အမေရိကန်ပြည်ထောင်စု၏ အနောက်အလယ်ပိုင်းဒေသရှိ Missouri ပြည်နယ် နှင့်ကပ်လျက် ပြည်နယ်များတွင် အခြေစိုက်ဖွဲ့စည်းထားသည့်စိုက်ပျိုးရေးသမဝါယမအဖွဲ့အစည်းတစ်ခု ဖြစ်သည့် MFA ပေါင်းစည်းအသင်းအဖွဲ့၏အပင်နှင့်အာဟာရဆိုင်ရာ အကြီးတန်းဒါရိုက်တာ ဖြစ်သူက မြေဩဇာတန်ဖိုးများသည့်အကျဘက်သို့ ဦးတည်လျက်ရှိသော်လည်း အနိမ့်ဆုံး အခြေအနေအထိရောက်ရှိခြင်းမဟုတ်ဘဲ ယခင်နှစ်များထက် အလားအလာ‌ ပိုမိုကောင်းမွန်ဖွယ်ရှိကြောင်းပြောကြား ခဲ့ပါသည်။

အချိန်ကာလတစ်ခုရောက်ပါက ဓာတ်မြေဩဇာဈေးနှုန်းများသည်ကုန်စည်ဈေးနှုန်းများ အပေါ် အကျိုးသက်ရောက် လာစေနိုင်ကြောင်း၊ထိုအကျိုးသက်ရောက်မှုများသည် တစ်ရက်၊ သီတင်းပတ် တစ်ပတ်၊ တစ်လအတွင်းထင်ဟပ်လာမည်မဟုတ်ဘဲ အချိန်ကာလ အတိုင်းအတာ တစ်ခုအထိ ကြာမြင့်နိုင်ကြောင်း၊ကမ္ဘာ့ဈေးကွက် ဝယ်လိုအား၏ အကျိုးသက်ရောက်မှုကြောင့် နိုက်ထရိုဂျင် ဈေးနှုန်းများကျဆင်းသွားခဲ့ကြောင်း၊ ဖော့စဖိတ်သည်လည်း ထို့နည်းတူစွာပင် ဈေးနှုန်းကျဆင်းခဲ့ရကြောင်း Chris DeMoss က ပြောကြားခဲ့ပါသည်။ဖော့စဖိတ်နှင့်ပတ်သက်၍ ကမ္ဘာတစ်ဝှမ်းက တင်းကြပ်ကြသဖြင့်ဒိုင်အမိုနီယမ်ဖော့စဖိတ် (DAP) နှင့် မိုနိုအမိုနီယမ်ဖော့စဖိတ် (MAP) ကဲ့သို့သော့ဖော့စဖိတ်မြေဩဇာများအပေါ် သက်ရောက် စေခဲ့သောကြောင့် ဈေးနှုန်းများသည်ယခင်နှစ်ကထက် ကျဆင်းလျက်ရှိကြောင်း၊ ထို့အပြင် တောင်သူများကလည်းလာမည့်စိုက်ပျိုးရာသီအတွက် စိုက်ပျိုးမှုကုန်ကျစရိတ်များကို လျှော့ချမည် ဖြစ်သဖြင့်သီးနှံပင်များအတွက် အာဟာရချို့တဲ့ပြီး ကောင်းမွန်မည့်အလားအလာ မရှိနိုင်ကြောင်း၊သီးနှံပင်များကို ကြီးထွားရှင်သန်ရန် အခွင့်အလမ်းပေးသင့်ကြောင်း၊ ကျဆင်းလျက်ရှိသည့်မြေဩဇာ ဈေးနှုန်းများနှင့်အညီ လိုက်လျောညီထွေစွာ ပုံမှန်သုံးစွဲသင့်ကြောင်း၊

ထိုသို့ပုံမှန်သုံးစွဲခြင်းသည် ဈေးကွက်အချိန်ကိုက်ခြင်းကဲ့သို့ လောင်းကစားဆန်သည့်အပြုအမူများထက် ရလဒ်မှာ ပိုမိုသေချာ ကြောင်း၊ ၎င်းအနေဖြင့် ဆောင်းဦးနှင့်လာမည့်နွေဦးတွင် မြေဩဇာဈေးနှုန်းများ များစွာပြောင်းလဲ နိုင်ဖွယ်ရှိသည်ဟုမျှော်လင့်မထားကြောင့်နှင့် ထိုသို့မျှော်လင့်မထားသော်လည်း အပြောင်းအလဲ များစွာသည်အမြဲလိုလိုပင် ဖြစ်ပေါ်လာနိုင်သည်ဟု DeMoss က ပြောကြားခဲ့ကြောင်းကို (၇. ၈. ၂၀၂၄)ရက်နေ့တွင် ထုတ်ပြန်ခဲ့သည့် BROWNFIE သတင်းအရ သိရှိရပါသည်။

Source     https://www.brownfieldagnews.com/news/fertilizer-prices-not-lowest-but-better-than-previous-years/

တင်ပြသူ        ဒေါ်ဥမ္မာထွန်း၊ စိုက်ပျိုးရေးဦးစီးဌာန

ရက်စွဲ            ၂၀၂၄ ခုနှစ်၊ ဩဂုတ်လ (၁၄) ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန