အောက်တိုဘာလ (၁၉)ရက်နေ့မှ (၂၅)ရက်နေ့အတွင်း ထုတ်ပြန်ကြေငြာသည့် အမျိုးသား စားနပ်ရိက္ခာ ဘေးအန္တရာယ် ကင်းရှင်းရေးအာဏာပိုင်အဖွဲ့၏ သတင်းအမှတ်စဉ် (၄၀)၌ ကုန်စည် ထုတ်ပိုးမှုဆိုင်ရာ ဝန်ဆောင်မှုလုပ်ငန်းများနှင့် စင်တာများ ထိန်းချုပ်ရေးဦးစီးဌာနအနေဖြင့် လုပ်ငန်း လည်ပတ်မှု (၂၈)ကြိမ် ဆောင်ရွက်ခဲ့ကြောင်းနှင့် စိုက်ပျိုးရေးဆိုင်ရာ တင်ပို့ကုန်ခွင့်ပြုမိန့် (၄၂၉)ခု ထုတ်ပေးခဲ့ကြောင်း ဖော်ပြထားပါသည်။ 

စက်ရုံများကွပ်ကဲမှုအထွေထွေအုပ်ချုပ်ရေးအဖွဲ့သည် စက်မှုဖွံ့ဖြိုးတိုးတက်ရေး အာဏာပိုင် အဖွဲ့နှင့် ပူးပေါင်း၍ တစ်နိုင်ငံလုံးအတိုင်းအတာဖြင့် စားသောက်ကုန်စက်ရုံ (၁၂)ရုံအား ကြီးကြပ် စစ်ဆေးခဲ့ကြောင်း၊ တင်ပို့မှုစာရင်း၌ ကန်စွန်းဥတင်ပို့မှုသည် တန်ချိန် (၁၃,၀၀၀)ဖြင့် ထိပ်ဆုံးမှ ရပ်တည်နေပြီး ပဲတင်ပို့မှုတန်ချိန် (၈,၀၀၀)နှင့် ဟင်းသီးဟင်းရွက် အပါအဝင် အခြားတင်ပို့မှုမှာ တန်ချိန် (၆,၀၀၀)ဖြစ်ကြောင်း သိရှိရပါသည်။ 

ပြည်ပသို့ ဟင်းသီးဟင်းရွက် (၅၀)ကြိမ်ခန့် တင်ပို့ခဲ့ပြီး ပမာဏအားဖြင့် တန်ချိန် (၃၂,၀၀၀) အထိ တင်ပို့နိုင်ခဲ့ကြောင်း၊ သလဲသီးတင်ပို့မှုသည်လည်း တန်ချိန် (၁,၃၀၀၀)ဖြင့်  ဦးဆောင်လျက် ရှိပြီး သရက်သီးနှင့် သံပုရာသီးတင်ပို့မှုမှာ တန်ချိန်(၆၀၀၀) အသီးသီးရှိကြောင်း၊ အီဂျစ်ထုတ်ကုန် တင်သွင်းသည့် (၁၆၆)နိုင်ငံအနက် ဆူဒန်၊ လစ်ဗျား၊ အမေရိကန်နှင့် ဆော်ဒီအာရေးဗီးယားနိုင်ငံ တို့သည် အကြီးဆုံးဖောက်သည်များဖြစ်ကြောင်း သိရှိရပါသည်။

မဟာဗျူဟာမြောက်ကုန်စည်ဌာနသည် အီဂျစ်နိုင်ငံတစ်ဝှမ်းရှိ ဂျုံသိုလှောင်သည့်နေရာများသို့ သွားရောက်စစ်ဆေးခြင်း (၁၃)ကြိမ်ပြုလုပ်ခဲ့ကြောင်း၊ ပုဂ္ဂလိက စားသောက်ကုန် မှတ်ပုံတင်ခြင်းနှင့် လိုင်စင်ထုတ်ပေးခြင်းဆိုင်ရာ အထွေထွေ စီမံအုပ်ချုပ်ရေးအဖွဲ့သည် ထုတ်ကုန် (၂၉)ခု၊ ကုမ္ပဏီ (၁၄) ခု၊ ထုတ်ကုန်အသစ် (၆၅၁)ခုကို စစ်ဆေးခဲ့ပြီး အခမဲ့ရောင်းချခွင့် အသိအမှတ်ပြုလက်မှတ် (၁၁)ခုကို ထုတ်ပြန်ခဲ့ကြောင်း၊ တိုင်ကြားစာများ စီမံခန့်ခွဲမှုအဖွဲ့သည် စားသောက်ကုန်များ ဘေးကင်းစေရန် အတွက် အစိုးရဌာန နေရာအနှံ့အပြား၌ စစ်ဆေးမှု (၈၆၇)ခု ပြုလုပ်ခဲ့ကြောင်း၊ ကူးသန်းရောင်းဝယ်ရေး ကွင်းဆက်များ ထိန်းချုပ်ရေးသည် ကော်မရှင်ရုံး (၅၅)ခုနှင့် ချိတ်ဆက်ခဲ့ပြီး ၎င်းတို့၏ဌာနခွဲများအား အစားအသောက် ဘေးကင်းလုံခြုံရေးဆိုင်ရာ လိုအပ်ချက်များနှင့် ကိုက်ညီစေရန်အတွက် ဆောင်ရွက် ခဲ့ပါသည်။

မှတ်ပုံတင်ထားသည့် စားနပ်ရိက္ခာလုပ်ငန်း (၅၈၂)ခုရှိသည့်အနက် ပြီးခဲ့သည့် သီတင်းပတ် အတွင်း၌ လိုအပ်ချက်များနှင့် ပြည့်မီသည့် လုပ်ငန်းမှာ (၃၅၁)ခုရှိကြောင်း၊ ဂိုဒေါင်ကွပ်ကဲရေး ဌာနသည် အစိုးရဌာန နေရာအနှံ့အပြား၌ စောင့်ကြည့်လေ့လာစစ်ဆေးမှု (၁၅)ကြိမ် ဆောင်ရွက် ခဲ့ကြောင်း သိရှိရပါသည်။

အမျိုးသား အစားအသောက် ဘေးကင်းရေး အာဏာပိုင်အဖွဲ့ (NFSA) သည် ၎င်း၏ အခန်းကဏ္ဍ တစ်စိတ်တစ်ပိုင်းအနေဖြင့် အစားအသောက် ဘေးအန္တရာယ်ကင်းရှင်းရေး သေချာ စေရန်အတွက် ကျယ်ကျယ်ပြန့်ပြန့် စစ်ဆေးရေး လှုပ်ရှားမှုများကို လုပ်ဆောင်ခဲ့သည်။ ၎င်း ဆောင်ရွက်မှုများသည် အစိုးရဌာန နေရာအနှံ့အပြား၌ အစားအသောက်ဆိုင်ရာ လုပ်ငန်းများကို ထိန်းချုပ်ရန်အတွက် NFSA ဥက္ကဋ္ဌဖြစ်သူ ဒေါက်တာ Tareq el-Houby ၏ ညွှန်ကြားချက်အရ ဖြစ်ကြောင်း (၂၉. ၁၀. ၂၀၂၄)ရက်နေ့တွင် ထုတ်ပြန်သည့် https://egyptian-gazette.com သတင်း အရ သိရှိရပါသည်။

Source https://egyptian-gazette.com/business/pomegranate-sweet-potatoes-top-agriculture-exports-list/

တင်ပြသူ ဒေါ်နှင်းရီဝင်း၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ နိုဝင်ဘာလ (၆) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန