တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေး ဦးဆောင် အဖွဲ့မှ စပါးတင်း ၁၀၀ လျှင်အခြေခံရည်ညွှန်းဈေးနှုန်း ၉၆၀,၀၀၀ကျပ် (တစ်တင်းလျှင် ၄၆ ပေါင်နှင့် ညီမျှသည်) သတ်မှတ်ကြောင်း အမိန့်ကြော်ငြာစာ ၁/၂၀၂၄ အရ ကြေညာခဲ့ပါသည်။

တောင်သူလယ်သမားအခွင့်အရေး ကာကွယ်ရေးနှင့် အကျိုးစီးပွားများ မြှင့်တင်ရေးဥပဒေပါ ပြဋ္ဌာန်းချက်များနှင့်အညီ စပါး ရည်ညွှန်းဈေးနှုန်းကို တင်း ၁၀၀ လျှင် ၉၅၀,၀၀၀ ကျပ်ဖြင့် သတ်မှတ်ပေးထားပြီး အရည်အသွေးသတ်မှတ်ချက်များအနေဖြင့် အစိုဓါတ် ၁၄ ရာခိုင်နှုန်းသာ ရှိရမည်ဖြစ်ပြီး သဲ၊ ဖုန်နှင့် ကျောက်ခဲ ကဲ့သို့သောအမှိုက်များလည်း သတ်မှတ် ရာခိုင်နှုန်းသာ ပါရှိ ရမည်ဖြစ်ကာ စိုက်ပျိုးထုတ်လုပ်သူများအတွက် သင့်တင့်သောဈေးနှုန်းနှင့် သေချာသော ဈေးကွက် ရရှိရေးအတွက် ထုတ်ပြန်ခြင်းဖြစ်ပါသည်။

စျေးကွက်ပေါက်စျေးသည် ၎င်းအောက်တွင်ရှိနေပါက ရည်ညွှန်းစျေးနှုန်းအတိုင်း အရောင်း အဝယ်ပြုလုပ်ရမည်ဖြစ်ပါသည်။

စျေးနှုန်းသည် စပါးရိတ်သိမ်းရာသီတွင် သင့်တင့်လျောက်ပတ်သော ဈေးနှုန်းရရှိရန် ၂၀၂၄ခုနှစ်တွင် ထွက်ရှိမည့် မိုးစပါးနှင့် ၂၀၂၅ခုနှစ်တွင် စိုက်ပျိုးမည့် နွေစပါးများအတွက် သတ်မှတ်ပေးထားပါသည်။

ရည်ညွှန်းပေါက်ဈေးအတိုင်း ရောင်းချရာတွင် အခက်အခဲရှိသော တောင်သူများအနေဖြင့် မြန်မာနိုင်ငံဆန်စပါးအသင်းချုပ်၏ မြို့နယ်ကိုယ်စားလှယ်များနှင့် ချိတ်ဆက်၍သော်လည်းကောင်း၊ မြန်မာနိုင်ငံဆန်စပါးအသင်းချုပ်၏ ဆက်သွယ်ရန်နံပါတ်များ ၀၁ ၂၃၀၁၁၂၈, ၀၁ ၂၃၀၁၁၂၉ နှင့် ၀၁ ၂၁၈၂၆၆ သို့ ဆက်သွယ် နိုင်ပါကြောင်းကို (၂၀-၁၀-၂၀၂၄)ရက်နေ့ထုတ် Global New Light Of Myanmar သတင်းဆောင်းပါးအရ သိရှိရပါသည်။

Source https://www.gnlm.com.mm/paddy-reference-price-set-at-k960000-per-100-baskets/

တင်ပြသူ ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ အောက်တိုဘာလ  (၂၃) ရက်

တည်းဖြတ်သူ ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန