ရှမ်းပြည်နယ်၊ တောင်ကြီးမြို့မှ ထွက်ရှိသော ဆေးဖက်ဝင်ဥတစ်လုံး ကြက်သွန်ဖြူများကို မြန်မာနိုင်ငံ တစ်ဝှမ်းလုံးသို့ တင်ပို့ရောင်းချလျက်ရှိကြောင်း ရှမ်းပြည်နယ်ကြက်သွန် ဖြူဈေးကွက်၏ သတင်းအရင်းအမြစ်များအရ သိရှိရပါသည်။

လူကြိုက်များပြီး စားသုံးမှုများသည့်အတွက် ဆေးဖက်ဝင်ဥတစ်လုံး ကြက်သွန်ဖြူဈေးနှုန်း မှာ ဩဂုတ်လမှစတင်၍ ဈေးကောင်းရရှိလျက် ရှိခဲ့ပါသည်။

အဆိုပါ ဥတစ်လုံးကြက်သွန်ဖြူများမှာ ဆေးဖက်ဝင်ပြီး လူကြိုက်များသည့်အတွက် ဈေးနှုန်းမှာ အနည်းငယ် မြင့်မားပါသည်။ ၎င်းဥတစ်လုံးကြက်သွန်ဖြူတွင် ကြက်သွန်ဖြူ အမွှာ တစ်မွှာသာ ပါရှိပါသည်။ အချို့မှာ တကူးတကရှာဖွေ၍ ဝယ်ယူစားသုံးလျက် ရှိကြပါသည်။ ကျွန်ုပ် တို့သည် အဆိုပါ ကြက်သွန်ဖြူများကို ပြည်၊ ရန်ကုန်နှင့် နေပြည်တော်အပါအဝင် မြို့အများအပြားသို့ ပို့ဆောင်လျက်ရှိပါသည်။ တာချီလိတ်မှ လူအများသည်လည်း အဆိုပါ ဥတစ်လုံးကြက်သွန်ဖြူများကို ဝယ်ယူလျက်ရှိကြောင်း တောင်ကြီးမြို့နယ်မှ  လက်လီလက်ကား ရောင်းချသူတစ်ဦးက ပြောကြားခဲ့ ပါသည်။

စတင်တူးဖော်ချိန်တွင် အဆိုပါ ဥတစ်လုံးကြက်သွန်ဖြူဈေးနှုန်းများမှာ ဈေးကောင်း မရရှိ သော်လည်း နောက်ပိုင်းတွင် ကြက်သွန်ဖြူဥ ပိုမိုခြောက်သွေ့လာသည်နှင့်အမျှ ဈေးကောင်း ပိုမို ရရှိကြောင်း ပြောကြားခဲ့ပါသည်။

ပြီးခဲ့သည့်လမှစ၍ ကြက်သွန်ဖြူ ဈေးနှုန်းမှာ အနည်းငယ် မြင့်တက်လာခဲ့ပါသည်။ အဆိုပါ ဥတစ်လုံး ကြက်သွန်ဖြူဈေးနှုန်းသည် ရိုးရိုးကြက်သွန်ဖြူဈေးနှုန်းနှင့် တူညီကြောင်း ပြောကြားခဲ့ ပါသည်။

ကြက်သွန်ဖြူတွင် ပါဝင်သော Allicin သည် သွေးတွင်းရှိ မကောင်းသော ကိုလက်စထရော များကို လျှော့ချပေးပြီး နှလုံးအတွက် ကောင်းမွန်ပါသည်။ ကြက်သွန်ဖြူကို ပုံမှန် စားသုံးပေးခြင်းဖြင့် သွေးခဲနိုင်ခြေကို လျှော့ချစေနိုင်ပါသည်။ ထို့ပြင်ကြက်သွန်ဖြူသည် သွေးပေါင်ချိန်ကို လျှော့ချပေးနိုင် သည့်အတွက် သွေးတိုးရောဂါဝေဒနာရှင်များအတွက် ကောင်းမွန်ကြောင်း (၆.၉.၂၀၂၄)ရက်နေ့တွင် ထုတ်ပြန်ခဲ့သော https://www.gnlm.com.mm ၏ သတင်းအချက်အလက်များအရ သိရှိရပါသည်။

Source https://www.gnlm.com.mm/234616-2/ 

တင်ပြသူ ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ စက်တင်ဘာလ (၁၁)ရက်

စစ်ဆေးသူ ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန

တည်းဖြတ်သူ ဒေါ်ဌေးဌေးရီ၊ ဒု-ညွှန်ကြားရေးမှူး၊ စိုက်ပျိုးရေးဦးစီးဌာန