အစောပိုင်းမိုးကြိုအာလူး စိုက်ပျိုးထုတ်လုပ်မှု ကျဆင်းခြင်းကြောင့်အာလူးဈေးနှုန်းများ မြင့်တက်လျက်ရှိကြောင်း ရှမ်းပြည်နယ် နောင်တရားအာလူးအသင်းမှတာဝန်ရှိသူ တစ်ဦးမှ ပြောကြားခဲ့ပါသည်။စိန်ခေါ်မှုများနှင့်ပျက်စီးဆုံးရှုံးမှုများကြောင့် အာလူးစိုက်ဧကများလျော့ကျသွားခဲ့ပြီး ဧပြီလ နှင့် မေလတွင် စိုက်ပျိုးသည့် အစောပိုင်းမိုးကြိုအာလူးအထွက်နှုန်းများ ကျဆင်းသွားခဲ့ကြောင်း ၎င်းက ဆက်လက်ပြောကြားခဲ့ပါသည်။ယခုအချိန်တိုင်အောင် အာလူးများ ထွက်ရှိလျက်ရှိကြောင်း၊ သို့သော်အထွက်နှုန်းသည် ယခင်ကဲ့သို့ မများကြောင်း၊ ဧပြီလနှင့် မေလတွင် စိုက်ပျိုးသောအာလူးများကို ယခုလက်ရှိတွင် တူးဖော် လျက်ရှိပါသည်။ ရာသီဥတုအခြေအနေနှင့်မုတ်သုံရာသီတွင် ပိုးမွှားရောဂါကူး စက်နိုင် ခြေများသည့်အတွက် စိုက်ဧကများလျော့ကျသွားခဲ့ပါသည်။ရောင်းလိုအားနည်းပြီး ဈေးကွက်ဝယ်လိုအား များသည့်အချိန်ဖြစ်သောကြောင့်အာလူး ဈေးနှုန်းများ အနည်းငယ် မြင့်တက်လျက်ရှိပါသည်။ ပုံမှန်အားဖြင့် ယခုရာသီသည်အာလူး ရှားပါးသည့် ရာသီဖြစ်ပြီး ဇူလိုင်လမှ စက်တင်ဘာလအထိ အာလူးများ ဆက်လက်ရှားပါးလျက် ရှိပါသည်။ ဖေဖော်ဝါရီလမှ ဇွန်လအထိသည် အာလူးရောင်းလိုအားအမြင့်မားဆုံး ကာလ ဖြစ်ပါသည်။ နိုဝင်ဘာလနှင့် ဒီဇင်ဘာလဝန်းကျင်တွင် ပုံမှန်အတိုင်းပြန်လည် လည်ပတ်လေ့ ရှိကြောင်း ပြောကြားခဲ့ပါသည်။မေလမှဇူလိုင်လအထိကာလနှင့်နှိုင်းယှဉ်ပါက လက်ရှိတွင်ဝယ်လိုအားအနည်းငယ်ကျဆင်း သွားပြီးအထွက်နှုန်းနည်းသည့်အတွက်ရောင်းလိုအားမလုံလောက်ခြင်းကြောင့်ဖြစ်ကြောင်း ပြော ကြား ခဲ့ပါသည်။မြန်မာနိုင်ငံတွင် အာလူးစားသုံးမှု၊ စိုက်ပျိုးထုတ်လုပ်မှုနှင့် ဝယ်လိုအားသည် ပုံမှန်အနေ အထားတွင် ရှိပါသည်။ ပြီးခဲ့သည့် ၃ လနှင့်နှိုင်းယှဉ်ပါက ဝယ်လိုအားလျော့နည်းလျက်ရှိပါသည်။ အာလူးအထွက်နှုန်း လျော့နည်းသည့်အတွက်အာလူးရှားပါးသောကြောင့် ဝယ်လိုအား ကျဆင်းခြင်း ဖြစ်ကြောင်း ၎င်းကပြောကြားခဲ့ပါသည်။ဩဂုတ်လမှ စက်တင်ဘာလအထိ အာလူးဈေးနှုန်းများပြန်လည်မြင့်တက်မည်ဖြစ်ပြီးနိုဝင်ဘာလနှင့် ဒီဇင်ဘာလတွင် အာလူးများ ထပ်မံ တူးဖော်ရရှိမည်ဖြစ်သည့်အတွက်အာလူး ဈေးနှုန်းများ ပုံမှန်အတိုင်း ပြန်ဖြစ်မည်ဖြစ်ကြောင်း ပြောကြားခဲ့ပါသည်။ရောင်းလိုအား များနေချိန်ဖြစ်သည့် ပြီးခဲ့သည့် ဧပြီလနှင့် မေလတွင်အာလူးဈေးနှုန်းများ ကျဆင်းသွားသော်လည်း ဇွန်လတွင် ဈေးနှုန်းများ တဖြည်းဖြည်းပြန်လည်မြင့်တက်လာပြီး ဇွန်လမှ ယခုလအထိ အာလူးဈေး အမြင့်ဆုံးရရှိကြောင်း (၁၈-၈-၂၀၂၄) ရက်နေ့တွင် ထုတ်ပြန်ခဲ့သော https://www.gnlm.com.mm ၏ သတင်းအချက်အလက်များအရ သိရှိရပါသည်။

Source          https://www.gnlm.com.mm/early-monsoon-potato-price-gets-high-due-to-low-supply/

တင်ပြသူ        ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ            ၂၀၂၄ ခုနှစ်၊ ဩဂုတ်လ (၂၈) ရက်

တည်းဖြတ်သူ ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန