မြန်မာ့မြေသြဇာ၊ မျိုးစေ့နှင့် ပိုးသတ်ဆေးလုပ်ငန်းရှင်များအသင်း (MFSPEA)မှနိုဝင်ဘာလ နှင့် ဒီဇင်ဘာလအတွက် ဓာတ်မြေသြဇာရည်ညွှန်းဈေးနှုန်းများသည်ယခင်လနှုန်းထားများအတိုင်း ဆက်လက်တည်ရှိနေကြောင်း သိရှိရပါသည်။အောက်တိုဘာလအတွက် ရည်ညွှန်းစျေးနှုန်းများမှာ ယူရီးယားဓာတ်မြေဩဇာ(အလုံးကြီး) (၅၀)ကီလိုဂရမ်တစ်အိတ်လျှင် (၉၇၀၀၀)ကျပ်၊ ဖော့စဖိတ်ကျောက်မှုန့်(၅၀)ကီလိုဂရမ်တစ်အိတ်လျှင် (၁၂၄၀၀၀)ကျပ်နှင့် ဒိုင်အမိုနီယမ်ဖော့စဖိတ် (၅၀)ကီလိုဂရမ်တစ်အိတ်လျှင် (၁၃၇၀၀၀) ကျပ်တို့ ဖြစ်ပါသည်။ သို့တိုင် MFSPEA သည်Complex ဓာတ်မြေသြဇာအတွက် ရည်ညွှန်းစျေးနှုန်းကို အတည် မပြုနိုင်သေးကြောင်းသိရှိရပါသည်။အထက်ဖော်ပြပါ စျေးနှုန်းများသည် ရန်ကုန်တိုင်းဒေသကြီးအတွက်သတ်မှတ်ထားသော ဈေးနှုန်းများဖြစ်သောကြောင့် အခြားတိုင်းဒေသကြီးနှင့်ပြည်နယ်များရှိ သယ်ယူပို့ဆောင်ခများပေါ် မူတည်၍ ဈေးနှုန်းအနည်းငယ်ကွာခြားနိုင်သည်ဟု MFSPEA မှ ဖော်ပြထားပါသည်။

ထို့အပြင် ရည်ညွှန်းစျေးနှုန်းများကို စည်းမျဉ်းစည်းကမ်းများနှင့်အညီထပ်မံကြေငြာပေးမည် ဖြစ်ကြောင်း၊ ဈေးနှုန်းတိုးမြှင့် ရောင်းချသူများအား ဆက်သွယ်ရန်ဖုန်းနံပါတ်များဖြစ်သည့် 067 410032 နှင့် 09 883353358 မှတဆင့် ကော်မတီထံတိုင်ကြားနိုင်ကြောင်း သိရှိရပါသည်။

လက်ရှိတွင် မြေသြဇာကော်မတီသည် စိုက်ပျိုးသူများအတွက် အရည်အသွေးမီမြေသြဇာ ပြတ်လပ်မှုမရှိစေရေးအတွက် သုံးလတစ်ကြိမ် အစည်းအဝေးကျင်းပနေကြောင်း၊မြေသြဇာနည်းပညာ အဖွဲ့၏ ခွင့်ပြုချက်ဖြင့် မြေသြဇာမှတ်ပုံတင်ခြင်း (၁၁,၅၇၃)ခုကိုမြေသြဇာကော်မတီ၏ (၄၁) ကြိမ်မြောက် အစည်းအဝေးအပြီးတွင် ခွင့်ပြုပေးခဲ့ကြောင်း၊တစ်ဦးချင်း၏ ဆန္ဒအလျောက် လျှောက် ထားသည့် မှတ်ပုံတင်မှု (၁,၉၅၇)ခုကိုပယ်ဖျက်ခဲ့ကြောင်း၊ သက်တမ်းကုန်ဆုံးသည့် မှတ်ပုံတင်မှု (၂၇၉၃)ခုကို ရုပ်သိမ်းခဲ့ပြီးမှတ်ပုံတင် (၆၈၂၃)ခုကို ဆက်လက်ဆောင်ရွက်ဆဲဖြစ်ကြောင်း (၈.၁၁.၂၀၂၄)ရက်နေ့တွင် ထုတ်ပြန်ခဲ့သော Global New Light of Myanmarသတင်းဆောင်းပါးအရ သိရှိ ရပါသည်။

Source           https://www.gnlm.com.mm/fertilizer-prices-unchanged-for-november-and-december/

တင်ပြသူ         ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ နိုဝင်ဘာလ (၁၃) ရက်

တည်းဖြတ်သူ  ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန