ရာသီပေါ် မော်လမြိုင်ကျွဲကောသီးများ စားသုံးမှု များပြားလာသည့်အတွက်ကျွဲကောသီး ရောင်းအားများ ကောင်းမွန်လျက်ရှိကြောင်း သစ်သီးဝလံဈေးကွက်မှစုဆောင်းရရှိသည့် သတင်း အချက်အလက်များအရ သိရှိရပါသည်။ကျွဲကောသီးရာသီအစပိုင်းတွင် ရောင်းအားကောင်းမွန်လျက် ရှိပြီး လာမည့်လများတွင်ကျွဲကောသီးဝင်ရောက်မှု ဆက်လက်မြင့်တက်ဖွယ်ရှိပါသည်။ဇွန်လတွင် ကျွဲကောသီးများ စတင်ထွက်ရှိပါသည်။ ယခုလ ဇူလိုင်လမှစ၍လာမည့်လများ အထိ ကျွဲကောခြံများအားလုံး ခူးဆွတ်နိုင်မည်ဖြစ်သည်။ လာမည့်လများတွင်ကျွဲကောသီး အများ အပြား ထွက်ရှိမည်ဖြစ်ပြီး တန်ခူးလတွင် ကျွဲကောသီးထွက်ရှိသည့်ရာသီကုန်ဆုံးမည် ဖြစ်ပါသည်။ လူအများ ကြိုက်နှစ်သက်သည့်အတွက်ကျွဲကောသီး စားသုံးမှုများ မြင့်တက်လျက်ရှိကြောင်း ကျိုက်ထိုမြို့နယ်ရှိလင်းပွင့်စံကျွဲကောရောင်းဝယ်ရေးမှ တာဝန်ရှိသူတစ်ဦးက ပြောကြားခဲ့ပါသည်။မွန်ပြည်နယ်သည် ကျွဲကောသီးထွက်ရှိသည့် ဒေသတစ်ခုဖြစ်ပြီး ကျိုက်ထို၊ဘီးလင်း၊ သထုံ၊ မော်လမြိုင်၊ မုဒုံ၊ ရေးနှင့် ခေါဇာမြို့နယ်တို့သည် မွန်ပြည်နယ်ရှိ မြို့နယ်(၁၀)မြို့နယ်မှ ထိပ်တန်း မြို့နယ်များ ဖြစ်ကြပါသည်။ မွန်ပြည်နယ်တွင် အဖြူနှင့်ပန်းရောင်ဟူ၍ ကျွဲကော နှစ်မျိုးရှိပြီး အဆိုပါ မျိုးနှစ်မျိုးလုံးသည် အထွက်နှုန်း ကောင်းပြီးရောင်းအားလည်း ကောင်းပါသည်။မော်လမြိုင်ကျွဲကောမျိုးများအပြင် ထိုင်းကျွဲကောသီးမျိုးများလည်းရှိပြီး၎င်းမျိုးများသည် အခွံထူပြီး အရသာ သိပ်မကောင်းပါ။ အရောင်လည်း မလှပါ။လူအများသည် ထိုင်းကျွဲကောသီးထက် မော်လမြိုင်ကျွဲကော်သီးကိုပိုမိုကြိုက်နှစ်သက်ကြပါသည်။ ထိုင်းကျွဲကောသီးများသည် ဈေးကြီးပြီး ပုံမှန်အားဖြင့်ကျွဲကောသီးများကို ကီလိုဖြင့် ရောင်းချ ကြပါသည်။ မော်လမြိုင်ကျွဲကော်သီးများသည်အရောင်းမျိုးစုံရှိကြောင်း ကျိုက်ထိုမြို့နယ်ရှိ လင်းပွင့်စံကျွဲကောသီးရောင်းဝယ်ရေးမှတာဝန်ရှိသူ တစ်ဦးက ပြောကြားခဲ့ပါကြောင်း (၂၇-၇-၂၀၂၄) ရက်နေ့တွင် ထုတ်ပြန်ခဲ့သောhttps://www.gnlm. com.mm ၏ သတင်းအချက်အလက်များအရ သိရှိရပါသည်။

Source https://www.gnlm.com.mm/consumption-of-seasonal-mawlamyine-pomelo-increasing-and-its-sales-strong-in-market/

တင်ပြသူ         ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ             ၂၀၂၄ ခုနှစ်၊ ဩဂုတ်လ (၇) ရက်

တည်းဖြတ်သူ   ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန