ကနဦးအနေဖြင့် Fresh Inset နှင့် Janssen PMP ကုမ္ပဏီတို့သည် ဟင်းသီးဟင်းရွက် များနှင့် သစ်သီးဝလံများ သယ်ယူပို့ဆောင်ရေးနှင့် ရိတ်သိမ်းချိန်လွန်သိုလှောင်မှုများအတွက် Vidre+™ နည်း ပညာကို အကဲဖြတ်သုံးသပ်ရန် အတူတကွ လုပ်ဆောင်ခဲ့ကြပါသည်။ Vidre+ စတစ် ကာနှင့် ထုတ်ပိုးမှုပုံစံဖြင့် Vidre+ နည်းပညာသည် ထုတ်ကုန်များ သိုလှောင်ခြင်း၊ သယ်ယူပို့ ဆောင်ခြင်းနှင့် လက်လီ ရောင်းချစဉ်အတွင်း ထုတ်ကုန်များ၏ အရည်အသွေးပေါ် ကြီးမားသော သက်ရောက်မှုရှိကြောင်း သက်သေပြခဲ့ပါသည်။ Vidre+ နည်းပညာသည် ထုတ်ကုန်များ၏ လတ် ဆတ်မှုနှင့် သိုလှောင်မှု သက်တမ်းကို ကြာရှည်ခံနိုင်ရေးအတွက် အထောက်အကူ ဖြစ်စေသည့် အတွက် စိုက်ပျိုးထုတ်လုပ်သူ တောင်သူများ၊ ထုတ်ပိုးသူများ၊ ဖြန့်ဖြူးရောင်းချသူများ၊ လက်လီ ရောင်းချသူများနှင့် စားသုံးသူများ အများဆုံး ကြုံတွေ့နေရသော စိန်ခေါ်မှုအချို့ကို ဖြေရှင်းရာတွင် ထိရောက်အကျိုးရှိခဲ့ပါသည်။

Vidre+ နည်းပညာသည် ထူးခြားဆန်းသစ်သော management tool တစ်ခုဖြစ်ပြီး စိုက်ပျိုး ထုတ်လုပ်သူ တောင်သူများ၊ ထုတ်ပိုးသူများ၊ ဖြန့်ဖြူးရောင်းချသူများနှင့် လက်လီရောင်းချသူများ အတွက် ၎င်းတို့၏ ရိတ်သိမ်းထားသော ထုတ်ကုန်များအား လတ်ဆတ်သော အရည်အသွေးများဖြင့် တစ်နှစ်ပတ်လုံး တင်ပို့နိုင်ရေးအတွက် အထောက်အကူဖြစ်စေပါသည်။ Vidre+ နည်းပညာသည် လက်ရှိ မည်သည့်ထုတ်ပိုးမှုများနှင့် သယ်ယူပို့ဆောင်ရေး လုပ်ငန်းစဉ်များကိုမျှ ပြောင်းလဲရန် မလိုအပ် ပေ။ Fresh Inset ကုမ္ပဏီတွင် ကျွန်ုပ်တို့သည် ထုတ်ကုန်များ၏ supply chain တစ်လျှောက်လုံးတွင် ပျက်စီးဆုံးရှုံးမှု အနည်းဆုံးဖြစ်စေရန်နှင့် သိုလှောင်မှုသက်တမ်းအား ကြာရှည်ခံစေရန် ယုံကြည်စိတ်ချ ရသော မိတ်ဖက်တစ်ဦးကို တွေ့ရှိခဲ့ပါသည်။ 

Fresh Inset ကုမ္ပဏီမှ ဘုတ်အဖွဲ့ဝင်နှင့် မဟာဗျူဟာအရာရှိချုပ်ဖြစ်သူ Krzysztof Czaplicki က Vidre+ နည်းပညာ၏ စွမ်းဆောင်ရည်များသည် လက်လီရောင်းချသူများနှင့် စားသုံးသူ နှစ်ဦးစလုံးအတွက် အရည်အသွေး ကောင်းမွန်သောထုတ်ကုန်များကို ပေးစွမ်းနိုင်မည်ဖြစ်ကြောင်း ပြောကြားခဲ့ပါသည်။ ရိတ်သိမ်းချိန်လွန်လုပ်ငန်းနယ်ပယ်တွင် နှစ်(၅၀)အထက် လုပ်ငန်းအတွေ့ အကြုံ အရ Janssen PMP သည် ကျွန်ုပ်တို့၏ ထိပ်တန်းမိတ်ဖက် ကုမ္ပဏီတစ်ခု ဖြစ်ပါသည်။ Vidre+ နည်းပညာသည် ထုတ်ကုန်များ၏ လတ်ဆတ်မှုအား အကာအကွယ်ပေးသည့် နည်းပညာတစ်ခု ဖြစ်ပါသည်။ အဆိုပါ ဆန်းသစ်တီထွင်မှုသည် အစားအစာများ အလေ့အလွင့်ဖြစ်မှုများကို တိုက်ဖျက် ပေးပြီး ထုတ်ကုန်များအား အရည်အသွေးနှင့် လတ်ဆတ်မှုများကို မြှင့်တင်ပေးသည့်အပြင် ကမ္ဘာ မြေကြီး၊ စားသောက်ကုန် လုပ်ငန်းများနှင့် စားသုံးသူများအတွက် အကျိုးရှိကြောင်း (၃-၁၀-၂၀၂၄) ရက်နေ့တွင် ထုတ်ပြန်ခဲ့သော https://www.freshplaza.com  ၏ သတင်းအချက်အလက်များအရ သိရှိရပါသည်။

Source https://www.freshplaza.com/north-america/article/9665176/post-harvest -storage-technology-to-be-commercialised-in-europe/  

တင်ပြသူ ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ အောက်တိုဘာလ (၉) ရက်

တည်းဖြတ်သူ ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန