လယ်ယာထွက်ကုန် တင်ပို့သူအားလုံးသည် မလိုလားအပ်သော ပြဿာနာများကို တားဆီးရန် ကမ္ဘာ့ကုန်သွယ်ရေးအဖွဲ့၏ မူဝါဒလမ်းညွှန်ချက်များနှင့်အညီ အကျုံးဝင်သော အခွန် အကျိုးခံစားခွင့်များ ရရှိရမည်ဟု ကျွမ်းကျင်သူများက ပြောသည်။

မကြာသေးမီက သကြားတင်ပို့သူများသည် အစိုးရ၏ တာဝန်နှင့် ထုတ်ကုန်များအပေါ် အခွန်လွတ်ငြိမ်းခွင့် (RoDTEP) အစီအစဉ်အရ အခွန်အကျိုးခံစားခွင့်များရရှိရန် တရားရုံးချုပ်သို့ အဆိုပြုခဲ့ပြီး ဆန်တင်ပို့သူများအနေဖြင့်လည်း ၎င်းတို့၏ ဆန်တင်ပို့မှုကို ပိတ်ပင်ခံရပြီးနောက် တရားရုံးချုပ်သို့ အဆိုပြုလျှောက်ထားခဲ့ကြသည်။

သတင်းအရင်းအမြစ်များအဆိုအရ အစိုးရသည် လယ်ယာထွက်ကုန်များ တိုးတက်မြင့်မား ရေးကို ထောက်ခံသော်လည်း အခွန်အရာရှိများသည် ဥပဒေကို မှန်ကန်စွာ အဓိပ္ပာယ်ဖွင့်ဆိုနိုင်ခြင်း မရှိသည့်အပြင် နိုင်ငံခြား ကုန်သွယ်မှုမူဝါဒအရ အကျိုးခံစားခွင့် အကျုံးဝင်သော ပို့ကုန်လုပ်ငန်းရှင် များထံ အခွန်ပေးဆောင်ရန် သတိပေးချက်များ ပေးပို့ထားကြောင်း သိရသည်။ ယင်းကြောင့် တရား ရုံးချုပ်တွင် ထိုသို့သော အမှုအခင်းများစွာ ရောက်ရှိလာခဲ့သည်။

မကြာသေးမီက စီရင်ချက်တစ်ခုတွင် တရားရုံးချုပ်သည် RoDTEP အစီအစဉ်အတွက် အိန္ဒိယ သကြားတင်ပို့ရောင်းချသူများ၏ အရည်အချင်းပြည့်မီမှုနှင့် စပ်လျဉ်း၍ ဂူဂျာရတ် တရား ရုံးချုပ်မှ ဆုံးဖြတ်ချက်ကို အတည်ပြုခဲ့သည်။ ဇူလိုင်လတွင် တရားရုံးချုပ်သည် သကြားလုပ်ငန်းကို မျက်နှာသာပေးသည့် ဂူဂျာရတ် အထက်တရားရုံး၏ အမိန့်ကို အကဲစမ်းသည့် ဝင်ငွေဌာနမှ တင်သွင်းသော အထူးခွင့်ပန်ကြားချက် (SLP)ကို ပယ်ချခဲ့သည်။ ထို့ကြောင့် ဗဟိုတရားရုံးသည် ပို့ကုန်လုပ်ငန်းရှင်များအား မှန်ကန်စွာ စီရင်ဆုံးဖြတ်ခဲ့သည်။

 ကမ္ဘာ့ကုန်သွယ်ရေးအဖွဲ့ (WTO)သည် မျှတသော ကုန်သွယ်မှုအလေ့အကျင့်များနှင့် နိုင်ငံ တကာ ဈေးကွက်များတွင် လယ်ယာထွက်ကုန်များ၏ ယှဉ်ပြိုင်နိုင်စွမ်းကို အဟန့်အတား ဖြစ်စေသော အတားအဆီးများကို လျှော့ချရန် လှုံ့ဆော်လျက်ရှိသည်။ WTO လမ်းညွှန်ချက်များသည် အဖွဲ့ဝင်နိုင်ငံများအား ၎င်းတို့၏ စိုက်ပျိုးရေးကဏ္ဍများကို ပံ့ပိုးကူညီရန် တိုက်တွန်းထားသည်။    အိန္ဒိယအစိုးရသည် တင်ပို့ရောင်းချသည့် ကုန်ပစ္စည်းများအပေါ် မြှုပ်နှံထားသော အခွန် အမျိုးမျိုးအတွက် လွတ်ငြိမ်းခွင့် အစီအစဉ်ကို မိတ်ဆက်ခဲ့သည်။ နိုင်ငံတကာ ကုန်သွယ်မှုတွင် သိသာ

ထင်ရှားသော သကြားနှင့် ဆန်ကဲ့သို့သော ကဏ္ဍများအတွက် အထူးအရေးကြီးပါသည်။

သို့သော်လည်း RoDTEP ကို အကောင်အထည်ဖော်ခြင်းသည် စိန်ခေါ်မှုများနှင့်ရင်ဆိုင်ရပြီး အဆိုပါအကျိုးခံစားခွင့်များကို လက်ခံရရှိခြင်းမရှိသည့်အတွက် နစ်နာသည်ဟု ခံစားရသော ပို့ကုန် လုပ်ငန်းရှင်များက အငြင်းပွားမှုများနှင့် တရားရေးဆိုင်ရာ အရေးယူမှုများကို ဖြစ်ပေါ်စေပါသည်။

အခွန်အကျိုးခံစားခွင့်များအတွက် အကြံပြုချက်သည် လက်ရှိတင်းမာမှုများကို လျော့ပါး စေရုံသာမက ပိုမိုခိုင်မာသော စိုက်ပျိုးရေးပို့ကုန်ပတ်ဝန်းကျင်ကို ဖော်ဆောင်ပေးရန်အတွက်လည်း ဖြစ်ပါသည်။ ပို့ကုန်လုပ်ငန်းရှင်များသည် ၎င်းတို့လိုအပ်သော ငွေကြေးပံ့ပိုးမှု ရရှိစေရန် အာမခံ ခြင်းဖြင့် အစိုးရမှလည်း ပို့ကုန်ပမာဏကို တိုးမြှင့်နိုင်ကာ လယ်သမားများ၏ ဝင်ငွေကို မြှင့်တင် ပေးနိုင်မည်ဖြစ်ပြီး နိုင်ငံတော်၏ စီးပွားရေးကို အပြုသဘောဆောင်နိုင်သည်ဟု Rastogi မှ ပြောကြားခဲ့ပါကြောင်းအား (၅.၉.၂၀၂၄)ရက်နေ့တွင် ထုတ်ပြန်ခဲ့သော Business သတင်းဆောင်းပါး အရ သိရှိရပါသည်၊၊

Source https://www.newindianexpress.com/amp/story/business/2024/Sep/05/experts-urge-tax-benefits-for-agri-exports-to-align-with-wto-guidelines

တင်ပြသူ ဒေါ်ဥမ္မာထွန်း၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ စက်တင်ဘာလ  (၁၁) ရက်

တည်းဖြတ်သူ ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန