စပိန်အပူပိုင်းသစ်သီးအသင်း (AET) မှ ပိုင်ဆိုင်သော Mango de Málaga အမှတ်တံဆိပ်သည် စတင်ရောင်းချချိန်မှစ၍ တတိယအကြိမ်မြောက်လှုပ်ရှားမှုဆောင်ရွက်ရန်အထိ အပြည့်အဝ အဆင်သင့် ဖြစ်နေပြီး ၎င်းကဏ္ဍသည်သမိုင်းတလျှောက် အထင်ရှားဆုံး တိုးတက်မှုများ အနက် တစ်ခုဖြစ်ပါသည်။ဤအမှတ်တံဆိပ်၏ အဝန်းအဝိုင်းအောက်၌ လုပ်ငန်းဆောင်ရွက်နေသူများ၊ထုတ်လုပ်သူ များနှင့် တန်ဖိုးမြှင့်ထုတ်ကုန် ထုတ်လုပ်သည့် ကုမ္ပဏီများသည်(၂၀၂၂)ခုနှစ်မှစ၍ အတူတကွ ဆောင်ရွက်ခဲ့ကြပြီး ယခုအခါတွင်မူ ၎င်းသရက်သီး၏အနံ့အရသာနှင့် စားချင်စဖွယ် အရောင်အဆင်း၊ ရနံ့၊ နူးညံ့မှု စသည့်စွဲမက်ဖွယ်ဂုဏ်သတ္တိများကြောင့် ၎င်းသရက်သီးအား အရည်အသွေးထူးခြားသည့် သီးနှံအဖြစ်အသိအမှတ်ပြုရသည်အထိ ဖြစ်လာခဲ့ပါသည်။ထိုကဲ့သို့ ထူးခြားသော လက္ခဏာများသည် ဥရောပသမဂ္ဂ၌ စိုက်ပျိုးထုတ်လုပ်သည့်သရက်သီးအားလုံး၏ (၈၅%)ကျော်ကို ကိုယ်စားပြုပြီး ဤနယ်မြေရှိ ရာသီဥတုအခြေအနေ၏အကျိုးရလဒ် တစ်ခု ဖြစ်ပါသည်။ Mango de Málaga အမှတ်တံဆိပ်သည် ယခုရာသီတွင် ပိုမိုခိုင်မာမှုရရှိစေရန်နှင့် ဥရောပ ဈေးကွက်များဖြစ်သော ပြင်သစ်၊ ဂျာမနီ၊ ဘယ်လ်ဂျီယံ၊ ဆွစ်ဇာလန်၊ အီတလီနှင့်ပေါ်တူဂီ နိုင်ငံ တို့တွင် ၀ယ်လိုအားကို ဆက်လက်မြှင့်တင်ရန် ကြိုးပမ်းနေကြသည်။အရှေ့တိုင်းနိုင်ငံများရှိ နယ်ပယ်သစ်များတွင်လည်း La Axarquia မှ စပိန် သရက်သီးများသည် တန်ဖိုးအရှိဆုံးနှင့် အဖိုး အတန်ဆုံး ထုတ်ကုန်များထဲမှတစ်ခုအပါအဝင်ဖြစ်သည်။အသီးတင်မှုကို သက်ရောက်မှုရှိသော ပန်းပွင့်ချိန်ကာလတိုအတွင်း ရေပေးဝေမှုပြဿနာ များ၏ အကျိုးဆက်အနေဖြင့် ထုတ်လုပ်မှု ကျဆင်းသွားနိုင်သည့် တိုတောင်းသောပန်းပွင့်ချိန် ကာလကို သတိပြုရမည်ဖြစ်ပါသည်။ ခန့်မှန်းခြေအားဖြင့်တန်ချိန် (၁၂,၀၀၀) ဝန်းကျင် (ပုံမှန်ရာသီထက် ၇၀%)လျော့နည်းစေနိုင်ပါသည်။Natural Tropic ပိုင်ရှင် Prudencio López ဦးဆောင်သော အမှတ်တံဆိပ်၏အုပ်ချုပ်ရေး အဖွဲ့သည် ရောင်းလိုအားနည်းပါးခြင်းကြောင့် စျေးနှုန်းများကောင်းမွန်မည့်ကာလကို ဆောင်းဦး ရာသီ၏ ပထမသုံးလပတ်အထိ ကြာမြင့်မည်ဟုမျှော်လင့်ပါသည်။AET ၏ ဥက္ကဌ Álvaro Palacios က Protected Geographical Indication (PGI)ပေးအပ်ခြင်းလုပ်ငန်းစဉ်ကို ဆောင်ရွက်ဆဲဖြစ်ကြောင်း ပြောကြားခဲ့သည်။ ဥရောပသမဂ္ဂ၏အရည် အသွေးစံနှုန်းများထဲမှ တစ်ခုဖြစ်သည့်တံဆိပ်ကို မှတ်ပုံတင်ခြင်းသည် PGI ကိုပေးအပ်သည်အထိ ဆက်လက်လုပ်ဆောင်ရမည့် လုပ်ငန်းစဉ်၏ ပထမခြေလှမ်းဖြစ်သည်။၎င်းသည် ရှည်လျားသော လုပ်ငန်းစဉ်ဖြစ်သော်လည်း တိုးတက်မှုကို (၂၀၂၅)ခုနှစ်တွင် မျှော်လင့်ထားသည်။ မာလာဂါ၏ သရက်သီးများသည် ဒေသထွက်ကုန်တစ်ခုဖြစ်ပြီး အော်ဂဲနစ်စိုက်ပျိုးထားသည့် သရက်သီးများလည်း ရရှိပါသည်။ ထုတ်ကုန်၏ နောက်ဆုံးဦးတည်ရာသို့ ရောက်ရှိသည်အထိ ခူးဆွတ်ချိန်မှစ၍လိုအပ်သော တင်ပို့ချိန် ကန့်သတ်အကွာအဝေးများ ပေးထားပြီး ကာဗွန်ခြေရာကိုအနိမ့်ဆုံးတွင် ထိမ်းထားသည်။ ထိုအထဲတွင် စပိန်နိုင်ငံတွင်း ရောင်းချမှုနှင့်ဥရောပဈေးကွက်နှစ်ခုလုံးနှင့် သက်ဆိုင်သည့် အရာများ ပါဝင်ပါသည်။ဤအရာသည် နောက်ဆုံးစားသုံးသူမှ အလွန်တန်ဖိုးထားအပ်သော အရာဖြစ်ပြီးသမုဒ္ဒရာဖြတ်ကျော်နိုင်ငံများမှ ရောက်ရှိလာသော အသီးများ၏ အခြေအနေများနှင့်သိသိသာသာ ကွာခြားမှုရှိကြောင်းကို (၁၆.၈.၂၀၂၄)ရက်နေ့ကဖတ်ရှုခဲ့ရသည့် www.freshplaza.com ကွန်ယက်၏ သတင်း ဆောင်းပါးမှတဆင့် သိရှိခဲ့ရသည်။

Source          https://www.freshplaza.com/latin-america/article/9648901/third-campaign-of-the-mango-de-malaga-brand-gets-underway/

တင်ပြသူ         ဦးဖုန်းမြတ်ဝင်းမောင်မောင်၊ ဒု-လ/ထဦးစီးမှူး၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ ဩဂုတ်လ(၂၁) ရက်

တည်းဖြတ်သူ  ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန