ဟန်နွိုင်းမြို့သည် မြို့တော်၏ အသဲနှလုံးအဖြစ် ပြိုင်ဘက်ကင်းစိုက်ပျိုးရေးတစ်ရပ်အဖြစ် ဝင့်ကြွား နိုင်ရန် ခေတ်မီသန့်ရှင်းပြီး အော်ဂဲနစ်အလေ့အကျင့်များနှင့်အညီ စိုက်ပျိုးရေးကဏ္ဍ ရေရှည်တည်တံ့ ခိုင်မြဲစေရန် သိသိသာသာ ကြိုးပမ်းအားထုတ်ရန်လိုအပ်နေပါသည်။ မြို့တော်၏ စိုက်ပျိုးရေးတိုးတက်မှုသည် စီးပွားရေးစက်ဝန်းများ၊ တန်ဖိုးမြှင့်စက်မှုလုပ်ငန်း များနှင့် ကမ္ဘာ့တန်ဖိုးကွင်းဆက်များသို့ ရေရှည်တည်တံ့ခိုင်မြဲမှုများနှင့်ချိတ်ဆက်ရန်လိုအပ်ပါသည်။

ဟန်နွိုင်းပြည်သူ့ကော်မတီဒုတိယဥက္ကဋ္ဌ Nguyễn Mạnh Quyền ၏ပြောကြားချက်အရ မြို့တော်၏လက်ရှိအခြေအနေအရထုတ်လုပ်မှုလုပ်ငန်းစဉ်ထက်ထုတ်လုပ်မှုနှင့် ခေတ်မီစိုက်ပျိုးရေး ပုံစံများကို အဓိကထားလုပ်ဆောင်နေကြောင်း၊ယင်းတို့သည် ဂေဟစနစ်အခြေအနေ၊ သဘာဝ ပတ်ဝန်းကျင်ကာကွယ်ရေးအစီအမံများအပြင် မြို့တော်၏စီးပွားရေး အတိုင်းအတာနှင့် ကိုက်ညီမှုရှိရမည်ဖြစ်သောကြောင့် ဟန်နွိုင်းစိုက်ပျိုးရေးသည် ထုတ်လုပ်မှုတွင် ၎င်း၏ဉာဏစွမ်းအားကို အသုံးချရမည်ဖြစ်ကြောင်း၊ ကျယ်ကျယ်ပြန့်ပြန့်မဆောင်ရွက်နိုင်သေးသော်လည်း စိုက်ပျိုးရေး ကဏ္ဍအနေဖြင့် အရည်အသွေးမြင့်ပြီးတန်ဖိုးကြီး ထုတ်ကုန်များအတွက် အဆင့်မြင့်နည်းပညာကို အသုံးပြုရမည်ဖြစ်ကြောင်းသိရှိရပါသည်။ထို့အပြင် ဒေသတွင်း လယ်ယာစိုက်ပျိုးရေးသည် ဟန်နွိုင်း၏ ဂေဟစနစ်နှင့်သမရိုးကျ နည်းဆိုင်ရာ အားသာချက်များကိုအသုံးချကာ ထူးခြားသောစိုက်ပျိုးရေးလုပ်ငန်းတစ်ခုကို ဖွံ့ဖြိုး တိုးတက်စေမည် ဖြစ်ပါသည်။

မြို့တော်သည် ၎င်း၏ ဘေးကင်းသော စိုက်ပျိုးရေး ထုတ်လုပ်မှုနှင့် စားသုံးမှုကွင်းဆက် (၁၅၉)ခုကို ဆက်လက်ထိန်းသိမ်းထားကာ ယင်းတို့အနက် (၅၃)ခုမှာတိရစ္ဆာန်ထွက်ကုန်များနှင့် ဟင်းသီးဟင်းရွက် (၁၀၆)ခုကိုဆက်လက်ထိန်းသိမ်းထားပါသည်။ ဤကွင်းဆက်များသည် လုပ်ငန်း မျိုးစုံ၊သမဝါယမများနှင့် တောင်သူများကို အောင်မြင်စွာ ချိတ်ဆက်နိုင်ခဲ့ပါသည်။ဟန်နွိုင်၏ စိုက်ပျိုးရေးကဏ္ဍသည် မြို့တော်အတွက် ဘေးကင်းသော စားနပ်ရိက္ခာထောက်ပံ့ရေး ကွင်းဆက်ပေါင်း (၉၂၆)ခု ဖွံ့ဖြိုးတိုးတက်ရေးအတွက် နိုင်ငံတစ်ဝန်းရှိမြို့ကြီး (၄၃)မြို့နှင့် ပေါင်းစပ် ညှိနှိုင်းဆောင်ရွက်လျက်ရှိပါသည်။ယခုအခါ မြို့တော်တွင် အပင်စိုက်ပျိုးမှု (၁၈၅)ခု၊ မွေးမြူရေးလုပ်ငန်း (၄၅)ခု၊ ငါးပုစွန်မွေးမြူရေးလုပ်ငန်း (၅၄)ခုနှင့် အပင်စိုက်ပျိုးခြင်းနှင့် မွေးမြူရေးလုပ်ငန်း ပေါင်းစပ်ခြင်းအပါအဝင် နည်းပညာမြင့် စိုက်ပျိုးထုတ်လုပ်မှုပုံစံ (၂၈၅)ခုကို ပိုင်ဆိုင်ထားသည်။

ယနေ့အထိ မြို့တော်မြေယာ၏ (၅၈.၉%)သည် ကျေးလက်ဒေသနှင့်စိမ်းလန်းစိုပြေသော ထုတ်လုပ်မှုဇုန်များနှင့် ချိတ်ဆက်ထားသောစိုက်ပျိုးရေးနယ်မြေများဖြစ်သည်။ဟန်နွိုင်း၏ အဓိကအစီအစဉ်များကို အကောင်အထည်ဖော်ရာ၌ ဂေဟစနစ်စိုက်ပျိုး ရေးတွင် ရင်းနှီးမြှုပ်နှံမှု၊ ဖွံ့ဖြိုးတိုးတက်ရေးနှင့် မြို့ပြစိုက်ပျိုးရေးမှအရင်းအမြစ်များ အများဆုံး ရရှိရေးတို့ကို အဓိကထား ဖော်ထုတ်ခဲ့သည်။ဗီယက်နမ် အမျိုးသားစိုက်ပျိုးရေးတက္ကသိုလ် အကယ်ဒမီ ကောင်စီ ဥက္ကဋ္ဌဒေါက်တာ Trần Đức Viên က ဟန်နွိုင်း၏ စိုက်ပျိုးရေးကဏ္ဍသည်လမ်းကြောင်းမှန်ပေါ်တွင် ရှိနေသည်ဟု ယုံကြည်ကြောင်း ပြောကြားခဲ့ပါသည်။ပြည်တွင်းစိုက်ပျိုးရေးသည် မြို့၏ လူ့စွမ်းအားအရင်းအမြစ်၊ ဉာဏစွမ်းအားနှင့်၎င်း၏ စီးပွားရေး ဗဟိုချက်အဖြစ် အသုံးချသင့်သည်ဟု ၎င်းက ဆိုပါသည်။စိုက်ပျိုးစီးပွားရေးစနစ်သည် ထုတ်လုပ်မှုအတွက်သာမက ထုတ်လုပ်မှုပုံစံများ၏ထိရောက် မှုလည်းဖြစ်ကြောင်း Viên မှ ပြောကြားခဲ့ပြီး ဟန်နွိုင်းသည်အရည်အသွေးမြင့်ကုန်ကြမ်းများနှင့် သွင်းအားစုများ ပံ့ပိုးပေးသည့်အပြင်အခြားသောမြို့များနှင့် ပြည်နယ်များအတွက် ဉာဏစွမ်းအား များပံ့ပိုးပေးမည်ဖြစ်ကြောင်းကို Viên မှ ပြောကြားခဲ့ကြောင်း (၂၅.၇.၂၀၂၄)ရက်နေ့တွင်ထုတ်ပြန် ခဲ့သော Viet Nam News website ၏ သတင်းအရသိရှိရပါသည်။

Source       https://vietnamnews.vn/society/1659846/ha-noi-aims-towards-eco-urban-agriculture.html

တင်ပြသူ     ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ         ၂၀၂၄ ခုနှစ်၊ ဇူလိုင်လ (၃၁) ရက်

စစ်ဆေးသူ  ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန