ပို့ကုန်များတင်ပို့မှုပမာဏသည် လျော့နည်းခဲ့သည့် သွင်းကုန်တင်သွင်းမှု ပမာဏကိုမျှ ကာမိစေခြင်းမရှိဘဲ ကျဆင်းလျက်ရှိသောကြောင့် ယခုနှစ်ပထမ (၃) လပတ်၌ လယ်ယာထွက် ကုန်စည်များ၏ ကုန်သွယ်မှုလိုငွေမှာ အမေရိကန်ဒေါ်လာ (၂.၆၂) ဘီလီယံရှိကြောင်း ဖိလစ်ပိုင် စာရင်းအင်းအာဏာပိုင်အဖွဲ့(PSA)၏ သတင်းထုတ်ပြန်ချက်အရ သိရှိ ရပါသည်။

ယခင်နှစ်အလားတူကာလ၏ ကွာဟချက်သည် အမေရိကန်ဒေါ်လာ (၃.၀၁) ဘီလီယံ ဖြစ်သဖြင့် ယခုနှစ်ကွာဟချက်သည် အမေရိကန်ဒေါ်လာ (၂.၆၂)ဘီလီယံဖြစ်သောကြောင့် ကာလတူ နှိုင်းယှဉ်ပါက ကွာဟချက်သည် (၆.၅%) လျော့နည်းသွားသည်ကို ကိုယ်စားပြုကြောင်း သောကြာ နေ့တွင် ဖိလစ်ပိုင်စာရင်းအင်း အာဏာပိုင်အဖွဲ့ (PSA)က ပြောကြားခဲ့ပါသည်။

နိုင်ငံ၏ လယ်ယာထွက်ကုန်စည် ကုန်သွယ်မှုအခြေအနေသည် ယခင်နှစ်ကာလတူနှင့် နှိုင်းယှဉ်ပါက ယခုဘဏ္ဍာနှစ်၏ ပထမသုံးလပတ်၌ပင် (၂.၆%)မြင့်တက်လာပြီး အမေရိကန်ဒေါ်လာ (၆.၀၇) ဘီလီယံ ပိုမိုရရှိလာကြောင်း၊ ၎င်းဖြစ်ရပ်သည် ယခင်ကာလများ၌ နှစ်စဉ် (၀.၈%) ကျဆင်းခြင်း နှင့် အစောပိုင်းနှစ်တစ်နှစ်၌ (၈.၄%)ကျဆင်းခြင်းစသည့် ဖြစ်စဉ်များမှ ကွဲပြားကာ ပြန်လည်မြင့်တက်လာခြင်း ဖြစ်ကြောင်း၊ လယ်ယာထွက်ကုန်စည်တင်ပို့မှုတန်ဖိုးသည် အမေရိကန် ဒေါ်လာ (၁.၇၂) ဘီလီယံအထိ မြင့်တက် လာသဖြင့် အစောပိုင်းနှစ်၏ တင်ပို့မှုတန်ဖိုးဖြစ်သည့် အမေရိကန်ဒေါ်လာ (၁.၅၆) ဘီလီယံထက် (၁၀.၇%) တိုးတက်လာခဲ့ကြောင်း၊ ယင်းကာလအတွင်း နိုင်ငံ၏ ကုန်သွယ်မှုစုစုပေါင်း၏ (၂၈.၄%) ခန့် တင်ပို့နိုင်ခဲ့ကြောင်း၊ တဆက်တည်းဆိုရသော် ယခုနှစ်၏ လယ်ယာထွက်ကုန်စည် တင်သွင်းမှု တန်ဖိုးသည် အမေရိကန်ဒေါ်လာ (၄.၃၄) ဘီလီယံဖြစ်သဖြင့် ယခင်နှစ်တင်သွင်းမှု တန်ဖိုးဖြစ်သည့် အမေရိကန် ဒေါ်လာ (၄.၃၆) ဘီလီယံမှ (၀.၃%) ကျဆင်းသွားကြောင်း သိရှိရပါသည်။

