စိုက်ပျိုးမွေးမြူရေးနှင့် ရေလုပ်ငန်းဝန်ကြီး (MAAIF) Frank Tumwebaze က ယူဂန်ဒါနှင့် တရုတ်နိုင်ငံတို့အကြား မကြာသေးမီက လက်မှတ်ရေးထိုးထားသော သဘောတူညီချက်အရ နှစ်နိုင်ငံအကြား မျှတသောကုန်သွယ်မှုကို သိသိသာသာ မြှင့်တင်ပေးမည်ဖြစ်ကြောင်းပြောကြားခဲ့ ပါသည်။

ယူဂန်ဒါကိုယ်စားလှယ်အဖြစ် MAAIF နှင့် တရုတ်ပြည်သူ့သမ္မတနိုင်ငံ ကိုယ်စားလှယ်အဖြစ် အကောက်ခွန်အထွေထွေ အုပ်ချုပ်ရေးအဖွဲ့ (GACC) တို့သည် တရုတ်နိုင်ငံ ဘေဂျင်းမြို့တွင် ၂၀၂၄ ခုနှစ် စက်တင်ဘာ ၂ ရက်မှ ၈ ရက်အထိ ကျင်းပခဲ့သည့် ၉ ကြိမ်မြောက် တရုတ်-အာဖရိက ပူးပေါင်း ဆောင်ရွက်ရေး ဖိုရမ်တွင် တရုတ်အစိုးရ၏ သဘောတူညီချက် နှစ်ခုကို လက်မှတ်ရေးထိုး ခဲ့ပါသည်။

အဆိုပါ သဘောတူညီချက်နှစ်ခုတွင် ယူဂန်ဒါမှ တရုတ်သို့တင်ပို့မည့် ငါးတစ်မျိုးဖြစ်သည့် Nile perch ငါး၏ အရိုးထုတ်ထားသောငါး၊ ခေါင်းဖယ်ထားသောငါး၊ အူ၊ အစာအိမ်၊ အကြေးခွံစသည့် သဘာဝရေထွက်ကုန်ပစ္စည်းများအား စစ်ဆေးခြင်း၊ ပိုးမွှားရောဂါကင်းစင်ခြင်း၊ ကာကွယ်ထိန်းချုပ် ခြင်းတို့နှင့် သက်ဆိုင်သော သဘောတူညီချက်နှင့် တရုတ်သို့တင်ပို့မည့် ငရုတ်ခြောက်အတွက် စစ်ဆေးခြင်း၊ ပိုးမွှားရောဂါကင်းစင်ခြင်း၊ ကာကွယ်ထိန်းချုပ်ခြင်တို့နှင့် သက်ဆိုင်သော သဘောတူ ညီချက်တို့ပါဝင် ပါသည်။

ဒုတိယသဘောတူညီချက်သည် ကမ္ဘာ့အကြီးဆုံး ငရုတ်စားသုံးသူဈေးကွက်များထဲမှ တစ်ခုသို့ ဝင်ရောက်ရန် တံခါးပေါက်ဖြစ်သောကြောင့် ငရုတ်ခြောက်တင်ပို့မှုဆိုင်ရာ သဘောတူညီချက်ကို တရားဝင်ဖြစ်စေပါသည်။

အဆိုပါသဘောတူညီချက်သည် နှစ်ပေါင်းများစွာ Uganda ကို ထိခိုက်စေခဲ့သော Uganda-China ကုန်သွယ်ရေး မညီမျှမှုကို သိသာထင်ရှားစွာ ကိုင်တွယ်ဖြေရှင်းနိုင်လိမ့်မည်ဟု Tumwebaze က ယနေ့ ပြောကြားခဲ့ပါသည်။

"ထို့ကြောင့် အဆိုပါ သဘောတူညီချက်နှစ်ခုကို လက်မှတ်ရေးထိုးခြင်းသည် ယူဂန်ဒါ၏ လယ်ယာပို့ကုန်ဖွံ့ဖြိုးတိုးတက်မှုအတွက် သိသာထင်ရှားသော ကျော်လွှားမှုကို ကိုယ်စားပြုပြီး တရုတ်နိုင်ငံနှင့် ကုန်သွယ်မှု ဆိုင်ရာမျှတမှုကို ဖန်တီးရန် အထောက်အကူဖြစ်စေမည်" ဟု ၎င်းက ပြောကြားခဲ့ပါသည်။

အင်္ဂါနေ့က Kampala တွင် သတင်းထောက်များအား စကားပြောဆိုခဲ့သည့် Tumwebaze သည် စိုက်ပျိုးရေးဝန်ကြီးဌာနနှင့် ပုဂ္ဂလိကကဏ္ဍ (ထုတ်လုပ်သူများ၊ တန်ဘိုးမြင့်ထုတ်ကုန် ပြုလုပ်သူများ၊ ပို့ကုန်လုပ်ငန်းရှင်များ စသည်) တို့၏ ပေါင်းစပ်ကြိုးပမ်းမှုဖြင့် မှတ်ချက်ပြုခဲ့ပါသည်။ ယူဂန်ဒါသည် ၎င်း၏ပို့ကုန်များတွင် အစားအစာဘေးကင်းမှုနှင့် အရည်အသွေး၏ အမြင့်ဆုံးစံချိန် စံညွှန်းများကို အာမခံပြီး တရုတ်ဈေးကွက်၏ တောင်းဆိုချက်များကို ဖြည့်ဆည်းရန် ကောင်းမွန် သော အနေအထားတွင်ရှိနေပါသည်။

အထူးသဖြင့် Nile perch ငါးအမျိုးအစားဖြစ်သည့် အရိုးထုတ်ထားသောငါး၊ ခေါင်းဖယ် ထား သောငါး၊ အူ၊ အစာအိမ်၊ အကြေးခွံစသည့် သဘာဝရေထွက်ကုန်ပစ္စည်းများနှင့် ငရုတ်ခြောက်များ အပါအဝင် တရုတ်နိုင်ငံသို့ ကုန်ပစ္စည်းတင်ပို့ရာတွင် အခက်အခဲများရှိကြောင်း Tumwebaze က အသိအမှတ်ပြုခဲ့သည်ကို (၁-၁၀-၂၀၂၄)ရက်နေ့ထုတ် https://chimpreports.com  သတင်းဆောင်းပါး အရ သိရှိရပါသည်။

Source https://chimpreports.com/uganda-china-agreements-on-agricultural-exports-to-create-trade-balance-says-tumwebaze/

တင်ပြသူ ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ အောက်တိုဘာလ  (၉) ရက်

တည်းဖြတ်သူ ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန