ယခုလတ်တလောတွင် ဘိုစားပဲဈေးနှုန်းများ အနည်းငယ် မြင့်တက်လာသည့်အပြင်ရောင်းအားလည်း တိုးလာကြောင်း အောင်ပန်းဟင်းသီးဟင်းရွက်ဈေးကွက်မှ သိရှိရပါသည်။မှာယူမှုများ မြင့်တက်ခဲ့ပြီး အများစုမှာ ရန်ကုန်မှ မှာယူခြင်း ဖြစ်ပါသည်။ဘိုစားပဲသည် အရောင်းရဆုံးသီးနှံများထဲတွင် ပါဝင်ပါသည်။ လတ်တလောတွင်ဘိုစားပဲ ဈေးနှုန်းများမှာ အနည်းငယ် ကျဆင်းလျက်ရှိသော်လည်းအခြားဟင်းသီးဟင်းရွက်များနှင့် နှိုင်းယှဉ်လျှင် ဈေးနှုန်းသင့်တင့်သည့်အတွက်အရောင်းအဝယ်များ ပုံမှန်ကောင်းမွန်လည်ပတ်လျက် ရှိကြောင်း အောင်ပန်းမြို့မှ“အေးမြတ်”ဟင်းသီးဟင်းရွက်လက်လီလက်ကား ဖြန့်ဖြူးရောင်းချသည့် လုပ်ငန်းမှတာဝန်ရှိသူတစ်ဦးက ပြောကြားခဲ့ပါသည်။ယခုနှစ်၊ ဇန်နဝါရီလအတွင်း ရှမ်းပြည်နယ်တောင်ပိုင်းတွင် အဓိကစိုက်ပျိုးသည့်ဆောင်း သီးနှံတစ်ခုဖြစ်သည့် ဘိုစားပဲအထွက်နှုန်းသည် များပြားသော်လည်းဘိုစားပဲဈေးနှုန်းမှာ ပြီးခဲ့သည့် နှစ်နှင့်နှိုင်းယှဉ်ပါက ထက်ဝက်နီးပါး ကျဆင်းသွားကြောင်းတောင်သူများထံမှ သိရှိရပါသည်။ဘိုစားပဲများတွင် ကယ်လိုရီ ပါဝင်မှုနည်းပြီး ကျန်းမာရေးအတွက် အကျိုးကျေးဇူး ရရှိပါသည်။ ဘိုစားပဲတွင် ဗီတာမင် အေ၊ ဗီတာမင် ဘီ၊ မက္ကနီဆီယမ်၊ ပိုတက်ဆီယမ်နှင့်သတ္တုဓာတ် များစွာ ပါဝင်ပါကြောင်း (၁၂. ၁၁. ၂၀၂၄)ရက်နေ့တွင် ထုတ်ပြန်ခဲ့သော https://www.gnlm. com. mm ၏ သတင်းအချက်အလက်များအရ သိရှိရပါသည်။

Source          https://www.gnlm.com.mm/241136-2/

တင်ပြသူ        ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ            ၂၀၂၄ ခုနှစ်၊ နိုဝင်ဘာလ (၂၀) ရက်

စစ်ဆေးသူ     ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန

တည်းဖြတ်သူ ဒေါ်ဌေးဌေးရီ၊ ဒု-ညွှန်ကြားရေးမှူး၊ စိုက်ပျိုးရေးဦးစီးဌာန