မြန်မာနိုင်ငံသည် (၂၀၂၄-၂၀၂၅)ဘဏ္ဍာနှစ် ပထမသုံးလပတ် (ဧပြီ-ဇွန်)လအတွင်း အမေရိကန်ဒေါ်လာ (၈၇)သန်းကျော်တန်ဖိုးရှိ သဘာဝရာဘာတန်ချိန်ပေါင်း (၆၂၀၀၀)ကျော်ကို တင်ပို့ခဲ့ကြောင်း မြန်မာနိုင်ငံကုန်သွယ်မှုမြှင့်တင်ရေးအဖွဲ့မှ သိရှိရပါသည်။

မြန်မာနိုင်ငံသည် လက်ရှိဘဏ္ဍာနှစ်အတွင်း ရာဘာတန်ချိန် (၃၀၀,၀၀၀)ကျော်တင်ပို့နိုင်ရန် ရည်ရွယ်ထားပါသည်။ မြန်မာ့ရာဘာထုတ်လုပ်မှုမှာ နှစ်စဉ် တန်ချိန် (၃၀၀,၀၀၀)ခန့်ရှိပါသည်။ မြန်မာ နိုင်ငံမှထွက်ရှိသော ရာဘာစုစုပေါင်း၏ (၇၀%)ကို တရုတ်နိုင်ငံသို့ တင်ပို့လျက်ရှိပြီး စင်္ကာပူ၊ အင်ဒိုနီးရှား၊ မလေးရှား၊ ထိုင်း၊ ဗီယက်နမ်၊ ကိုရီးယားသမ္မတနိုင်ငံ၊ အိန္ဒိယ၊ ဂျပန်နှင့် အခြား နိုင်ငံများသို့လည်း တင်ပို့ပါသည်။ 

ယခင် (၂၀၂၂-၂၀၂၃)ဘဏ္ဍာနှစ်တွင် ရာဘာထုတ်လုပ်မှုတန်ချိန်ပေါင်း (၃၆၀,၀၀၀)ကျော် ရှိပြီး ပြည်ပကုန်သွယ်ဖက်နိုင်ငံများသို့ တန်ချိန် (၂၀၀,၀၀၀)ကျော် တင်ပို့ခဲ့ပါသည်။

ကမ္ဘာတစ်ဝှမ်း ရာဘာလိုအပ်ချက်နှင့် အရှေ့တောင်အာရှနိုင်ငံများရှိ ရော်ဘာထုတ်လုပ်မှု နှင့် ဈေးကွက်ရရှိမှုတို့သည် မြန်မာနိုင်ငံ၏ ရော်ဘာစျေးနှုန်းအပေါ် လွှမ်းမိုးမှုရှိပါသည်။

မွန်ပြည်နယ်ရှိ ရာဘာပေါက်ဈေးသည် အဆိုပါအချက်များနှင့် ဆက်စပ်နေကြောင်း ကုန်သည်များက ပြောပါသည်။ ရာဘာကို မြန်မာနိုင်ငံတွင် မွန်ပြည်နယ်၊ ကရင်ပြည်နယ်နှင့် တနင်္သာရီတိုင်းဒေသကြီး၊ ပဲခူးတိုင်းဒေသကြီးနှင့် ရန်ကုန်တိုင်းဒေသကြီးတို့တွင် ထုတ်လုပ်ပါသည်။ (၂၀၁၈-၂၀၁၉) ရာဘာရာသီအချက်အလက်များအရ မြန်မာနိုင်ငံတွင် ရာဘာစိုက်ဧက (၁.၆၂၈)သန်း ရှိပြီး မွန်ပြည်နယ်တွင် (၄၉၇,၁၅၃)ဧက၊ တနင်္သာရီတိုင်းဒေသကြီးတွင် (၃၄၈,၃၄၄)ဧကနှင့် ကရင် ပြည်နယ်တွင် (၂၇၀,၇၆၀)ဧကရှိကြောင်း (၅.၈.၂၀၂၄)ရက်နေ့တွင် ထုတ်ပြန်ခဲ့သော Global New Light of Myanmar သတင်း ဆောင်းပါးအရ သိရှိရပါသည်။

Source     https://www.gnlm.com.mm/myanmar-ships-62000-tonnes-of-natural-rubber-worth-us87m-in-q1/

တင်ပြသူ       ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ     ၂၀၂၄ ခုနှစ်၊ ဩဂုတ်လ (၁၄) ရက်

တည်းဖြတ်သူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန