စက်မှုဝန်ကြီးဌာနအောက်ရှိ အမှတ်(၃) အကြီးစားစက်မှုလုပ်ငန်းမှ လက်ရှိ(၂၀၂၄-၂၀၂၅) ဘဏ္ဍာရေးနှစ်တွင် C-grade ရှိသည့် ချည်မျှင်ရှည်ဝါပိဿာ(၅၀၀,၀၀၀)ဝယ်ယူရန် တင်ဒါခေါ်ယူ ခဲ့ပါသည်။တင်ဒါ အဆိုပြုလွှာတွင် အမှတ်(၃) အကြီးစားစက်မှုလုပ်ငန်း လက်အောက်ရှိအမှတ်(၁) အထည်အလိပ်စက်ရုံ (ရွှေတောင်)အတွက် ချည်မျှင်ရှည်ဝါပိဿာ(၂၀၀,၀၀၀)၊ အမှတ်(၃) အထည်အလိပ်စက်ရုံ(စစ်ကိုင်း)အတွက် ချည်မျှင်ရှည်ဝါပိဿာ(၁၀၀,၀၀၀)၊ ဝါကြိတ်စက်ရုံ(တောင်တွင်းကြီး) အတွက် ဝါပိဿာ(၁၀၀,၀၀၀)နှင့်ဝါကြိတ်စက်ရုံ(ရမည်းသင်း) အတွက် ဝါပိဿာ (၁၀၀,၀၀၀)တို့ကို ဝယ်ယူရန်ဖော်ပြခဲ့သည်။

တင်ဒါပုံစံဖောင်ကို ဇူလိုင်လ (၃၁)ရက်တွင် ရောင်းချမည်ဖြစ်ပြီးတင်ဒါပိတ်မည့်ရက်မှာ သြဂုတ်လ(၁၃)ရက်ဖြစ်သည်။ တစ်ဦးချင်းအနေဖြင့်အသေးစိတ်အချက်အလက်များကို သိရှိလိုပါက နေပြည်တော်ရှိ ရုံးအမှတ်(၃၇)၌အမှတ်(၃) အကြီးစားစက်မှုလုပ်ငန်းရှိ ထုတ်လုပ်ရေးဌာန ဖုန်း နံပါတ် ၀၆၇-၃၄၀၈၁၃၈၊၀၆၇-၃၄၀၈၄၃၉၊ ၀၆၇-၃၄၀၈၄၉၂ သို့ ဆက်သွယ်မေးမြန်းနိုင်ပါသည်။မြန်မာ့စီးပွားရေးကော်ပိုရေးရှင်း (MEC)မှလည်း ချည်မျှင်ရှည်ဝါပိဿာ(၉၁၇,၉၂၇) ပိဿာကို ဝါကြိတ်စက်ရုံ (မြစ်သား)အတွက် ဝယ်ယူရန်လေလံခေါ်ယူခဲ့သည်။ ၂၀၂၄ ခုနှစ်၊ သြဂုတ်လ (၁) ရက်နေ့ နေပြည်တော် MEC ရုံးချုပ်တွင်ကျင်းပရန် စီစဉ်ထားသော တင်ဒါအစည်းဝေးတွင် သယ်ယူ ပို့ဆောင်ခအပါအဝင်စက်ရုံအရောက် ချည်မျှင်ရှည်ဝါ စျေးနှုန်းအဆိုပြုလွှာများကို တင်သွင်းရမည် ဖြစ်သည်။လေလံဆွဲလိုသူများအနေဖြင့် ဖုန်းနံပါတ် ၀၆၇-၃၄၃၄၇၃၃ သို့ ဆက်သွယ် စုံစမ်းမေးမြန်းနိုင်ပါသည်။

၂၀၂၄-၂၀၂၅ ဘဏ္ဍာရေးနှစ်အတွင်း အမှတ်(၃)အကြီးစားစက်မှုလုပ်ငန်းအောက်ရှိ အမှတ် (၁)အထည်အလိပ်စက်ရုံ(ရွှေတောင်)၊အမှတ်(၃) အထည်အလိပ်စက်ရုံ(စစ်ကိုင်း)၊ အမှတ်(၄) အထည် အလိပ်စက်ရုံ(ပွင့်ဖြူ)၊ဝါကြိတ်စက်ရုံ(တောင်တွင်းကြီး)၊ အမှတ်(၇)အထည်အလိပ်စက်ရုံ (မြစ်သား)၊ အမှတ်(၈)အထည်အလိပ်စက်ရုံ (ပျော်ဘွယ်)နှင့် ဝါကြိတ်စက်ရုံ (ရမည်းသင်း)တို့အတွက် စက်မှုဝန်ကြီး ဌာနသည် A-grade ရှိသည့် ချည်မျှင်ရှည်ဝါပိဿာ (၂.၉)သန်းနှင့် C-grade ရှိသည့်ချည်မျှင် ရှည်ဝါ (၁၀၀,၀၀၀) ပိဿာ၊ စုစုပေါင်းချည်မျှင်ရှည်ဝါ (၃)သန်းကိုမေလဆန်းပိုင်းတွင် ဝယ်ယူရန်တင်ဒါခေါ်ယူ ခဲ့ကြောင်းကို (၃၁.၇. ၂၀၂၄)ရက်နေ့က ဖတ်ရှုခဲ့ရသည့် Global New of Myanmar၏ သတင်း ဆောင်းပါးမှတဆင့် သိရှိခဲ့ရပါသည်။

Source   https://www.gnlm.com.mm/heavy-industries-enterprise-no-3-seeks-bids-for-c-grade-long-staple-cotton/#article-title

တင်ပြသူ         ဦးဖုန်းမြတ်ဝင်းမောင်မောင်၊ ဒု-လ/ထဦးစီးမှူး၊စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ ဩဂုတ်လ(၇)ရက်

တည်းဖြတ်သူ  ဦးသောင်းထိန်၊ လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန