မြန်မာနိုင်ငံမှ ထိုင်းနိုင်ငံသို့ အခွန်ကင်းလွတ်ခွင့်ဖြင့်တင်ပို့လျက်ရှိသည့် ပြောင်းတင်ပို့မှု ရပ်ဆိုင်းသွားသည့်အတွက် အိန္ဒိယဈေးကွက်သို့ ပြောင်းတင်ပို့ရန် စီစဉ်လျက်ရှိကြောင်းမြန်မာနိုင်ငံ ပြောင်းလုပ်ငန်းအသင်းမှ သိရှိရပါသည်။ထိုင်းနိုင်ငံသည် ဖေဖော်ဝါရီ ၁ ရက်မှ သြဂုတ် ၃၁ အတွင်း အကောက်ခွန်မဲ့ (Form-D) ဖြင့် ပြောင်းတင်သွင်းရန် သဘောတူထားပြီးဖြစ်သော်လည်း ထိုင်းနိုင်ငံ၏ ပြောင်းရာသီတွင် ပြောင်းတင် သွင်းပါက စိုက်ပျိုးသူများ၏ အခွင့်အရေးကို ကာကွယ်ရန်အတွက်ပြောင်းတင်သွင်းမှုအပေါ် အမြင့်ဆုံး အခွန်နှုန်းထား ၇၃ ရာခိုင်နှုန်း ချမှတ်ထားပါသည်။

မြန်မာနိုင်ငံအနေဖြင့် ထိုင်းနိုင်ငံသို့ ပြောင်းတင်ပို့သည့် ကာလကုန်ဆုံးပြီးနောက် ဈေးနှုန်းဆုံးရှုံးမှု မဖြစ်စေရန် အိန္ဒိယဈေးကွက်သို့ ပြောင်းတင်ပို့ရန် ပြင်ဆင်နေခြင်းဖြစ်ပါသည်။မြန်မာနိုင်ငံမှ ကော့သောင်း-ရနောင်းနယ်စပ်ကနေတစ်ဆင့် ထိုင်းနိုင်ငံကိုပြောင်းတင်ပို့ခဲ့ပြီး မြန်မာနိုင်ငံရှိ အချို့ဒေသများတွင် မုတ်သုံပြောင်းစိုက်ဧကများလျော့နည်းခဲ့ပြီး အထွက်နှုန်း သည်လည်း နည်းပါးခဲ့ပါသည်။ ပြည်ပဈေးကွက်နှင့် ပြည်တွင်းတိရစ္ဆာန်စာထုတ်လုပ်သည့် စက်ရုံ များ၏ ပြောင်း၀ယ်လိုအားမှာလည်းတည်ငြိမ်လျက်ရှိနေပါသည်။ ထို့ကြောင့် ပြောင်းဈေးနှုန်းများ ဆက်လက်မြင့်တက်ဖွယ်ရှိကြောင်းပြောင်းလုပ်ငန်းရှင်များက ခန့်မှန်းခဲ့ပါသည်။

ယခုနှစ်တွင် မြန်မာနိုင်ငံသည် ထိုင်းနိုင်ငံသို့ ပြောင်းတန်ချိန် ၁ ဒသမ ၈ သန်း တင်ပို့ခဲ့ပြီး၊အများစုမှာ ပြည်ပဈေးကွက်သို့ ပင်လယ်ရေကြောင်းမှ တစ်ဆင့် တင်ပို့နေကြောင်း စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ သိရှိရကြောင်းကို (၁၀-၉-၂၀၂၄) ရက်နေ့ထုတ် Global New Light of Myanmar သတင်းအရသိရှိရပါသည်။

Source            https://www.gnlm.com.mm/myanmar-eyes-india-market-to-ship-maize/

တင်ပြသူ         ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ စက်တင်ဘာလ (၁၈) ရက်

တည်းဖြတ်သူ ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန