တနင်္သာရီတိုင်းဒေသကြီးရှိ စီးပွားဖြစ်မွေးမြူရေးခြံများမှ ထွက်ရှိသော မြန်မာ့ ပုစွန်ဖြူ (ပနားမီး)များကို တရုတ်နှင့် ဂျပန်နိုင်ငံများသို့ အဓိက တင်ပို့ရောင်းချနေပါသည်။

ပနားမီးပုစွန်ဖြူ၏ အရည်အသွေးကောင်းမွန်မှုကြောင့် ပြည်ပဝယ်လိုအား မြင့်မားနေသည်။

 စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနနှင့် တရုတ်နိုင်ငံတို့သည် ပင်လယ်ထွက်ကုန်တင်ပို့မှုကဏ္ဍတွင် ပူးပေါင်းဆောင်ရွက်နိုင်ရန် နားလည်မှု စာချွန်လွှာ (MOU) လက်မှတ်ရေးထိုးထားပြီး ၎င်းတွင် ပင်လယ်ငါးပုစွန်တင်ပို့ခြင်းအပြင် ရေငန်ပုစွန်ဖြူ တင်ပို့နိုင်မှုဆိုင်ရာ အခွင့်အလမ်းများလည်း ပါဝင်ပါသည်။ နိုင်ငံခြားဝင်ငွေရရှိစေမည့် ရေငန် ပုစွန် မွေးမြူရေးလုပ်ငန်းကို ရေလုပ်ငန်းရှင်များက စိတ်ဝင်စားလာကြသည်။

တစ်ချိန်တည်းမှာပင် ပင်လယ်ပြင်တွင် ငါးသယံဇာတများရှားပါးလာပြီး ပို့ဆောင်ခ လည်း မြင့်မားကာ စျေးကွက်အခြေအနေ မတည်ငြိမ်မှုများလည်းရှိနေသည်။ အကျယ် (၂.၅) ဧက၊ အနက် (၆) ပေ ရှိသည့် ရေကန်များတွင် ပုစွန် (၂-၄) သန်းအထိ မွေးမြူကြသည်။ ပုစွန်ကန် ဧက (၁၀၀)တွင် ဧက (၄၀)ကို ပင်လယ်ရေသန့် သိုလှောင်ရန် အသုံးပြုပြီး ကျန် ဧက (၆၀)တွင် ပုစွန်များကို မွေးမြူထားသည်။ မွေးမြူပြီး (၃-၄)လအကြာတွင် ပုစွန်များ သည် ထိုင်းနိုင်ငံသို့ တင်ပို့ရောင်းချရန် ဈေးကွက်ဝင်အနေအထားသို့ ရောက်ရှိပြီဖြစ်သည်။

ပုစွန်မွေးမြူသည့် ကုမ္ပဏီသည် အမေရိကန်ဒေါ်လာ (၁၀)သန်းကျော် ဝင်ငွေရှိပြီး အချို့ကုမ္ပဏီများမှာ ပုစွန်တန်ချိန် (၂၀) သာ ထွက်ရှိသောကြောင့် အရှုံးပေါ်လျက်ရှိပါသည်။

ယခုနှစ်တွင် မိုးများပြီး မျိုးမကောင်းသည့်အတွက် ထုတ်လုပ်မှုနှုန်း ကျဆင်းခဲ့သည်။ ပုစွန်ဖြူမျိုးစိတ်များနှင့် အစာကို ထိုင်းနိုင်ငံမှ ဝယ်ယူရပါသည်။  ပြုတ်ထားသည့်ပုစွန်များကို တရုတ်နိုင်ငံသို့ တင်ပို့ပြီး ဖောက်သည်များ၏ ဆန္ဒပေါ်မူတည်၍ ဂျပန်နိုင်ငံသို့အေးခဲပြုလုပ် ပြီး တင်ပို့ရောင်းချသည်။

ကျွန်တော်တို့အနေဖြင့် ပို့ကုန်ကဏ္ဍတွင် အခြားနိုင်ငံများနှင့် ယှဉ်ပြိုင်ရမည်ဖြစ်ပြီး အခွန်နှင့်အစားအသောက်ဝယ်ယူရေးလိုင်စင်ကဏ္ဍကို ကောင်းစွာဆောင်ရွက်နိုင်ပါက အခြား နိုင်ငံများနှင့် ယှဉ်ပြိုင်နိုင်မည်ဖြစ်သည်။ တရုတ်နိုင်ငံသို့ တရားဝင်တင်ပို့ခွင့် ရရှိထားပြီး ကျွန်တော်တို့ ပနားမီးပုစွန်ဖြူ မွေးမြူရေးလုပ်ငန်းကို တိုးချဲ့ဆောင်ရွက်သည့်အခါ နိုင်ငံခြား ဝင်ငွေ ပိုမိုရရှိနိုင်ပြီး ကုမ္ပဏီ များအနေဖြင့် အခြေအနေကောင်းလာပါမည်။

“မြန်မာ့ပနားမီးပုစွန်ဖြူဟာ  ရေထွက်ကုန်ဈေးကွက်မှာ  နောက်တစ်ကြိမ် ပြန်လည် ရေပန်းစားလာမှာပါ”ဟု တနင်္သာရီတိုင်းဒေသကြီးငါးလုပ်ငန်းအဖွဲ့ချုပ်မှ အတွင်းရေးမှူး ဦးသက်စိုးက ပြောသည်။

မြိတ်ခရိုင်၊ ကျွန်းစုမြို့နယ်တွင် ပြည့်ဖြိုးထွန်းကုမ္ပဏီမှ လုပ်ကိုင်နေသည့် မြေ (၈၃၂) ဧကပေါ်တွင်ပုစွန်ဖြူမွေးမြူရေးကန်(၁၀၅)ကန်နှင့်ခိုင်ဇင်ယော်(မစမ်းပါ)ကုမ္ပဏီမှ (၅၃၁.၀၅) ဧကပေါ်တွင် ပုစွန်ဖြူမွေးမြူရေးကန် (၅၃)ကန်၊ ပုလောမြို့နယ်တွင် ရွှေကံမော် ကုမ္ပဏီမှ (၂၉၉.၇၇)ဧကပေါ်တွင် ပုစွန်ဖြူမွေးမြူရေးကန် (၂၅)ကန်၊ ထူးထူးတိုးကုမ္ပဏီနှင့် ဩဘာစံ ကုမ္ပဏီတို့မှ လုပ်ကိုင်နေသည့် ပုစွန်ဖြူမွေးမြူရေး ကန် (၁၀)ကန်မှ (၁၅)ကန် ရှိကြောင်း သိရသည်။

ပနားမီးပုစွန်ဖြူကို မွေးမြူရေးကန်ပေါင်း (၂၀၀)ကျော်မှ လေးလတစ်ကြိမ်ထုတ်လုပ်ပြီး တရုတ်နှင့် ဂျပန်နိုင်ငံတို့သို့ တင်ပို့ရောင်းချနေကြောင်းကို (၄.၁၀.၂၀၂၄)ရက်နေ့က ဖတ်ရှုခဲ့ ရသည့် Global New Light of Myanmar ၏ သတင်းဆောင်းပါးမှတစ်ဆင့် သိရှိခဲ့ရသည်။

Source https://www.gnlm.com.mm/myanmar-exports-white-shrimp-vannamei-to-china-japan-2/#article-title

တင်ပြသူ ဦးဖုန်းမြတ်ဝင်းမောင်မောင်၊ ဒု-လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊အောက်တိုဘာလ(၉) ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန