ရေဘေးသင့်ဒေသသို့ လှူဒါန်းရန်အတွက် ပရဟိတစေတနာရှင်များထံမှ ဝယ်လိုအား များလာသဖြင့် စက်တင်ဘာ တတိယပတ်တွင် ကုလားပဲနှင့် ပဲကြီး အရောင်းအဝယ်သွက်လာခဲ့ ပါသည်။

ကုလားပဲသည် ပြည်တွင်းစားသုံးမှုအပေါ် လွန်စွာမှီခိုနေပြီး ပဲခွဲစက်ပိုင်ရှင်များ၏ ဝယ်လိုအားမှာ ဈေးနှုန်းအတက်အကျနှင့် အလွန်ဆက်စပ်နေကြောင်း မန္တလေးကုန်စည်ဒိုင်မှ သိရ ပါသည်။

ကုလားပဲကို အောက်တိုဘာလမှ နိုဝင်ဘာလအတွင်း စိုက်ပျိုးကြပြီး ဇန်နဝါရီလမှ ဧပြီလ အတွင်း ရိတ်သိမ်းလေ့ရှိပါသည်။ ပဲခူး၊ ဧရာဝတီ၊ စစ်ကိုင်း၊ မကွေးနှင့် မန္တလေးတိုင်းဒေသကြီးတို့တွင် အဓိက စိုက်ပျိုးကြသည်။

ပြည်တွင်းဈေးကွက်တွင် ပဲကြီးကို အလွန်စားသုံးကြပြီး ပြည်ပဈေးကွက်သို့လည်း တင်ပို့ ရောင်းချလျက်ရှိပါသည်။ တရုတ်နိုင်ငံသည် မြန်မာနိုင်ငံမှ ပဲကြီးများကို အဓိက ဝယ်ယူလျက်ရှိသည်။ ပဲများကို အိန္ဒိယနှင့် ဂျပန်သို့လည်း တင်ပို့ခဲ့ပါသည်။  ထို့အပြင် မြန်မာနိုင်ငံမှ အသင့်စား ပဲခြမ်း ကြော်များကို တန်ဘိုးမြင့်ထုတ်ကုန်အဖြစ် စင်ကာပူနိုင်ငံသို့ တင်ပို့နိုင်ခဲ့ပါသည်။

ပဲကြီးသည် မန္တလေး၊ စစ်ကိုင်းနှင့် မကွေးတိုင်း ဒေသကြီးများတွင် အဓိက စိုက်ပျိုးသော ဆောင်းသီးနှံဖြစ်သည်။ ဇန်နဝါရီလတွင် များသောအားဖြင့် ရိတ်သိမ်းလေ့ရှိကြောင်းကို (၂၅-၉-၂၀၂၄) ရက်နေ့ထုတ် Global New Light of Myanmar သတင်းဆောင်းပါးအရ သိရှိရပါသည်။

Source https://www.gnlm.com.mm/mandalay-market-sees-brisk-sales-of-chickpea-lablab-bean/

တင်ပြသူ ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ အောက်တိုဘာလ  (၂) ရက်

တည်းဖြတ်သူ ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန