ကာဇက်ပြည်နယ်ဝန်ကြီးချုပ် Olzhas Bektenov သည် စက်တင်ဘာ ၂၃ ရက်က ပြည်တွင်းစိုက်ပျိုးရေးလုပ်ငန်းကိုယ်စားလှယ်များနှင့် တွေ့ဆုံစဉ် စားနပ်ရိက္ခာဖူလုံရေးနှင့် လယ်ယာ ထွက်ကုန်များ တိုးချဲ့ရရှိရေး၏ အရေးပါမှုကို အလေးပေးပြောကြားခဲ့ပါသည်။

ဝန်ကြီးချုပ်၏ သတင်းစာရှင်းလင်းပွဲတွင် ကုန်သွယ်ရေးနှင့် ပေါင်းစည်းရေးဝန်ကြီးဌာနနှင့် Atameken Chamber တို့သည် ဗဟိုအာရှ၊ တရုတ်၊ အာဖဂန်နစ္စတန်နှင့် အီရန်တို့ကဲ့သို့သော မိတ်ဖက်များထက် ကာဇက်စတန်၏လယ်ယာထွက်ကုန်ဈေးကွက်များကို တိုးချဲ့ရန် တာဝန်ပေး ထားပါသည်။ ပို့ကုန်တင်ပို့မည့် နိုင်ငံအသစ်များတွင် ဥရောပသမဂ္ဂ (EU)၊ မြောက်အာဖရိကနှင့် အရှေ့တောင်အာရှ နိုင်ငံများ ပါဝင်မည်ဖြစ်သည်။

စိုက်ပျိုးရေးဝန်ကြီးဌာန၏အဆိုအရ ယခုနှစ်စပါးရိတ်သိမ်းမှုသည် တန်ချိန်သန်း (၂၀)ထက် ပို၍ ရှိမည်ဟု ခန့်မှန်းထားသည်။ ဤပဏာမခြေလှမ်းကို အထောက်အကူဖြစ်စေရန်ပို့ဆောင်ရေး ဝန်ကြီးဌာနနှင့် နိုင်ငံတော်အဆင့် မီးရထားကုမ္ပဏီတို့ကို လယ်ယာထွက်ကုန်များ သယ်ယူပို့ဆောင်ရေး အတွက် ထိရောက်သော ယန္တရားများ ဖွံ့ဖြိုးတိုးတက်အောင် ဆောင်ရွက်ကြရန် ညွှန်ကြားထားပြီး ဖြစ်ပါသည်။

ကာဇက်စတန်၏ စားနပ်ရိက္ခာ ထုတ်လုပ်မှု ဖူလုံမှုရှိစေရန် အစိုးရ၏ ကတိကဝတ်ထားရှိမှု ကို Bektenov က ထပ်မံအတည်ပြုခဲ့သည်။

စိုက်ပျိုးရေးကဏ္ဍ၏ စွမ်းဆောင်ရည်ကို မြှင့်တင်ရန်အတွက် တစ်နိုင်ငံလုံးအတိုင်းအတာ ဖြင့် စိုက်ပျိုးရေးသန်းခေါင်စာရင်းကို(၂၀၂၅)ခုနှစ်တွင် ကောက်ယူသွားမည်ဖြစ်ကြောင်း ၎င်းက ဆက် လက်ပြောသည်။ သန်းခေါင်စာရင်းကောက်ယူမှုသည် မြေယာအသုံးပြုမှု၊ မွေးမြူရေး၊ လယ်ယာသုံး စက်ကိရိယာများနှင့် အခြေခံအဆောက်အအုံ အချက်အလက်များကို အဆင့်မြှင့်တင်မည်ဖြစ်ပြီး နိုင်ငံတော်ဘဏ္ဍာငွေကို ထိထိရောက်ရောက် အသုံးပြုကြောင်း သေချာစေမည် ဖြစ်ပါသည်။

(၂၀၂၅)ခုနှစ်အထိ တောင်သူများသည် ငွေကြေးဆိုင်ရာအဖွဲ့အစည်းများထံမှ အတိုးနှုန်း သက်သာသော ချေးငွေများကို တိုက်ရိုက်ရယူနိုင်ပါသည်။ ဝန်ကြီးဌာနအနေဖြင့် ထောက်ပံ့ငွေများ စီမံပေးခြင်း၊ လုပ်ငန်းစဉ်ကို ချောမွေ့စေခြင်း၊ ထောက်ပံ့ကြေးမှတ်ပုံတင်ခြင်းနှင့် ပတ်သက်သည့် တရားဝင် နည်းလမ်းများမှ တောင်သူများကို ကင်းလွတ်စေခြင်း စသည့် အကြောင်းတရားများကို စီမံခန့်ခွဲပေးလိမ့်မည်ဖြစ်ကြောင်း(၂၄.၉.၂၀၂၄)ရက်နေ့ တွင် ထုတ်ပြန်ခဲ့သော The Astana times သတင်းဆောင်းပါးအရ သိရှိရပါသည်။

Source https://astanatimes.com/2024/09/kazakhstan-targets-new-agricultural-export-markets/

တင်ပြသူ ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ အောက်တိုဘာလ  (၂) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန