တင်သွင်းလာသည့် သစ်‌တော်သီးထက် ဈေးသက်သာသည့်ပြည်တွင်းသစ်တော်သီးသည် အရောင်းအဝယ် ပိုမိုကောင်းမွန်လျက်ရှိပါသည်။ ထိုင်းနိုင်ငံမှသစ်တော်သီးနှင့် တရုတ်သစ်တော်သီး များကို ဈေးကွက်တွင်ရရှိနိုင်သော်လည်းပြည်တွင်းမှထွက်ရှိသော အောင်ပန်းသစ်တော်သီးသည် ဝယ်လိုအား မြင့်မားလျက်ရှိပါသည်။ ၎င်းတို့အနက် အောင်ပန်းမှ ထွက်ရှိသော မြန်မာ့သစ်တော်သီးသည် စားသုံးမှုပိုမိုမြင့်မား ပါသည်။ မြန်မာနိုင်ငံမှထွက်ရှိသော  သစ်သီးဝလံ အမျိုးအစားအားလုံးသည်စျေးနှုန်းသက်သာပြီး အရောင်းအဝယ်လည်း ပိုမိုကောင်းမွန်ပါသည်။မြန်မာ့သစ်တော်သီးကို ယခုလတွင်သာ ခူးဆွတ်နိုင်ပြီး နောက်လများတွင် ကာလကြာရှည်စွာ မရရှိနိုင်တော့ကြောင်း အောင်ပန်းမြို့မှ ပြည့်စုံအောင် သစ်သီးရောင်းဝယ်ရေးပိုင်ရှင် တစ်ဦးက ပြောပါသည်။

ဇူလိုင်လအတွင်း နောင်တရားမှထွက်ရှိသော သစ်တော်သီးများကို အောင်ပန်းလက်ကား ရောင်းဝယ်ရေးစခန်းနှင့် ရန်ကုန်သီရိမင်္ဂလာဈေးသို့ ပို့ဆောင်ခဲ့ပါသည်။ သစ်တော်သီးများကို စားသုံးသူများ၏ နှစ်သက်မှုအရ အသီး၏ အရွယ်အစားနှင့်ဈေးနှုန်းပေါ်မူတည်၍ အမျိုးအစား ခွဲခြားထားပါသည်။ ရာသီဥတု ဖောက်ပြန်မှုကြောင့်နောင်တရားမှ ထွက်ရှိသော သစ်တော်သီး အထွက်နှုန်းမှာ (၂၀၂၃)ခုနှစ်နှင့် နှိုင်းယှဉ်ပါကယခုနှစ်တွင် ကျဆင်းခဲ့ပါသည်။ သစ်တော်သီး၊ ထောပတ်သီး၊ လိမ္မော်သီးနှင့်ဆန်းကစ်သီးတို့ကို နောင်တရားရှိ ဥယျာဉ်ခြံများတွင် စီးပွားဖြစ် စိုက်ပျိုးလျက်ရှိပါကြောင်း(၂၄. ၇.၂၀၂၄)ရက်နေ့တွင် ထုတ်ဝေခဲ့သော Global New Light of Myanmarကွန်ရက်ဆောင်းပါး အရသိရှိရပါသည်။

Source https://www.gnlm.com.mm/cheap-local-pear-sells-better-than-imported-pear/

တင်ပြသူ        ဒေါ်မြတ်ဖူးငုံဦး၊ စိုက်ပျိုးရေးဦးစီးဌာန

ရက်စွဲ            ၂၀၂၄ခုနှစ်၊ ဇွန်လ (၃၁) ရက်

စစ်ဆေးသူ     ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန