ကာဂျစ်စတန်သည် ဥဇဘက်ကစ္စတန်သို့ အာလူးတင်ပို့ရန်ခြေလှမ်းသစ်များဖြင့်စတင်၍ စိုက်ပျိုးရေးပို့ကုန်များ အရှိန်အဟုန်မြှင့်တင်ရန် ကြိုးပမ်းမှုကို ဦးစားပေးဆောင်ရွက်လျက် ရှိပါသည်။ ကာဂျစ်စတန်၏ စိုက်ပျိုးရေးဝန်ကြီးဌာနသည် အဓိကလက်လီအရောင်းဆိုင်ဖြစ်သည့် Korzinka အပါအဝင် ဥဇဘက်ကစ္စတန်ရှိ လက်လီအရောင်းဆိုင်အများအပြား၏ စီမံခန့်ခွဲမှုများနှင့် ပတ်သက်၍ ညှိနှိုင်းဆောင်ရွက်မှုသည် ပြီးမြောက်လုနီးပါး အခြေအနေသို့ ရောက်ရှိပြီ ဖြစ်ပါသည်။အဆိုပါ ပဏာမခြေလှမ်းသည် ဒေသခံတောင်သူများနှင့်စိုက်ပျိုးရေးပညာရှင်များအတွက် အကျိုးဖြစ်ထွန်းစေမည့် ကာဂျစ်အာလူး ပို့ကုန်လမ်းကြောင်းသစ်တစ်ခု ဖန်တီးနိုင်မည်ဟု မျှော်လင့် ရပါသည်။ Tashkent ၏ အဓိက လက်လီနှင့် လက်ကားအရောင်းစင်တာ (၁၂) ခုမှ စိတ်ဝင်စားမှု တိုးလာသဖြင့် ဉဇဘက်ကစ္စတန်ရှိ အရည်အသွေးမြင့် အာလူးများ ၀ယ်လိုအား မြင့်တက်လာမှုကို တုံ့ပြန်သည့်အနေဖြင့် အဆိုပါ လှုပ်ရှားမှု ထွက်ပေါ်လာခြင်း ဖြစ်ပါသည်။ဉဇဘက်ကစ္စတန် စျေးကွက်အတွင်း ကာဂျစ်အာလူးများ ထင်သာမြင်သာဖြစ်စေရန် မြှင့်တင်နိုင်မည့် တင်ပို့မှုအစီအစဉ်ကို စီမံဆောင်ရွက်ထားပါသည်။ အဓိက လက်လီရောင်းချသူ များနှင့် ပူးပေါင်းခြင်းဖြင့် ကာဂျစ္စတန်သည် ၎င်း၏လယ်ယာပို့ကုန်ကဏ္ဍကို အားကောင်းစေရန်နှင့် ၎င်း၏ အာလူးထုတ်လုပ်သူများစျေးကွက်သစ်သို့ ရောက်ရှိရန်အတွက် အခွင့်အလမ်းများဖော် ဆောင်ပေးနိုင်ရန်ရည်မှန်းထားပါသည်။စိုက်ပျိုးရေး ဝန်ကြီးဌာနသည် အဆိုပါ ခြေလှမ်းသစ်ကိုအထောက်အကူဖြစ်စေရန်အတွက် သီးနှံကာကွယ်ရေး ကျွမ်းကျင်သူများ၊ ဓာတ်မြေသြဇာ ထုတ်လုပ်သူများနှင့် စားသောက်ကုန်လုပ်ငန်း ကျွမ်းကျင်သူများ အပါအဝင် သက်ဆိုင်သူအသီးသီးကို ဖိတ်ခေါ်ထားရှိပါသည်။ ၎င်းတို့ ပူးပေါင်း ဆောင်ရွက်ခြင်းဖြင့်ကာဂျစ်အာလူးများသည် ဉဇဘက် လက်လီရောင်းချသူများနှင့် စားသုံးသူများ လိုအပ်သော အရည်အသွေးစံနှုန်းများနှင့် ကိုက်ညီရန် သေချာစေမည် ဖြစ်ပါသည်။ ဤပို့ကုန်လုပ်ငန်းစွန့်စားမှုသည် ကာ  ဂျစ္စတန်ဈေးကွက်သို့ ရောက်ရှိသည်အထိချဲ့ထွင် နိုင်မည့် အခွင့်အလမ်းတစ်ခုကို ပြသရုံသာမက ပိုမိုကောင်းမွန်သော စိုက်ပျိုးရေးဆိုင်ရာ အလေ့အကျင့်များနှင့် လယ်ယာစိုက်ပျိုးရေးနည်းပညာများတွင်ရင်းနှီးမြှုပ်နှံမှုများ တိုးမြှင့်ခြင်းကဲ့သို့သော အလားအလာကောင်းများကိုဖြစ်ပေါ်စေပါသည်။ ဉဇဘက် လက်လီရောင်းချသူများနှင့် ပူးပေါင်း ဆောင်ရွက်ခြင်းသည်အာလူးစိုက်ပျိုးခြင်း၊ သိုလှောင်ခြင်းနှင့် သယ်ယူပို့ဆောင်ခြင်းတို့တွင် အလေ့အကျင့်ကောင်းများ ဖြစ်ပေါ်လာစေပြီး ထုတ်ကုန်အရည်အသွေးအလုံးစုံကို မြှင့်တင်စေမည်ဖြစ်ပါ သည်။ဤအစပျိုးမှုသည် ကာဂျစ်စတန်၏ စိုက်ပျိုးရေးကဏ္ဍ တိုးတက်မှုနှင့်ဆန်းသစ်တီထွင်မှုကို လှုံ့ဆော်ပေးနိုင်ပြီး စိုက်ပျိုးထုတ်လုပ်မှုနှင့်စိုက်ပျိုးရေးဆိုင်ရာအခြေခံအဆောက်အအုံများတွင် ရင်းနှီးမြှုပ်နှံမှု နှစ်ခုစလုံးအတွက် သိသာထင်ရှားသော သက်ရောက်မှုများ ဖြစ်စေနိုင်ကြောင်းကို (၁.၉.၂၀၂၄) ရက် နေ့တွင်ထုတ်ပြန်သည့် သတင်းအရသိရှိ ရပါသည်။

Source           https://daryo.uz/en/2024/09/01/kyrgyzstan-advances-potato-exports-to-uzbekistan-with-retail-partnerships

တင်ပြသူ         ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ စက်တင်ဘာလ (၄) ရက်

တည်းဖြတ်သူ   ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန