ဘင်္ဂလားဒေ့ရှ်နိုင်ငံရှိ ပြည်တွင်းပို့ကုန် လုပ်ငန်းရှင်များသည် ကူးသန်းရောင်းဝယ်ရေးနှင့် စိုက်ပျိုးရေးဝန်ကြီးဌာနရှိ တာဝန်ရှိအကြီးအကဲများထံသို့ Biman Bangladesh လေကြောင်းလိုင်းရှိ ကုန်စည် ပို့ဆောင်ခများ လျှော့ချပေးရန်နှင့် လတ်ဆတ်သော ဟင်းသီးဟင်းရွက်နှင့်သစ်သီးဝလံများ တင်ပို့ရန်အတွက် ကုန်စည်ထားသိုရန် နေရာများ တိုးမြှင့်ပေးရန် တောင်းဆိုခဲ့သည်။

ဘင်္ဂလားဒေ့ရှ် သစ်သီးဝလံ၊ ဟင်းသီးဟင်းရွက်နှင့် ဆက်စပ်ထုတ်ကုန်များ တင်ပို့ရောင်းချ သူများအသင်း (BFVAPEA) သည် ပို့ကုန်လုပ်ငန်းရှင်များရင်ဆိုင်နေရသော စိန်ခေါ်မှုများဖြစ်သည့် Biman Bangladesh Cargo Authority မှ ကုန်စည်ပို့ဆောင်ခများ ရုတ်တရက် မြင့်တက်လာမှုနှင့် အကန့်အသတ်ရှိသော ကုန်စည်တင်ပို့သည့် နေရာလွတ်များသည် တင်ပို့မှုကျဆင်းလာပြီး အဆိုပါ အချက်များကြောင့် တင်ပို့မှုကိန်းဂဏန်းများသည် ယခုနှစ်အတွင်း ထက်ဝက်ကျဆင်းသွားခဲ့ကြောင်း မီးမောင်းထိုးပြခဲ့ပါသည်။

အဆိုပါပြဿနာများကြောင့် အိန္ဒိယ၊ ပါကစ္စတန်၊ နီပေါနှင့် သီရိလင်္ကာတို့အပါအဝင် အိမ်နီးချင်းနိုင်ငံများသို့ စိုက်ပျိုးရေးထွက်ကုန်များအတွက် နိုင်ငံခြားဈေးကွက်များ ဆုံးရှုံးနိုင်ခြေ အပေါ် စိုးရိမ်ကြောင်းအသင်းမှ ထုတ်ဖော်ပြောကြားခဲ့သည်။ ပို့ကုန်ဈေးကွက်ကို ထိန်းထားနိုင်ရန်  အိမ်နီးချင်း နိုင်ငံများ၏ ယှဉ်ပြိုင်နိုင်သည့် ကုန်စည်ပို့ဆောင်ခများ လိုအပ်ကြောင်း ၎င်းတို့က အလေးပေး ပြောကြားခဲ့သည်။

ဘင်္ဂလားဒေ့ရှ်နိုင်ငံ၏  ဟင်းသီးဟင်းရွက်၊  သစ်သီးဝလံ၊  ကွမ်းရွက်နှင့် အခြားပစ္စည်းများသည် တန်ချိန် (၃၀၀-၄၀၀)အထိ တစ်ကမ္ဘာလုံး ၀ယ်လိုအားရှိနေသော်လည်း လုံလောက်သော ကုန်စည် တင်ပို့ရန် နေရာမရှိခြင်းကြောင့် ၎င်းဈေးကွက်သို့ရောက်ရှိရန် ခက်ခဲစေပါသည်။

ပြီးခဲ့သောခြောက်လအတွင်း ကုန်စည်ပို့ဆောင်ခများသည် သုံးဆတိုးလာခဲ့ပြီး ဒါကာမြို့မှ သင်္ဘောဖြင့် အခြားနေရာများသို့ လက်ရှိပို့ဆောင်ခမှာ ယခင်ကထက် သိသိသာသာ မြင့်တက်လာ ခဲ့သည်။ အဆင်သင့်ချုပ်ထားသည့် အထည်ချုပ်လုပ်ငန်း (RMG)ကဏ္ဍသည် လယ်ယာထွက်ကုန်များ တင်ပို့ခြင်းထက် ဦးစားပေးခံရလျက်ရှိပြီး အထည်ချုပ်လုပ်ငန်များအတွက် အခြားလေကြောင်းလိုင်း များနှင့် နှိုင်းယှဉ်ပါက Biman Bangladesh Airlines ၏ ကုန်စည်ပို့ဆောင်ခသည် နိမ့်ကျလျက်ရှိပါသည်။

ဘင်္ဂလားဒေ့ရှ်ရှိ သစ်သီးဝလံ၊ ဟင်းသီးဟင်းရွက်နှင့် ဆက်စပ်ထုတ်ကုန်များ တင်ပို့ရောင်းချ သူများ အသင်း၏ အထွေထွေအတွင်းရေးမှူး Mohammed Monsur သည် ကုန်စည်ပို့ဆောင်ခများ  ပိုမိုသင့်လျော်စေရန်နှင့် အစိုးရထံမှ ချက်ချင်း အရေးယူဆောင်ရွက်ရန် တောင်းဆိုထားပြီး  သစ်သီး ဝလံ နှင့် ဟင်းသီးဟင်းရွက်များ တင်ပို့မှုပမာဏမှာ လွန်ခဲ့သည့်ဆယ်စုနှစ်များအတွင်း (၆၈.၅%) ကျော် ကျဆင်းသွားကြောင်း သတိပြုမိသည်ကို (၅. ၉. ၂၀၂၄)ရက်နေ့က ဖတ်ရှုခဲ့ရသည့် www. freshplaza. com   သတင်းကွန်ယက်၏  ဆောင်းပါးမှတဆင့် သိရှိခဲ့ရပါသည်။

Source https://www.freshplaza.com/europe/article/9656046/bangladesh-exporters-call-for-reduced-cargo-fares-and-more-space-for-fresh-produce/

တင်ပြသူ ဦးဖုန်းမြတ်ဝင်းမောင်မောင်၊ ဒု-လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ စက်တင်ဘာလ (၁၁)ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန