သစ်သီးဝလံဈေးကွက်တွင် ကြက်မောက်သီး ဝယ်လိုအားများလျက်ရှိပြီးစားသုံးသူအများ အပြားရှိကြောင်းသိရှိရပါသည်။

ထိုင်းနိုင်ငံမှ တင်သွင်းလာသော ကြက်မောက်သီးများသည်ပြည်တွင်းကြက်မောက်သီးများထက် သီးလုံးပိုကြီးပြီး အလုံးပိုလှသောကြောင့်ဈေးကွက်ပိုမိုရရှိလာခြင်းဖြစ်ပါသည်။ထိုင်းကြက်မောက်သီးများသည် သီးလုံးပိုကြီးပြီး အလုံးပိုလှသည့်အတွက်လူကြိုက်များကြ ကြောင်း၊ မြန်မာကြက်မောက်သီးနှင့် ထိုင်းကြက်မောက်သီးဈေးနှုန်းမှာကွာခြားကြောင်း၊ ဈေးနှုန်း တတ်နိုင်သည့်သူများသာ ထိုင်းကြက်မောက်သီးကိုဝယ်ယူမှုပိုများကြောင်း၊ ကြက်မောက်သီးကို လက်ဆောင်ပေးခြင်းထက်ကိုယ်တိုင်စားသုံးမှုပိုများကြောင်း၊ ထိုင်းကြက်မောက်ကို ချင်းမိုင်တွင် စိုက်ပျိုးကြပြီးမြန်မာကြက်မောက်ကို မော်လမြိုင်တွင် အဓိကစိုက်ပျိုးကြကြောင်း လမ်းမတော် မြို့နယ်သံဈေးရှိသစ်သီးဝလံလက်လီလက်ကားရောင်းဝယ်ရေးပိုင်ရှင်မခိုင်မိုးသက်ကပြောပါသည်။

ယေဘုယျအားဖြင့် ကြက်မောက်သီး၏အသားပြည့်ဝမှုနှင့်အရည်ရွှမ်းမှုအပေါ်မူတည်၍ မျိုးကွဲနှစ်မျိုးရှိပြီး မြန်မာနိုင်ငံတွင်အဓိကစိုက်ပျိုးသည့် မူလမျိုးစိတ်များမှာ ကန်ကလေး (၁) နှင့် ကန်ကလေး (၂)ဖြစ်ပါသည်။ ကြက်မောက်သီးများကို တနင်္သာရီတိုင်းဒေသကြီး၊ မွန်ပြည်နယ်နှင့်ကရင်ပြည်နယ်တို့တွင် အဓိကစိုက်ပျိုးကြပါသည်။ကြက်မောက်ပင်တစ်ပင်သည် အသီးပေါင်း (၁,၀၀၀) ခန့်သီးနိုင်ပြီး နှစ် (၅၀) နီးပါးသက်တမ်းရှိကာ တစ်နှစ်ထက်တစ်နှစ် အထွက်နှုန်းများလေ့ရှိပါသည်။ကြက်မောက်ပင်သည်ပုံမှန် အားဖြင့် မေလနှင့်ဇွန်လတွင် အသီးသီးလေ့ရှိကြကြောင်း (၂၇.၆.၂၀၂၄)ရက်နေ့တွင် ထုတ်ဝေခဲ့ သော   The Global New Light of Myanmar ကွန်ရက်ဆောင်းပါးအရသိရှိရပါသည်။

Source https://www.gnlm.com.mm/rambutan-in-high-demand-in-fruits-market/#article-title

တင်ပြသူ     ဒေါ်မြတ်ဖူးငုံဦး၊ စိုက်ပျိုးရေးဦးစီးဌာန

ရက်စွဲ     ၂၀၂၄ ခုနှစ်၊ ဇူလိုင်လ (၁) ရက်

စစ်ဆေးသူ     ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန

တည်းဖြတ်သူ     ဒေါ်ဌေးဌေးရီ၊ ဒု-ညွှန်ကြားရေးမှူး၊ စိုက်ပျိုးရေးဦးစီးဌာန