ရှမ်းပြည်နယ်၊ တောင်ကြီးသစ်သီးဈေးကွက်တွင် ထောပတ်သီး ရောင်းချမှု မြင့်တက်လာပြီး ရန်ကုန် နှင့် မန္တလေးတို့သည် အဓိကဝယ်လက်ဖြစ်လာကာ ဈေးနှုန်းလည်း သင့်တင့်ကြောင်း သိရှိရ ပါသည်။

“ယခုရာသီတွင် ထောပတ်သီး ရောင်းရမှု များပြားကြောင်း၊ ရှမ်းပြည်နယ်သည် ထောပတ်သီး အများဆုံးထွက်ရှိပြီး တစ်နိုင်ငံလုံးမှဝယ်ယူမှုများရှိနေပြီး အထူးသဖြင့် ရန်ကုန်နှင့် မန္တလေးဒေသတို့မှ အဓိကဝယ်ယူသူများဖြစ်ကြောင်း၊ ထောပတ်သီးရာသီသည် အောက်တိုဘာ လတွင် စတင်ပြီး  ဖေဖော်ဝါရီ၊ မတ်လအထိဖြစ်ကြောင်း၊ အသီးလှိုင်လှိုင် ထွက်ရှိလာချိန်တွင် ဈေးနှုန်းကျမည်ဖြစ်ကြောင်း၊  နိုဝင်ဘာလနှင့် ဒီဇင်ဘာလသည် ထောပတ်သီး ပေါပေါများများ ထွက်ရှိသည့်ကာလဖြစ်သော်လည်း ယခုကာလတွင်ပင် အသီးများများထွက်ရှိသဖြင့် ဈေးနှုန်း ချိုသာကြောင်း” တောင်ကြီး မြို့မှ သစ်သီးရောင်းချသူ မစန္ဒီတာရာမှ ပြောကြားခဲ့ပါသည်။

“ထောပတ်သီးသည် ရန်ကုန်မြို့တွင် စားသုံးမှုအများဆုံး သစ်သီးတစ်မျိုးဖြစ်ပြီး ဖျော်ရည် အဖြစ်သုံးကြကြောင်း၊  အများအားဖြင့် ယခုကာလအတွင်း ထောပတ်သီးရောင်းချမှု မြင့်မားကြောင်း” မရမ်းကုန်းမြို့နယ်ရှိ သစ်သီးကုန်သည်တစ်ဦးက ပြောကြားခဲ့သည်ကို (၁၇. ၁၀. ၂၀၂၄) ရက်နေ့တွင် ထုတ်ပြန်သည့် Global New Light of Myanmar သတင်းဆောင်းပါးအရ သိရှိရ ပါသည်။

Source https://www.gnlm.com.mm/238651-2/

တင်ပြသူ ဒေါ်လင်းလဲ့ရည်အောင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ အောက်တိုဘာလ (၂၃ ) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန