မန္တလေးတိုင်းဒေသကြီး မြင်းခြံမြို့နယ်မှ ကွမ်းပင်စိုက်ပျိုးသူများသည် မုတ်သုံရာသီထက် ဆောင်းရာသီတွင် အမြတ်အစွန်း ပိုမိုရရှိသည်ကိုတွေ့ရကြောင်း မန္တလေးတိုင်းဒေသကြီး စားသုံးသူ ရေးရာဦးစီးဌာနမှ သိရပါသည်။

မုတ်သုံရာသီတွင် ကွမ်းခြံများ ပျက်စီးတတ်ပါသည်။ ထို့အပြင် ပိုးမွှားများသည် စိုက်ခင်း များကို ဖျက်ဆီးကာ ရလဒ်အနေဖြင့် အရွက်များ အဝါရောင်ဖြစ်ခြင်း၊ တွန့်ခေါက်ခြင်းနှင့် ကျုံ့ခြင်း တို့ကို ဖြစ်စေပါသည်။ လေပြင်းတိုက်ခတ်မှု၊ ရေကြီးမှု၊ ပိုးမွှားဝင်ရောက်မှုနှင့် ကွမ်းစိုက်တောင်သူ ဦးရေလျော့ကျခြင်းတို့ကြောင့် အထွက်နှုန်းကျဆင်းခဲ့ကြောင်း စိုက်ပျိုးရေးလုပ်ငန်းရှင်များက ပြော ကြားခဲ့ပါသည်။ ကွမ်းခြံများသည် ဆောင်းရာသီတွင် အထွက်နှုန်းကျဆင်းမှုကို ထိန်းချုပ်ထားနိုင်ပြီး ဈေးနှုန်းများမြင့်တက်ကြောင်း စိုက်ပျိုးသူများက ပြောပါသည်။

ကွမ်းရွက်ကို စိုက်ပျိုးပြီး ငါးလမှ ခြောက်လအတွင်း ခူးယူနိုင်ပါသည်။ ကွမ်းမျိုးစိတ်ပေါ် မူတည်၍ သုံးနှစ်မှ ငါးနှစ်အထိ ခူးယူနိုင်ပါသည်။ မျိုးစေ့၊ သွင်းအားစုနှင့် လုပ်ခအပါအဝင် ၀.၂၅ ဧက လျှင် ငွေကျပ် ၂.၅ သန်းခန့် ကုန်ကျပါသည်။ ကွမ်းရွက်ကို ဆယ်ရက်ခြား တစ်ကြိမ် ခူးယူနိုင်ပါသည်။ အထွက်နှုန်းမှာ တစ်လလျှင် ၃၅ ပိဿာမှ ၄၀ ပိဿာအထိ ထွက်ရှိပါသည်။

ကွမ်းစိုက်ပျိုးခြင်းသည် စနစ်တကျအပင်ပြုစုတတ်ခြင်းနှင့် မှိုသတ်ဆေးသုံးစွဲသည့် အတွေ့ အကြုံများ လိုအပ်ပါသည်။ ထို့အပြင် ကွမ်းရိုးနွယ်ပင်များသည် မြေဆီလွှာကောင်း လိုအပ်သော် လည်း အပင်ခြေနှင့် အမြစ်ပုပ်ရောဂါတို့ကို ကာကွယ်ရန်အတွက် အစိုဓာတ်လွန်ကဲစွာဖြင့် ပင်ခြေ တွင်ရေမဝပ်ရန် လိုအပ်ပါသည်။ 

ကွမ်းစိုက်ပျိုးခြင်းသည် လုပ်ကွက်ငယ်တောင်သူလယ်သမားများအတွက် ကျစ်လစ်သော လုပ်အားနှင့် များပြားသော ၀င်ငွေရစေသည့် လုပ်ငန်းတစ်ခုဖြစ်ကြောင်း (၄.၁၀.၂၀၂၄) ရက်နေ့တွင် ထုတ်ပြန်ခဲ့သော Global New Light of Myanmar သတင်းဆောင်းပါး အရသိရှိရပါသည်။

Source https://www.gnlm.com.mm/betel-farmers-target-winter-for-higher-profits/

တင်ပြသူ ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ အောက်တိုဘာလ (၉) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန