အိန္ဒိယ၏ လယ်ယာပို့ကုန်များတင်ပို့မှုကို မြှင့်တင်ရန် သိသာထင်ရှားသော လှုပ်ရှားမှုတစ်ခု တွင် ဆိပ်ကမ်းများ၊ ပင်လယ်ရေကြောင်းပို့ဆောင်ရေးနှင့်ရေလမ်းဆိုင်ရာဝန်ကြီးဌာန ပြည်ထောင်စု ဝန်ကြီး Sarbananda Sonowal က Jawaharlal Nehru Port (JNPA) တွင် ပေါင်းစည်း စိုက်ပျိုးရေး ပို့ကုန်စက်ရုံအတွက် ရူပီး သိန်းရာပေါင်း(၂၈၄.၁၉)တန်ဘိုးရှိ စီမံချက်တစ်ခုကို အတည်ပြုခဲ့ပါသည်။ အဆိုပါစက်ရုံသည် ၆၇,၄၂၂ စတုရမ်းမီတာကျယ်ဝန်းပြီး စိုက်ပျိုးရေးကုန်စည်များ ကိုင်တွယ် ထိန်းသိမ်းမှုနှင့် ထောက်ပံ့ပို့ဆောင်ရေးကွင်းဆက်တလျှောက် စီမံခန့်ခွဲမှုများကို ပြုပြင်ပြောင်းလဲရန်ရည်ရွယ်သည်။ဤလယ်ယာထွက်ကုန် စက်ရုံသည် ဘာစမာတီမဟုတ်သော ဆန်၊ ပြောင်း၊ ဟင်းခတ် အမွှေးအကြိုင်၊ ကြက်သွန်နီနှင့် ဂျုံကဲ့သို့သော အဓိက လယ်ယာထွက်ကုန်များ တင်ပို့ခြင်းအတွက် ပြုပြင်ထုပ်ပိုးခြင်း၊ သိုလှောင်ခြင်းနှင့် တင်ပို့ခြင်းကဲ့သို့သော လုပ်ငန်းများကို တစ်နေရာတည်းမှာ တစ်ပြိုင်တည်းဖြေရှင်းဆောင်ရွက်ပေးမည့် ဝန်ဆောင်မှုဖြစ်ပါသည်။ အဆိုပါစက်ရုံသည် ပို့ကုန် လုပ်ငန်းစဉ်ကို ချောမွေ့စေပြီး အလေအလွင့်လျှော့ချခြင်းဖြင့် တောင်သူများ၏ ဝင်ငွေတိုးတက် စေပြီးကမ္ဘာ့လယ်ယာထွက်ကုန်တင်ပို့သည့် အိန္ဒိယနိုင်ငံ၏ ရပ်တည်ချက်ကို မြှင့်တင်ရန် မျှော်လင့်ပါသည်။

ကနဉီးခြေလှမ်းမှာ တောင်သူများကို ခွန်အားဖြစ်စေဖို့ အဓိကခြေလှမ်းတစ်ခုဖြစ်ပြီး အိန္ဒိယနိုင်ငံ၏ စိုက်ပျိုးရေးကဏ္ဍကို မြှင့်တင်ပေးပါသည်” ဟု ဝန်ကြီး Sonowal ကပြောကြားခဲ့ ပါသည်။ “ဤစက်ရုံမှ အလုပ်အကိုင်များ ဖန်တီးပေးခြင်း၊လယ်ယာထွက်ကုန်များ၏ ဈေးနှုန်းများကို မြှင့်တင်ပေးပြီး ကျေးလက်ဒေသ ဖွံ့ဖြိုးတိုးတက်ရေးကို အထောက်အကူပြုပါသည်။” ဟု ပြောကြား ခဲ့ပါသည်။စိုက်ပျိုးရေးအဆောက်အဉီးအပြင် အစိုးရကလည်း ဆိပ်ကမ်းအခြေခံအဆောက်အအုံ အတွက် ကြီးကြီးမားမား ရင်းနှီးမြှုပ်နှံနေပါကြောင်း၊ ရူပီးကုဋေပေါင်း (၇၆၂၂၀) တန်ဘိုး ရှိသော စီမံချက်ကြီးတစ်ခု ဖြစ်သည့် Vadhavan ဆိပ်ကမ်းကို Maharashtra တွင် ဆောက်လုပ်နေဆဲ ဖြစ်သည်။ အဆိုပါဆိပ်ကမ်းသည် ကမ္ဘာ့အကြီးဆုံးဆိပ်ကမ်းများထဲမှတစ်ခု ဖြစ်လာမည်ဖြစ်ပြီး အိန္ဒိယ၏ ပင်လယ်ရေကြောင်းကုန်သွယ်မှုစွမ်းရည်ကို ပိုမိုအားကောင်း လာစေမည် ဖြစ်ပါသည်။

အိန္ဒိယနိုင်ငံ၏ အချက်အချာအကျဆုံး ကွန်တိန်နာဆိပ်ကမ်းဖြစ်သည့် JNPA သည်ကမ္ဘာလုံးဆိုင်ရာ ကုန်သွယ်မှုဗဟိုချက်ဖြစ်လာသည်။ ပေါင်းစည်းစိုက်ပျိုးရေးပို့ကုန် စက်ရုံအသစ်ဖြင့် အိန္ဒိယနိုင်ငံ၏ လယ်ယာထွက်ကုန်တင်ပို့မှုတွင် အရေးပါသော အခန်းကဏ္ဍမှပါဝင်လာမည့် ဆိပ်ကမ်း တစ်ခု ဖြစ်ပါသည်။အဆိုပါစီမံကိန်းသည် ပြုပြင်ထုပ်ပိုးဆောင်ရွက်ခြင်း၊ထောက်ပံ့ပို့ဆောင်ရေးစီမံခန့်ခွဲမှုနှင့် ပို့ကုန်ကဏ္ဍများတွင် သိသာထင်ရှားသောအလုပ်အကိုင်အခွင့်အလမ်းများ ဖန်တီးပေးနိုင်ရန် မျှော်လင့် ပါသည်။ ထို့အပြင် ၎င်းတို့အားခေတ်မီအခြေခံ အဆောက်အအုံများနှင့် ထိရောက်သော ထောက်ပံ့ ပို့ဆောင်ရေးဆိုင်ရာဖြေရှင်းချက်များကို လက်လှမ်းမီအောင် ပံ့ပိုးပေးခြင်းဖြင့် အသေးစား ပို့ကုန်လုပ်ငန်းရှင်များအတွက် အကျိုးရှိမည်ဖြစ်ကြောင်းကို (၂-၈-၂၀၂၄)ရက်နေ့ထုတ် krishijagran.com အရသိရှိရပါသည်။

Source           https://krishijagran.com/news/indias-first-integrated-agri-export-facility-to-boost-farm-produce-exports/

တင်ပြသူ         ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ ဩဂုတ်လ (၇) ရက်

တည်းဖြတ်သူ  ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန