နှမ်းစိုက်တောင်သူ ဖွံ့ဖြိုးတိုးတက်ရေးအသင်း (SFDA) သည် နှမ်းဖြူနှင့်နှမ်းနက်များ ဈေးပြိုင် စနစ်ဖြင့်ဝယ်ယူရန် နှမ်းစိုက်တောင်သူ အများအပြားစုပေါင်းရောင်းချနိုင်သည့် စင်တာ တစ်ခုကို တည်ထောင်သွားမည်ဖြစ်သည်။

SFDA အဖွဲ့ဝင်ကျေးရွာများ၌ သြဂုတ်လလယ်တွင်နှမ်းဖြူရိတ်သိမ်းရာသီစတင်ခဲ့ပြီး SFDA နှင့် မြင့်မြတ်တော်ဝင် ကုမ္ပဏီမှ စင်တာဖွင့်လှစ်ရန်ဆွေးနွေးခဲ့ပါသည်။၎င်းတို့သည် ၂၀၂၂ ခုနှစ်တွင် စတင်ပူးပေါင်းဆောင်ရွက်ခဲ့ပြီး မကွေး၊ ဆင်ပေါင်ဝဲ၊တောင်တွင်းကြီးနှင့် မြို့သစ်မြို့နယ်များရှိ ကျေးရွာပေါင်း ၈၀ ကျော်မှ စိုက်ပျိုးသူများအားအသိ ပညာပေးလှုပ်ရှားမှုများ ပြုလုပ်ခဲ့ပါသည်။၎င်းတို့သည် မကွေးတိုင်းဒေသရှိ သစ်ရာကောက်ကျေးရွာတွင် စင်တာတစ်ခုကို ၂ နှစ် ဆက်တိုက် ဖွင့်လှစ်ခဲ့ပါသည်။ယခုနှစ်တွင် သစ်ရာကောက်ကျေးရွာ၌ အရောင်းစင်တာဖွင့်ရန် ကြိုးပမ်းမှုသည်၎င်းဧရိယာ၏ မမျှော်လင့်သော အခြေအနေများကြောင့် အစဉ်မပြေဖြစ်ခဲ့ရပါသည်။ထို့ကြောင့် ၎င်းတို့သည် မကွေးမြို့ အဝိုင်းပတ်လမ်းအနီးရှိသင်ကြားရေးဆေးရုံမြောက်ဘက် မြင့်မြတ်တော်ဝင် ကုမ္ပဏီ၏အဆောက်အဦသို့ပြောင်းရွှေ့ဖွင့်လှစ်မည်ဖြစ်ပြီး နှမ်းဖြူနှင့်နှမ်းနက်များကို ပွဲစားခနှင့်အလုပ်သမား ခပေးစရာမလိုဘဲ ၂၀၂၄ ခုနှစ် သြဂုတ်လ ၃၀ ရက်နေ့မှစတင်ဝယ်ယူမည်ဖြစ်ပါသည်။နှမ်းစိုက်တောင်သူဖွံ့ဖြိုးတိုးတက်ရေးအသင်းစင်တာကိုတနင်္ဂနွေနေ့များသာလျှင်ပိတ်ထား မည်ဖြစ်ပြီး ပွဲရုံဖွင့် ချိန်မှာ မနက် ၉ နာရီမှ ညနေ ၄ နာရီအထိဖွင့်လှစ်ထားမည်ဖြစ်ပါသည်။သို့ဖြစ်ပါ၍ နှမ်းစိုက်ပျိုးသူများအား အရောင်းစင်တာတွင်အဖွဲ့လိုက်စုပေါင်းရောင်းချကြရန် အသိပေးထားပါသည်။SFDA သည် ကော်မတီများနှင့် ချိတ်ဆက်ရန်သတင်းအချက်အလက်များဖြန့်ဝေရန်နှင့် လုပ်ငန်းစဉ်များကို ဆက်လက်လုပ်ဆောင်သွားရန် ကြိုးစားနေပါကြောင်းကို(၂၉-၈-၂၀၂၄) ရက်နေ့ထုတ် Global New Light of Myanmar သတင်းဆောင်းပါးအရသိရှိရပါသည်။

Source           https://www.gnlm.com.mm/sesame-association-to-open-purchasing-centre/#article-title

တင်ပြသူ         ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ စက်တင်ဘာလ (၄) ရက်

တည်းဖြတ်သူ  ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန