ရေပြန်ကျသွားပြီး လမ်းများပြန်ဖွင့်လာ၍ ရန်ကုန်မြို့၏ကုန်စိမ်း လက်လီလက်ကားဈေး ဖြစ်သောဒညင်းကုန်းဈေးသို့ ကုန်တင်ကားများအဆက်မပြတ်ဝင်ရောက်လာကြောင်း သိရှိရပါသည်။

ရေကြီးမှုကြောင့် နှစ်ရက်ကြာ လမ်းပိတ်မှုများရှိခဲ့ပြီး ဟင်းသီးဟင်းရွက် ကုန်တင်ကား များလည်း ဈေးသို့ မဝင်ရောက်နိုင် ဖြစ်ခဲ့ကြောင်း၊ ယခုအခါတွင် ဈေးဝယ်ကားများနှင့် ကုန်စိမ်း ကားများ ပြန်လည်ဝင်ရောက်နေပြီဖြစ်ကြောင်း၊ ဟင်းသီးဟင်းရွက် ဈေးကွက်သည် တည်ငြိမ်မှု မရှိသေးကြောင်း ဒညင်းကုန်းဈေး အရောင်းဆိုင် အမှတ် (၂) မှ တာဝန်ရှိသူတစ်ဦးက Global New Light of Myanmar သို့ ပြောပါသည်။

မြန်မာနိုင်ငံတွင် Yagi တိုင်ဖွန်းမုန်တိုင်းကြောင့် ရေကြီးမြေပြိုမှုများ ဖြစ်ပွားခဲ့ပြီး လမ်းပန်း ဆက်သွယ်ရေး ပြတ်တောက်မှုများကြောင့် ရိက္ခာများ ဝင်ရောက်မှု ပြတ်တောက်သွားခဲ့ပါသည်။

ယခုအတောအတွင်းတွင် ရေများကျသွားပြီး လမ်းများပြန်ဖွင့်ထားသဖြင့် ကုန်စည်များ ဆက်လက်ဝင် ရောက်လာပြီး ဈေးကွက်လည်းတည်ငြိမ်မှုရှိလာပြီး ဖြစ်ကြောင်း (၁၇-၉-၂၀၂၄)ရက် နေ့တွင် ထုတ်ပြန်ခဲ့သော Global New Light of Myanmar သတင်းဆောင်းပါးအရ သိရှိရပါသည်။

Source         https://www.gnlm.com.mm/235654-2/

တင်ပြသူ         ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ         ၂၀၂၄ ခုနှစ်၊ စက်တင်ဘာလ (၂၅) ရက်

တည်းဖြတ်သူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန