တရုတ်ဝန်ကြီးချုပ်ဖြစ်သူ Li Qiang ၏ မလေးရှားနိုင်ငံသို့ လေ့လာလည်ပတ်သည့် ခရီးစဉ် အပြီးတွင် တရုတ်နိုင်ငံသည် မလေးရှားနိုင်ငံမှ လတ်ဆတ်သော ဒူးရင်းသီးများ တင်သွင်းခွင့်အတွက် တရားဝင်ခွင့်ပြုခဲ့ပါသည်။ ၎င်းသည် မလေးရှားနိုင်ငံ၊ ဒူရင်းသီးလုပ်ငန်းအတွက် တောင့်တင်းခိုင်မာ သော တရုတ်ဈေးကွက်သို့ ဝင်ရောက်ရာတွင် သိသာထင်ရှားသော ဖွံ့ဖြိုးတိုးတက်မှုတစ်ခုအဖြစ် သတ်မှတ်နိုင်ခဲ့ပါသည်။စိတ်အားထက်သန်သော်လည်း မလေးရှားတင်ပို့သူများကြားတွင်ထောက်ပံ့ပို့ဆောင်ရေး အခက်အခဲများနှင့် ဈေးနှုန်းသက်သာသော ထိုင်းနှင့် ဗီယက်နမ်နိုင်ငံမှ ဒူးရင်းသီး ယှဉ်ပြိုင်မှုတို့နှင့် စပ်လျဉ်းသည့် စိုးရမ်ပူပန်စရာကိစ္စရပ်များ ဆက်လက်တည်ရှိနေပါသည်။ တရုတ်နိုင်ငံတွင် ဒူးရင်း သီးများ အထူးသဖြင့် အရည်အသွေးမြင့် Musang King မျိုးများဖြစ်သည့် ဒူးရင်းသီးများ ဝယ်လိုအား မြင့်တက်လျက်ရှိပါသည်။ အစဉ်အလာအားဖြင့် တရုတ်နိုင်ငံသည် ထိုင်းနိုင်ငံပြီးလျှင် ကမ္ဘာ့ ဒုတိယ အကြီးဆုံးဒူးရင်းသီး တင်ပို့သည့်နိုင်ငံဖြစ်သည့် မလေးရှားနိုင်ငံမှ အေးခဲထားသော ဒူးရင်းသီး များ နှင့် ဒူးရင်းသီးအခြေခံထွက်ကုန်များကို တင်သွင်းလျက်ရှိပါသည်။ ၂၀၂၃ ခုနှစ်တွင် တရုတ်နိုင်ငံမှ ဒူးရင်းသီး ဝယ်လိုအားသည် တန်ဖိုးအားဖြင့် RM (၁.၁၉ ) ဘီလီယံအထိ ရောက်ရှိခဲ့ပြီး အဆိုပါ ဝယ်လိုအားမြင့်တက်လာမှုအား ဖြည့်ဆည်းပေးရန် ရည်ရွယ်ချက်ဖြင့် မလေးရှားနိုင်ငံတွင် ဒူးရင်းသီး စိုက်ဧကများ တိုးချဲ့စိုက်ပျိုးခဲ့ပါသည်။ကွာလာလမ်ပူမြို့တွင် လတ်ဆတ်သော ဒူးရင်းသီးများ တင်ပို့ရန် ကြိုတင်ပြင်ဆင်လျက်ရှိသော်လည်း ရှေ့တွင် ရင်ဆိုင်ကြုံတွေ့ရနိုင်သည့် ယှဉ်ပြိုင်စိန်ခေါ်မှုများ ကို သတိပြုရမည့်အချက်များရှိကြောင်း (၂၇-၆-၂၀၂၄)ရက်နေ့တွင်ထုတ်ပြန်ခဲ့သော https://www. freshplaza.com ၏သတင်းအချက်အလက်များအရ သိရှိရပါသည်။

Source     https://www.freshplaza.com/asia/article/9638918/malaysian-fresh-durian-exporters-will-have-their-work-cut-out-for-them-in-china/

တင်ပြသူ     ဒေါ်နွေးနွေးအောင်၊ စိုက်ပျိုးရေးဦးစီးဌာန

ရက်စွဲ     ၂၀၂၄ ခုနှစ်၊ ဇွန်လ (၂၇) ရက်

စစ်ဆေးသူ     ဦးသောင်းထိန်၊လက်ထောက်ညွှန်ကြားရေးမှူး၊စိုက်ပျိုးရေးဦးစီးဌာန

တည်းဖြတ်သူ     ဒေါ်ဌေးဌေးရီ၊ ဒု-ညွှန်ကြားရေးမှူး၊ စိုက်ပျိုးရေးဦးစီးဌာန