တရုတ်နိုင်ငံသို့ ဖိလစ်ပိုင်ငှက်ပျောသီးတင်ပို့မှုမှာ သိသိသာသာ ကျဆင်းလာခဲ့ပြီး ယခုအချိန် တွင် ဗီယက်နမ် ငှက်ပျောသီးများ တရုတ်ဈေးကွက်ကို လွှမ်းမိုးလာပါသည်။ထိုပြောင်းလဲမှု၏ အဓိကအကြောင်းအရင်းမှာ ဖိလစ်ပိုင်တွင်ရာသီဥတုအခြေအနေမပေး ခြင်း ငှက်ပျောအထွက်နှုန်းလျော့ကျခြင်းနှင့် ဈေးနှုန်းများ မြင့်မားလာခြင်းတို့ကြောင့်ဖြစ်ပါသည်။ တစ်ချိန်တည်းတွင် ဗီယက်နမ် နိုင်ငံ၏ ငှက်ပျောခုတ်သိမ်းချိန်ကြာရှည်ခဲ့ပြီး တင်ပို့မှုအများဆုံးကို ဧပြီလအထိ ဆွဲဆန့်နိုင်ခဲ့ပါသည်။ဖိလစ်ပိုင် ငှက်ပျောသီး၏အရသာကို လူကြိုက်များဆဲဖြစ်သော် လည်း ရရှိနိုင်မှုခက်ခဲခြင်းနှင့် ကုန်ကျစရိတ် မြင့်မားခြင်းတို့ကြောင့် တရုတ် စားသုံးသူများအနေဖြင့် ဗီယက်နမ်နှင့်ကမ္ဘောဒီးယားမှတင်သွင်းလာသော အရည်အသွေးကောင်းငှက်ပျောသီးများကို ပိုမိုအာရုံစိုက်လာကြပါသည်။၂၀၂၂ နှင့် ၂၀၂၃ ခုနှစ်အစောပိုင်းတွင် ငှက်ပျောဈေးကွက်မြင့်တက်လာခြင်းကြောင့် ဗီယက်နမ်၊ ကမ္ဘောဒီးယားနှင့် လာအိုနိုင်ငံများသည် ၎င်းတို့၏ငှက်ပျောစိုက်ခင်းများချဲ့ထွင်ရန် တွန်းအား ပေးခဲ့ပြီး ဖိလစ်ပိုင်ငှက်ပျောသီးဝယ်လိုအားအပေါ် ပိုမိုအကျိုးသက်ရောက်မှု့ရှိစေသည်ဟု စက်မှုသတင်းရင်းမြစ်များက မှတ်ချက်ပြုခဲ့ပါသည်။ပထဝီဝင်နိုင်ငံရေး တင်းမာမှုများသည် တရုတ်နိုင်ငံသို့ ဖိလစ်ပိုင်ငှက်ပျောတင်ပို့မှု ကျဆင်းသွားစေရန် အကြောင်းအရင်းဖြစ်စေခဲ့ပါသည်။ တရုတ်နိုင်ငံနှင့် ဖိလစ်ပိုင်နိုင်ငံအကြား လက်ရှိဖြစ် ပေါ်လျက်ရှိသော တောင်တရုတ်ပင်လယ်အရေး နိုင်ငံရေးပွတ်တိုက်မှု့များကြောင့် တရုတ်စားသုံးသူ များမှ ဖိလစ်ပိုင်ငှက်ပျောသီးများကိုဝယ်ယူစားသုံးရန် ရှောင်ရှားကြပါသည်။ တုံ့ပြန်မှုအနေဖြင့် သွင်းကုန်လုပ်ငန်းရှင်များသည်ကုန်ပစ္စည်းများအလွန်အကျွံဖြစ်ပြီး ရောင်းမကုန်တော့မည်ကို စိုးရိမ် ကြ၍ အမှာစာများလျော့ချခဲ့ပါသည်။ပြည်တွင်းတွင် ဂွမ်းဒေါင်နှင့် ဟိုင်နန်တို့သည် အဓိက ငှက်ပျောထွက်သည့် ဒေသများအဖြစ် ကျန်ရှိနေပါသည်။ ဂွမ်းဒေါင်တွင် ငှက်ပျောဈေးနှုန်းသည် တစ်ကီလိုလျှင် ယန်း ၄.၂၀ မှ ယန်း ၄.၈၀ ကြားရှိပြီး ကုန်သည်များမှ ဝယ်လိုအား ကျဆင်းသွားပါသည်။ဟိုင်နန်တွင် ငှက်ပျောဈေးနှုန်းသည် တစ်ကီလိုလျှင် ယန်း ၄.၆၀ မှ ယန်း ၅.၀၀ ကြားရှိပြီး ကုန်ပစ္စည်းအဝင်အသင့်အတင့်ရှိပြီး၊ ပုံမှန်ဈေးကွက်လည်ပတ်လျက်ရှိပါသည်။ကုန်သည်များမှ လိုအပ်သလောက် ပြန်လည်ဝယ်ယူမူကြောင့် ကုန်အဝင်အကန့်အသတ်ရှိပြီးအသင့်တင့်သာ ဝယ်လိုအားရှိကြောင်း(၂၂.၈.၂၀၂၄) ရက်နေ့ထုတ် Fresh Plaza သတင်းဆောင်းပါးအရ သိရှိရပါသည်၊၊

Source            https://www.freshplaza.com/asia/article/9650914/philippine-banana-exports-to-china-plummet/

တင်ပြသူ         ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ ဩဂုတ်လ (၂၈) ရက်

တည်းဖြတ်သူ  ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန