ဂုံခါးသည် အများအားဖြင့် မုတ်သုံရာသီတွင် ပေါများစွာရရှိခြင်းကြောင့် ဈေးနှုန်းကျဆင်း သော်လည်း အရောင်းအဝယ်ကောင်းမွန်လျက်ရှိပါသည်။ နွေရာသီတွင် ဂုံခါးဈေးနှုန်းကောင်းမွန်ပြီး ကွမ်းစားဆေးအဖြစ်သာမက ဆေးဖက်ဝင်အပင်အဖြစ်လည်းအသုံးပြုကြပါသည်။မုတ်သုံရာသီတွင် ရောင်းလိုအားများသည့်အတွက် ဈေးလျော့နည်းကြောင်း၊နွေရာသီနှင့် နှိုင်းယှဉ်ပါက ဈေးကောင်းမရကြောင်း၊ ပြီးခဲ့သည့် နွေရာသီတွင်ဈေးကောင်းရရှိခဲ့ကြောင်း၊ ဂုံခါးကို များသောအားဖြင့် ကွမ်းယာဆိုင်များတွင်လည်းကောင်း၊တိုင်းရင်းဆေးများတွင် အမှုန့်ပုံစံအဖြစ် လည်းကောင်း အသုံးပြုကြကြောင်း၊ပရဆေးဆိုင်များမှလည်း အဝယ်များကြောင်း၊ ထို့အပြင် ရန်ကုန် နှင့်မန္တလေးတို့မှလည်းအဝယ်များကြောင်း မိတ္ထီလာမြို့နယ်မှ ဂုံခါးကုန်သည်တစ်ဦးက ပြောပါသည်။Jivanti (သို့မဟုတ်) ဂုံခါးကို ရာသီတိုင်းတွင် ရရှိနိုင်သော်လည်း အဓိကအားဖြင့်မုတ်သုံ ရာသီတွင် ပေါပေါများများရရှိနိုင်ပါသည်။ ဂုံးခါးကိုရာသီမရွေးထုတ်လုပ်ရရှိနိုင်သော်လည်း ၎င်းသည် ဂမုန်းမျိုးစိတ် အုပ်စုဝင်ဖြစ်ပြီးသဘာဝပေါက်ပင်ဖြစ်သောကြောင့် စိုက်ပျိုးရန်ကြိုးစားသော်လည်း မရနိုင်ပါကြောင်းသို့သော်လည်း ထိန်းသိမ်းစောင့်ရှောက်မှုပြုလုပ်နိုင်ပါကြောင်း ၎င်းကပြောကြားခဲ့ပါသည်။ဂုံခါးသည် နွေရာသီ အပူဒဏ်အောက်တွင် လျင်မြန်စွာ ပုပ်သွားတက်သောကြောင့်နွေ ရာသီတွင် စျေးနှုန်းမြင့်တက်လေ့ရှိကြောင်း (၁၆.၈.၂၀၂၄) ရက်နေ့တွင် ထုတ်ဝေခဲ့သော  The Global New Light of Myanmar ကွန်ရက်ဆောင်းပါးအရသိရှိရပါသည်။

Source           https://www.gnlm.com.mm/mass-of-supply-leads-gounkhar-price-to-fall-in-monsoon-trade-is-fine/

တင်ပြသူ         ဒေါ်မြတ်ဖူးငုံဦး၊ စိုက်ပျိုးရေးဦးစီးဌာန

ရက်စွဲ             ၂၀၂၄ခုနှစ်၊ ဩဂုတ်လ (၂၁) ရက်

တည်းဖြတ်သူ   ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန