ကမ္ဘာ့ကုလသမဂ္ဂ၏ စားနပ်ရိက္ခာနှင့် စိုက်ပျိုးရေးအဖွဲ့ (FAO) သည် ကမ္ဘာလုံးဆိုင်ရာ၊ ဒေသတွင်းနှင့် ဒေသအဆင့်များတွင် ထုတ်ကုန်မြှင့်တင်ရန်အတွက် ဘင်္ဂလားဒေ့ရှ်နိုင်ငံမှ သရက်သီး တင်ပို့မှုအတွက် ပံ့ပိုးကူညီမှုတိုးမြှင့်ရန် စိတ်အားထက်သန်လျက်ရှိပါသည်။

FAO သည် ထုတ်လုပ်မှုစနစ်များကို ပိုမိုကောင်းမွန်စေရန်၊ အစားအစာဆုံးရှုံးမှု အနည်းဆုံး ဖြစ်စေရန်နှင့် ပိုမိုထိရောက်ပြီး ရေရှည်တည်တံ့သော စိုက်ပျိုးရေးစနစ်များကိုမြှင့်တင်ရန်အတွက် နိုင်ငံ တစ်နိုင်ငံ ဦးစားပေးထုတ်ကုန်တစ်ခုအစီအစဉ် (OCOP) မှသရက်သီးအပါအဝင် ရာသီအလိုက် အသီး အနှံများကို တင်ပို့နိုင်ရန် ဘင်္ဂလားဒေ့ရှ်ကိုကူညီမည်ဖြစ်ကြောင်း FAO ကိုယ်စားလှယ် ဒေါက်တာ Jiaoqun Shi က ယနေ့တွင်ပြောကြားခဲ့ပါသည်။

FAO မှ ၂၀၂၁ ခုနှစ်တွင် စတင်ခဲ့သော ငါးနှစ်တာကာလအစီအစဉ်ဖြစ်သည့် OCOP သည် ဒေသတွင်းနှင့် ကမ္ဘာ့စျေးကွက်များတွင် ပေါင်းစပ်နိုင်သည့် အလားအလာရှိသည့်ထူးခြား၍ အရည် အသွေးကောင်း လက္ခဏာများရှိသည့် အထူးစိုက်ပျိုးရေးထုတ်ကုန်များ(SAPs)များကို ဖော်ထုတ် မြှင့်တင်ခြင်းနှင့် နိုင်ငံများအား ပံ့ပိုးပေးခြင်းအပေါ်ပြစ်မှတ်ထားဆောင်ရွက်ခဲ့ပါသည်။ဆွေးနွေးပွဲတွင် မကြာသေးမီက ရေကြီးမှုကြောင့် လယ်ယာထွက်ကုန်သီးနှံများပျက်စီးမှု၊ စိုက်ပျိုးရေးကဏ္ဍ ဖွံ့ဖြိုးတိုးတက်ရေးအတွက် နည်းပညာ၊ ပံ့ပိုးကူညီမှုနှင့်လယ်ယာထွက်ကုန် ကုန်စည် အမျိုးမျိုးတင်ပို့မှု အပါအဝင် ကဏ္ဍအသီးသီးကိုဆွေးနွေးခဲ့ကြပါသည်။ဆွေးနွေးပွဲအစတွင် စိုက်ပျိုးရေးအကြံပေးပုဂ္ဂိုလ်က FAO ကိုယ်စားလှယ်အဖွဲ့အားကြိုဆိုခဲ့ပြီး FAO သည် ဘင်္ဂလားဒေ့ရှ်နိုင်ငံ၏ အခက်အခဲများကိစ္စရပ်များအတွက်ပံ့ပိုးကူညီမှုများ ပေးအပ်ခဲ့ပြီး၊ ဤထောက်ပံ့မှု ဆက်လက်ရရှိမည်ဟု မျှော်လင့်ကြောင်းပြောကြားခဲ့ပါသည်။

ရေကြီးမှုကြောင့် ခရိုင် (၁၁)ခုတွင် လယ်ယာထွက်ကုန် (၂၃)ခု ဆုံးရှုံးခဲ့ရကြောင်း၊လာမည့် စိုက်ပျိုးရေး ပြန်လည်ထူထောင်ရေးအစီအစဉ်တွင် FAO၏ ပံ့ပိုးကူညီမှုများလိုအပ်ကြောင်း စိုက်ပျိုးရေး အကြံပေးက ပြောကြားခဲ့ပါသည်။ဘင်္ဂလားဒေ့ရှ်၏ စိုက်ပျိုးရေးကဏ္ဍဖွံ့ဖြိုးတိုးတက်ရေးတွင် FAO ၏ စဉ်ဆက်မပြတ်ပူးပေါင်း ဆောင်ရွက်မှုကို ရည်ညွှန်းပြီး FAO ကိုယ်စားလှယ်က FAO သည် မျိုးစေ့၊လယ်ယာနည်းပညာနှင့် တိုင်ပင်ဆွေးနွေးမှုတို့ကို တိုးမြှင့်ဆောင်ရွက်ရန် အမြဲအသင့်ရှိကြောင်းပြောကြားခဲ့ပါသည်။ FAO သည် ဘင်္ဂလားဒေ့ရှ်ပြည်သူများအား စားနပ်ရိက္ခာနှင့်အာဟာရထောက်ပံ့မှုအတွက် စိုက်ပျိုးရေးဝန်ကြီးဌာနမှ အကောင်အထည်ဖော်သည့်(အာဟာရနှင့် ကျေးလက်ဒေသ အသွင် ပြောင်းရေးဆိုင်ရာ အစီအစဉ်) (PARTNER)အတွက် နည်းပညာပိုင်းဆိုင်ရာ ပံ့ပိုးကူညီမှုများ ဆောင်ရွက်ပေး နေကြောင်း FAO ကိုယ်စားလှယ်ကထပ်လောင်းပြောကြားခဲ့ပါသည်။စိုက်ပျိုးရေးအကြံပေးသည် FAO အား စဉ်ဆက်မပြတ် ပံ့ပိုးကူညီပံ့ပိုးပေးရန် ၎င်း၏ကိုယ်စားလှယ်က အဖွဲ့နှစ်ဖွဲ့ကြားတွင် မတူညီသော စိုက်ပျိုးရေးကဏ္ဍဆိုင်ရာအချက်အလက်များကို ပုံမှန်ဖလှယ်ရန် ကြိုးပမ်းနေပါသည်။ယင်းအစည်းအဝေးတွင် ဝန်ကြီးဌာနနှင့် စိုက်ပျိုးရေးဦးစီးဌာနမှ အကြီးတန်းအရာရှိများတက်ရောက်ခဲ့ကြောင်း (၁၁. ၉. ၂၀၂၄) ရက်နေ့တွင် ထုတ်ပြန်ခဲ့သော BSS Newsသတင်းဆောင်းပါး အရ သိရှိရပါသည်။

Source           https://www.bssnews.net/news/209020

တင်ပြသူ         ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ စက်တင်ဘာလ (၁၈) ရက်

တည်းဖြတ်သူ  ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန