ယခုနှစ် ချင်းဈေးကွက် မြင့်တက်လာပြီး ချင်းစိုက်တောင်သူများ ၏ဝင်ငွေလည်းကောင်းမွန် လျက်ရှိပါသည်။ယခုနှစ်တွင် ချင်းရောင်းဝယ်မှုသည်ပြည်တွင်းဈေးကွက်ကို သာအဓိကထား၍ ရောင်းဝယ်နေကြပြီးယခုအချိန်သည်တူးဖော်ချိန်ဖြစ်ပြီး ၎င်းချင်းများကို ဈေးကွက်တွင် ရောင်းချသည့်အချိန်ဖြစ်ပါသည်။ “ယခုနှစ် ပေါက်ဈေးနှုန်းသည် ယခင်နှစ်တွေထက် အများကြီး ပိုကောင်း၍လယ်သမားများ အတွက် ပိုမိုအကျိုးအမြတ်ရရှိကြောင်း၊ ပြည်တွင်းတွင် ချင်းစားသုံးမှုမြင့်တက် နေဆဲဖြစ်ကြောင်း၊ ယခုအချိန် သည် တောင်သူ များတူးဖော်ထားသောချင်းများကို ရောင်းချပြီး စိုက်ပျိုးရာသီသစ် စတင်ချိန်လည်းဖြစ်ကြောင်း၊ ယခုနှစ်တွင်လည်း အရောင်းအဝယ်ကောင်းမွန်လျက်ရှိပါကြောင်း၊ ယခင်နှစ်ကပြည်ပသို့ တင်ပို့ခဲ့သော်လည်း ယခုနှစ်တွင် သယ်ယူပို့ဆောင်ရေး အခက်အခဲများ ကြောင့်ပြည်ပဈေးကွက် သို့ တင်ပို့နိုင်ခြင်း မရှိသေးပါကြောင်း၊ ယခုနှစ်တွင် ရန်ကုန်၊ မန္တလေးနှင့်မော်လမြိုင်ကိုသာ တင်ပို့ပေးနိုင်ပါကြောင်း” ရှမ်းပြည်နယ် မြောက်ပိုင်း နောင်တယားမြို့နယ်မှ ချင်းကုန်သည်တစ်ဦးမှပြောကြားခဲ့ပါသည်။ယခုနှစ်တွင် စိုက်ခင်းများ နည်းပါးလာပြီး စိုက်ပျိုးရာသီသစ်တွင် စိုက်ခင်းဟောင်းအချို့ ပျက်စီးသွားသည့်အတွက် ချင်းများ ရှားပါးလာခြင်းဖြစ်သည်။

ချင်းစိုက်တောင်သူများသည် (၂၀၂၂) ခုနှစ် နွေရာသီတွင် အရှုံးပေါ်ခဲ့သော်လည်း(၂၀၂၃) ခုနှစ်အစောပိုင်းကာလတွင် ဈေးနှုန်းပြန်လည်ကောင်းမွန်လာပြီးချင်းစိုက်တောင်သူဦးရေလည်း ပြန်လည်မြင့်တက်လာခဲ့ပါသည်၊၊ယခင်နှစ်ကချင်းကိုပြည်ပနိုင်ငံများသို့ပါ တင်ပို့ခဲ့ပါသည်။ (၂၀၂၀-၂၁) ခုနှစ်တွင် ချင်းထွက်ရှိမှုတန်ချိန် (၈၂၀၀၀) ကျော်ရှိခဲ့ပြီး နောင်တယား မှ ထွက်ရှိသော ချင်းသည် အရည်အသွေးပြည့်မီပါကြောင်း (၂၈.၆.၂၀၂၄) ရက်နေ့တွင်ထုတ်ပြန်ခဲ့သော Global New Light ofMyanmar သတင်းဆောင်းပါးအရ သိရှိရပါသည်၊၊

Source https://www.gnlm.com.mm/28-june-2024/#article-title

တင်ပြသူ     ဒေါ်ဥမ္မာထွန်း၊ စိုက်ပျိုးရေးဦးစီးဌာန

ရက်စွဲ     ၂၀၂၄ခုနှစ်၊ ဇူလှိုင်လ (၃)ရက်

စစ်ဆေးသူ     ဒေါ်ဟန်နွယ်စိုး၊ ဦးစီးအရာရှိ၊စိုက်ပျိုးရေးဦးစီးဌာန

တည်းဖြတ်သူ     ဒေါ်ဌေးဌေးရီ၊ ဒု- ညွှန်ကြားရေးမှူး၊ စိုက်ပျိုးရေးဦးစီးဌာန