ရှမ်းပြည်နယ်တောင်ပိုင်းရှိ Green Gold ကော်ဖီစိုက်ပျိုးထုတ်လုပ်ရေးသမဝါယမအသင်းသည် ၂၀၂၄ ခုနှစ်၊ အောက်တိုဘာလအတွင်း ဘယ်လ်ဂျီယံနိုင်ငံသို့ ကော်ဖီစေ့ တန်ချိန် (၆၈.၁၆)တန် တင်ပို့ခဲ့ပါသည်။

Green Gold ကော်ဖီစိုက်ပျိုးထုတ်လုပ်ရေး သမဝါယမအသင်းသည် ရှမ်းပြည်နယ် တောင်ပိုင်း လွိုင်လင်နှင့် ဟိုပုံးမြို့နယ်တို့မှ ကော်ဖီစိုက်ပျိုးထုတ်လုပ်သူ တောင်သူများ ပူးပေါင်း ဆောင်ရွက်ထားသည့် အသင်းတစ်ခု ဖြစ်ပါသည်။

Green Gold ကော်ဖီစိုက်ပျိုးထုတ်လုပ်ရေးသမဝါယမအသင်းသည် ၂၀၂၄ ခုနှစ်၊ ဧပြီလ (၁) ရက်နေ့မှစ၍ လက်ရှိဘဏ္ဍာရေးနှစ်အတွင်း အောက်တိုဘာလအထိ ပြည်ပဈေးကွက်များသို့ ကော်ဖီစေ့ တန်ချိန် (၁၀၂.၂၄)တန် တင်ပို့ခဲ့ပါသည်။

မြန်မာနိုင်ငံတွင် ကော်ဖီကို ပြင်ဦးလွင်၊ မန္တလေးတိုင်းဒေသကြီးနှင့် ရှမ်းပြည်နယ်တို့တွင် ပထမဆုံး စိုက်ပျိုးကြပြီး ကရင်နှင့် ချင်းပြည်နယ်တို့တွင်လည်း စိုက်ပျိုးကြပါသည်။ မြန်မာနိုင်ငံ တစ်ဝှမ်းတွင် စုစုပေါင်း ကော်ဖီစိုက်ဧက (၅၀,၀၀၀)ရှိပြီး ကော်ဖီ စိုက်ဧက (၃၈,၀၀၀)အား အာရေ ဗီကာကော်ဖီမျိုးများကို စိုက်ပျိုးထားကြပြီး ကျန်ကော်ဖီစိုက် ဧက (၁၂,၀၀၀)အား ရိုဘက်စတာ ကော်ဖီမျိုးများကို စိုက်ပျိုးထားကြကြောင်း စိုက်ပျိုးရေးဦးစီးဌာနမှ သိရှိရပါသည်။

မြန်မာနိုင်ငံတွင် ခန့်မှန်းခြေအားဖြင့် နှစ်စဉ် ကော်ဖီတန်ချိန် (၉,၀၀၀) အထက် ထွက်ရှိ ပါသည်။ မြန်မာနိုင်ငံမှ ထွက်ရှိသော အာရေဗီကာကော်ဖီမျိုးများသည် ဆွစ်ဇာလန်နိုင်ငံ၊ တရုတ် (တိုင်ပေ)၊ တရုတ်နိုင်ငံ၊ ထိုင်းနိုင်ငံ၊ အမေရိကန်နိုင်ငံ၊ ကျွန်းစုနိုင်ငံများ၊ တောင်ကိုရီးယားနိုင်ငံ၊ ဂျပန် နိုင်ငံ၊ ဂျာမနီနိုင်ငံနှင့် ယူအေအီးနိုင်ငံများအပါအဝင် ကမ္ဘာ့ဈေးကွက်များသို့ ထိုးဖောက်ဝင်ရောက် လျက်ရှိကြောင်း (၂၆-၁၀-၂၀၂၄) ရက်နေ့တွင် ထုတ်ပြန်ခဲ့သော https:// www.gnlm. com.mm ၏ သတင်းအချက်အလက်များအရ သိရှိရပါသည်။

Source https://www.gnlm.com.mm/myanmar-ships-68-tonnes-of-coffee-beans-to-belgium-in-oct/ 

တင်ပြသူ ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ နိုဝင်ဘာလ (၆) ရက်

တည်းဖြတ်သူ ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန