ပြည်နယ်အစိုးရပိုင် ဆိုင်ရာသတင်းအရ အီရန်နိုင်ငံမြောက်ပိုင်းတွင် တည်ရှိသော Mazandaran ပြည်နယ်သည် အီရန်လက်ရှိပြက္ခဒိန်၏ ပထမငါးလတာကာလဖြစ်သော မတ်လ(၂၀) ရက်မှ ဩဂုတ်လ (၂၁)ရက်အထိ ကာလအတွင်း လယ်ယာထွက်ကုန်များပြည်ပတင်ပို့မှုသည် သိသိ သာသာ တိုးတက်လာခဲ့ပါသည်။ ယခင်နှစ် ကာလတူနှင့် နှိုင်းယှဉ်ပါကလယ်ယာထွက်ကုန် ပြည်ပ တင်ပို့မှုမှာ နှစ်ဆဖြစ်ပြီး တန်ဖိုးအားဖြင့် အမေရိကန်ဒေါ်လာ(၆)သန်းကျော်ရှိသော ပမာဏ တန်ချိန် (၁၅၀၀၀)ကျော်ကို သင်္ဘောဖြင့် တင်ပို့နိုင်ခဲ့ပါသည်။ဤသိသာထင်ရှားသော တိုးတက်မှုသည် ပြည်နယ်အစိုးရ၏ လယ်ယာပို့ကုန်ကဏ္ဍတိုးချဲ့ရေးကိုမီးမောင်းထိုးပြနေပါသည်။ Mazandaran ၏ စိုက်ပျိုးရေးကဏ္ဍအတွက် သိသာထင်ရှားသောအောင်မြင်မှုတစ်ခုကို ထင်ဟပ်စေသည့် အဆိုပါ ကိန်းဂဏန်းများကို ပြည်နယ်အကောက်ခွန်ဌာနမှ တာဝန်ရှိသူ Amir Jamshidi က အတည်ပြုခဲ့ပါသည်။ ယခင်နှစ်နှင့်နှိုင်းယှဉ်ပါက လက်ရှိပြက္ခဒိန်နှစ်၏ ပထမငါးလတာ ကာလအတွင်း အီရန်နိုင်ငံ၏ လယ်ယာ ထွက်ကုန်တင်ပို့မှုတန်ဖိုး (၃၃%) တိုးတက်မှုသည် အီရန် အစ္စလာမ္မစ်သမ္မတနိုင်ငံ အကောက်ခွန်အုပ်ချုပ်ရေးအဖွဲ့ (IRICA) မှ တင်ပြထားသည့် နိုင်ငံတော် အဆင့်မှ သတ်မှတ်ထားသော ဦးတည်ရာလမ်းကြောင်းနှင့် ကိုက်ညီပါသည်။ ဤကဲ့သို့ နိုင်ငံတော် အဆင့် တိုးတက်မှုသည် နိုင်ငံတကာ စိုက်ပျိုးရေးဈေးကွက်တွင် အီရန်နိုင်ငံ၏ နေရာရမှုကို ညွှန်ပြလျက် ရှိပါသည်။ IRICA အစီရင်ခံစာအရ အီရန်နိုင်ငံသည် အလားတူငါးလတာကာလအတွင်း လယ်ယာ ထွက်ကုန် စုစုပေါင်းတန်ချိန် (၂.၆၅၇) သန်း တင်ပို့ခဲ့ပြီး တန်ဘိုးအားဖြင့် အမေရိ ကန်ဒေါ်လာ (၁.၄၅၃) ဘီလီယံဘိုးရှိပါသည်။ အဆိုပါပြည်ပပို့ကုန်ကိန်းဂဏ္ဏာန်းသည် ပို့ကုန်ပမာဏ (၂၂%)တိုးလာပြီး တစ်နှစ်ထက်တစ်နှစ် တန်ဖိုးသိသာစွာ မြင့်တက်လာမှုကို ကိုယ်စားပြုပါသည်။ ဤကိန်းဂဏ္ဏာန်း အချက်အလက်များသည် နိုင်ငံတကာတွင် အီရန်နိုင်ငံလယ်ယာ ထွက်ကုန် များ၏ ယှဉ်ပြိုင်နိုင်စွမ်းနှင့် ဝယ်လိုအားများလာမှုကို ဖော်ပြနေပါသည်။ အီရန်လက်ရှိပြက္ခဒိန်နှစ်၏ ပထမလေးလ (မတ်လ ၂၀ - ဇူလိုင်လ ၂၁) ကာလအတွင်း လယ်ယာထွက်ကုန် တန်ချိန် (၂.၂၂၆)သန်းခန့် တင်ပို့ခဲ့နိုင်ပြီး တန်ဘိုးအားဖြင့် အမေရိကန်ဒေါ်လာ (၁.၁၈)ဘီလီယံရှိပြီး အလားအလာကောင်းသည့်ထင်ဟပ်မှုအဖြင့် IRICA ၏ ယခင်အစီရင်ခံစာအရ သိရှိရပါသည်။ ယခင်နှစ်နှင့်နှိုင်းယှဉ်ပါက တန်ဘိုးအားဖြင့် (၃၂%)တိုးတက်ခဲ့ပြီး ပမာဏအားဖြင့် (၂၂%) တိုးလာခဲ့ပါသည်။ ထို့အပြင် မတ်လ (၁၉)ရက်တွင်ကုန်ဆုံးခဲ့သော ပြီးခဲ့သည့်ကာလတူနှစ်တွင် လယ်ယာထွက်ကုန်နှင့် စားသောက်ကုန် တင်ပို့မှု၏ တန်ဘိုးသည် (၂၂.၅%)တိုးတက်ခဲ့ပါသည်။ ဤ အချက်အလက်များအရ အီရန်စိုက်ပျိုးရေး ပို့ကုန်ကဏ္ဍ၏ ခိုင်မာသောတိုးတက်မှုနှင့် ကျယ်ပြန့်မှုကိုဖော်ပြနေကြောင်းကို (၁၀-၉-၂၀၂၄)ရက်နေ့ထုတ် https://media.tehrantimes.com အရသိရှိရ ပါသည်။

Source           https://media.tehrantimes.com

တင်ပြသူ         ဒေါ်လင်းလဲ့ရည်အောင်၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ စက်တင်ဘာလ (၁၈) ရက်

တည်းဖြတ်သူ  ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန