ရမည်းသင်းမှ စပျစ်သီးများကို အများအားဖြင့် ရန်ကုန်သို့ အဓိကထား ပို့ဆောင်

ရမည်းသင်းမြို့နယ်၌ စိုက်ပျိုးထွက်ရှိသော စပျစ်သီးများကို ရန်ကုန်တိုင်းဒေသကြီးမှ အများဆုံးမှာယူထားကြောင်း သိရသည်။

လက်ရှိ မုတ်သုံရာသီတွင် ခူးဆွတ်ပြီးဖြစ်သည့် ရမည်းသင်းစပျစ်သီးများကို ရန်ကုန်၊ မော်လမြိုင်နှင့် မန္တလေးမြို့များသို့ တင်ပို့လျက်ရှိသော်လည်း ရန်ကုန်မြို့မှ အဓိကမှာယူသည့် နေရာဖြစ်ပါသည်။

သို့သော်လည်း  မုတ်သုံရာသီတွင်ထွက်ရှိသည့်  စပျစ်သီးများသည် အခြားရာသီတွင်  ထွက်ရှိသည့် စပျစ်သီးများကဲ့သို့ ဈေးနှုန်းအားဖြင့် တည်ငြိမ်မှုမရှိကြောင်း တွေ့ရှိရသည်။

ရန်ကုန်မြို့သည် ဝယ်ယူမှုအများဆုံးဖြစ်ပါသည်။ ပြီးခဲ့သည့် နွေရာသီက စပျစ်စိုက် တောင်သူများ အမြတ်အစွန်းများစွာရခဲ့သည့်  စပျစ်သီးအထွက်များသော ရာသီဖြစ်ခဲ့ပါသည်။ 

စပျစ်သီးများကို ဖေဖော်ဝါရီလမှ မေလအထိ ထွက်ရှိပါသည်။ နွေရာသီစပျစ်သီးမှာ ဈေးနှုန်းကောင်းမွန်ပြီး အရောင်းအဝယ်လည်း ကောင်းမွန်ပါသည်။

“သို့သော်လည်း မိုးရာသီစပျစ်ဈေးက သိပ်မကောင်းဘူး”ဟု ရမည်းသင်းမြို့နယ်မှ စပျစ်စိုက်တောင်သူ ကိုအောင်ကိုဝင်းက ပြောသည်။

ရမည်းသင်းမြို့နယ်တွင် စပျစ်စိုက်ခင်းများ အများအပြားရှိပြီး စပျစ်သီးများကို တနိုင်ငံလုံးအနှံ့သို့ တင်ပို့လျက်ရှိသည်။

ရမည်းသင်းမြို့နယ်သည် စပျစ်သီးအများဆုံးထုတ်လုပ်သည့် ဒေသဖြစ်ပြီး   စပျစ်သီး များကို ရမည်းသင်းမြို့နယ်မှ တစ်နိုင်ငံလုံးသို့ ဖြန့်ဖြူးလျက်ရှိသည်။

တစ်နိုင်ငံလုံးသို့ ဖြန့်ဖြူးသည့် စပျစ်သီး ပွဲစားများ အများအပြားရှိသောကြောင့် ရမည်းသင်းရှိ စပျစ်ခြံများသည် အမြတ်အစွန်းများစွာ ရရှိနိုင်ပါသည်။

 ရမည်းသင်းမြို့နယ်တွင် စပျစ်စိုက်ခင်းများကို (၂၀၁၃) ခုနှစ် စာရင်းဇယားများအရ သဲကျွန်း၊ အနောက်အုတ်ဖို၊ လယ်သာနှင့် ကုလားမြောင်ကျေးရွာအုပ်စုတို့တွင် တိုးချဲ့စိုက်ပျိုး ခဲ့ပြီး ရမည်းသင်းမြို့နယ်တွင် စပျစ်စိုက်ဧက စုစုပေါင်း (၅၀၀၀) ခန့်ရှိကြောင်းကို (၁၉. ၉. ၂၀၂၄) ရက်နေ့က ဖတ်ရှုခဲ့ရသည့် Global New Light of Myanmar ၏ သတင်းဆောင်းပါး မှတစ်ဆင့် သိရှိခဲ့ရသည်။

Source         https://www.gnlm.com.mm/235850-2/

တင်ပြသူ         ဦးဖုန်းမြတ်ဝင်းမောင်မောင်၊ ဒု-လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ         ၂၀၂၄ ခုနှစ်၊ စက်တင်ဘာလ(၂၅) ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန