ကုန်များ တင်ပို့ခြင်းအတွက် Odisha FPOs ကုမ္ပဏီများအဖွဲ့မှ ပထမဆုံးအကြိမ် ဆုရရှိခဲ့

  • Mon, 17 February 2025

လတ်ဆတ်သော စိုက်ပျိုးရေးထွက်ကုန်များ တင်ပို့ခြင်းအတွက် Odisha FPOs ကုမ္ပဏီများအဖွဲ့မှ ပထမဆုံးအကြိမ် ဆုရရှိခဲ့


တောင်သူဦးဆောင်သောလုပ်ငန်းများအတွက် Odisha မှ Farmer Producer Companies (FPCs) သုံးခုကို West Bengal၊ Gosaba၊ West Bengal ရှိ စိုက်ပျိုးရေးနှင့် ပြုပြင်ပြီး စားနပ် ရိက္ခာထုတ်ကုန် များ ဖွံ့ဖြိုးတိုးတက်ရေးအာဏာပိုင်အဖွဲ့ (APEDA) မှ စီစဉ်ကျင်းပသော Farmers Business Summit & Leadership Award 2025 တွင် အသိအမှတ်ပြုခံရပါသည်။ 

အနောက်ဘင်္ဂလားအစိုးရ၊ ICAR-NBFGRနှင့် အိန္ဒိယပြည်နယ်ဘဏ်တို့ ပူးပေါင်း ကျင်းပသည့် ထိပ်သီးအစည်းအဝေးတွင် အိန္ဒိယပြည်နယ် (၁၂) ခုနှင့် လယ်သမား (၁၂၀၀)ကျော် တို့မှ FPCsများကို စုစည်းထားခြင်း ဖြစ်ပါသည်။ ဤပွဲသည် အသိပညာဖလှယ်ခြင်း၊ စီးပွားရေး ကွန်ရက် ချိတ်ဆက်ခြင်းနှင့် လယ်ယာထွက်ကုန်များ တိုးမြှင့်ခြင်းနှင့် လုပ်ကွက်ငယ်တောင်သူ များကို ကမ္ဘာ့တန်ဖိုး ကွင်းဆက်များအဖြစ် ပေါင်းစည်းခြင်းအပေါ် အာရုံစိုက်လုပ်ဆောင်သည့် မူဝါဒဆိုင်ရာ ဆွေးနွေးမှုများအတွက် အရေးပါသော platform တစ်ခုအဖြစ် ဆောင်ရွက်ခဲ့ပါသည်။

ပထမဆုံးအကြိမ်အဖြစ် Odisha ၏ FPCs အဖွဲ့ကုမ္ပဏီများဖြစ်သော Madanamohana Farmers Producer Cooperative Society ကုမ္ပဏီလီမိတက်၊ Sabujabisoi Farmer Producer ကုမ္ပဏီ လီမိတက်နှင့် Sabujasanatanpali Farmer Producer ကုမ္ပဏီလီမိတက်တို့အား စုပေါင်း စျေးကွက်ချဲ့ထွင်မှု၊ တန်ဖိုးမြှင့်ထုတ်လုပ်မှုနှင့် လယ်ယာပို့ကုန်တင်ပို့မှုများတွင် ခေါင်းဆောင်မှုဆိုင်ရာ ထူးချွန်မှုဆုများ ချီးမြှင့်ခံခဲ့ရပါသည်။

ခြံမှ လတ်ဆတ်သော သရက်သီးများကို နိုင်ငံတကာဈေးကွက်သို့ ရောက်ရှိရန် မျှော်လင့် မထားကြောင်း၊ ဤအသိအမှတ်ပြုမှုသည် ပြည်နယ်ရှိ အခြားတောင်သူများအတွက် လှုံ့ဆော်မှု အရင်းအမြစ်တစ်ခုဖြစ်ကြောင်း၊ ၎င်းတို့၏ တန်ဖိုးမဖြတ်နိုင်သော ပံ့ပိုးမှုများအတွက် Odisha၊ အစိုးရနှင့် Palladium၊ APEDA တို့ကို ကျေးဇူးတင်ရှိပါကြောင်း Madanamohana Farmer Producer Cooperative Society ကုမ္ပဏီ၏ CEO Prabhat Mahapatra မှ ပြောကြားခဲ့ပါသည်။

Odisha ၏ FPCs များကို အသိအမှတ်ပြုခြင်းသည် အသေးစားတောင်သူများကို ကမ္ဘာ့ ထောက်ပံ့ရေးကွင်းဆက်များအဖြစ် ပေါင်းစည်းရာတွင် လယ်သမားဦးဆောင်သော လုပ်ငန်းများ၏ အလားအလာကို မီးမောင်းထိုးပြပါသည်။ FPO များကို အားကောင်းစေခြင်းဖြင့် နိုင်ငံတကာ စျေးကွက်များသို့ လက်လှမ်းမီနိုင်ခြင်း၊ ငွေကြေးချိတ်ဆက်မှုများနှင့် နည်းပညာကျွမ်းကျင်မှုများဖြင့်             

ကျေးလက်ဝင်ငွေများကို မြှင့်တင်ပေးခြင်း၊ အားလုံးပါဝင်နိုင်သော စီးပွားရေးတိုးတက်မှုကို တွန်းအားပေးပြီး ရေရှည်တည်တံ့သော ဖွံ့ဖြိုးတိုးတက်ရေးပန်းတိုင်များကို ပံ့ပိုးပေးနိုင်ပါသည်။

Odisha သည် အိန္ဒိယနိုင်ငံ၏ လယ်ယာထွက်ကုန် တင်ပို့မှုတွင် အဓိကကျသော အခန်း ကဏ္ဍမှ ပါဝင်လာသည်နှင့်အမျှ ၎င်း၏အောင်မြင်မှုသည် ကမ္ဘာတစ်ဝှမ်းရှိ တောင်သူ သမဝါယမ များအတွက် လှုံ့ဆော်မှုတစ်ခုအဖြစ် တည်ရှိနေပါသည်။ Odisha ရှိ တောင်သူ လယ်သမား ထုတ်လုပ်သူအဖွဲ့များ မြှင့်တင်ရေးနှင့် တည်ငြိမ်ရေးကဲ့သို့သော ပြည်နယ်အစိုးရ၏ လက်ရှိ လုပ်ဆောင်နေသော ပဏာမ ခြေလှမ်းများသည် အသေးစားတောင်သူလယ်သမားများ အပြိုင် အဆိုင် ဈေးကွက်တွင် ရှင်သန်ကြီးထွားရန် လိုအပ်သော ပံ့ပိုးကူညီမှုများကို ဆောင်ရွက်လျက် ရှိပါသည်။ ဤကြိုးပမ်းမှုများသည် ကျေးလက်တောင်သူ လယ်သမားများအတွက် တိုးတက်သော ဝင်ငွေအခွင့်အလမ်းများ၊ ဈေးနှုန်း အတက်အကျများကို ခံနိုင်ရည်ရှိစေရန်နှင့် FPO များနှင့် လယ်သမားအစုအဖွဲ့အတွက် ရေရှည်တည်တံ့သော စီးပွားရေးပုံစံများကို ပံ့ပိုးပေးပါသည်။

စွမ်းဆောင်ရည် မြှင့်တင်ခြင်း၊ မူဝါဒပံ့ပိုးမှုနှင့် စျေးကွက်ပေါင်းစပ်မှုတွင် ဆက်လက်ရင်းနှီး မြှုပ်နှံမှုဖြင့် Odisha ၏ အောင်မြင်မှုသည် အသေးစားတောင်သူလယ်သမားများအား စွမ်းအား မြှင့်တင်ရန်၊ လယ်ယာစီးပွားရေးဂေဟစနစ်ကို အားကောင်းလာစေရန်နှင့် ရေရှည်တည်တံ့သော ကျေးလက် ဖွံ့ဖြိုးရေးကို တွန်းအားပေးရန်အတွက် ကမ္ဘာလုံးဆိုင်ရာ ပူးပေါင်းဆောင်ရွက်မှုအား ဖြည့်ပေးပါသည်။

နိုင်ငံတော်သည် လာမည့်သရက်သီးရိတ်သိမ်းရာသီအတွက် ပြင်ဆင်နေချိန်တွင် ဤ အောင်မြင် မှုသည် FPO များအတွက် နိုင်ငံတကာ စျေးကွက်အခွင့်အလမ်းများကို ရှာဖွေရန်၊ အကောင်းဆုံး အလေ့အကျင့်များ ချမှတ်ကာ ပိုမိုပါဝင်နိုင်သော ကမ္ဘာ့လယ်ယာကုန်သွယ်မှုစနစ်သို့ ပံ့ပိုးပေးရန် အတွက် အဆင့်သတ်မှတ်ပေးကြောင်း(၄-၂-၂၀၂၅)ရက်နေ့တွင် ထုတ်ပြန်ခဲ့သော en.krishakjagat. org website ၏ သတင်းဆောင်းပါးအရ သိရှိရပါသည်။

Source https://www.en.krishakjagat.org/farming-agriculture/odisha-fpos-awarded-for-the-first-time-for-exporting-fresh-agricultural-produce/

တင်ပြသူ ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ ၂၀၂၅ ခုနှစ်၊ ဖေဖော်ဝါရီလ (၁၂) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန


ဆက်စပ် သတင်းများ