စားသုံးနိုင်သော သစ်သီးဝလံများ၊ အခွံမာသီးများ၊ ရှောက်ခွံများ နှင့် ဖရဲသီးများကို အမေရိကန် ဒေါ်လာ (၅၁၇.၉၆)သန်း တင်ပို့နိုင်ခဲ့သဖြင့် ယခုနှစ်၏ ပထမသုံးလတာကာလအတွင်း စိုက်ပျိုးရေး ကုန်စည်တင်ပို့မှု၏ အကြီးမားဆုံးဈေးကွက်ဝေစုဖြစ်ခဲ့ကြောင်း နှင့် ယခင်နှစ်တင်ပို့မှု တန်ဖိုး ဖြစ်သည့် အမေရိကန်ဒေါ်လာ (၄၃၉.၉၇)သန်းထက် (၁၀.၃%) ပိုမို တိုးမြင့်လာခဲ့ကြောင်း၊ ဟင်းသီးဟင်းရွက်များ၊ သစ်သီးများ၊ အခွံမာသီးများ သို့မဟုတ် အပင်များ၏ အခြား အစိတ် အပိုင်းများ တင်ပို့မှု တန်ဖိုးသည် အမေရိကန်ဒေါ်လာ (၁၈၃.၅၉)သန်းဖြစ်၍ ယခင်နှစ်က မှတ်တမ်း တင်ထားသည့် တင်ပို့မှုတန်းဖိုး ဖြစ်သည့် အမေရိကန်ဒေါ်လာ (၁၈၅.၁၈)သန်းထက် (၀.၈၅%) ကျဆင်းသွားကြောင်း သိရှိရပါသည်။

လယ်ယာထွက် တင်သွင်းကုန်များဖြစ်သည့် ကောက်ပဲသီးနှံများ တင်သွင်းမှုတန်ဖိုးသည် အမေရိကန် ဒေါ်လာ (၁.၁၇)ဘီလီယံဖြစ်သဖြင့် နိုင်ငံ၏ စုစုပေါင်းကုန်သွယ်မှု၏ (၂၇%)ရှိသည့် အပြင် ယခင်နှစ် တင်သွင်းမှုတန်ဖိုးဖြစ်သည့် အမေရိကန်ဒေါ်လာ (၉၁၆.၉)သန်းထက် (၂၇.၈%) တိုးမြင့်လာကြောင်း၊ အရှေ့တောင်အာရှနိုင်ငံများအသင်း အဖွဲ့ဝင်နိုင်ငံများအနက် ဖိလစ်ပိုင်နိုင်ငံ၏ လယ်ယာထွက် ကုန်စည်တင်ပို့မှုကို အမေရိကန်ဒေါ်လာ (၇၅.၇၂)သန်း တန်ဖိုး ဝယ်ယူသည့် မလေးရှားနိုင်ငံသည် ထိပ်တန်း ဝယ်ယူသူဖြစ်ကြောင်း၊ တဆက်တည်း၌ပင် အမေရိကန်ဒေါ်လာ (၃၁၇.၃၂)သန်းတန်ဖိုး ဝယ်ယူအားပေးသည့် နယ်သာလန်နိုင်ငံသည် ဥရောပသမဂ္ဂအဖွဲ့ဝင်နိုင်ငံ များအနက် ဖိလစ်ပိုင် နိုင်ငံ၏ ထိပ်တန်းဝယ်လက်ဖြစ်ကြောင်း သိရှိရပါသည်။

Rizal Commercial Banking Corp. မှ ဘောဂဗေဒပညာရှင် Michael Ricafort က လယ်ယာ ပို့ကုန်များ တိုးလာခြင်းသည် (၂၀၂၃)ခုနှစ်နှောင်းပိုင်း၏ ပိုမိုကောင်းမွန်သော ရာသီဥတု အခြေ အနေကြောင့်ဖြစ်ကြောင်း၊ လယ်ယာသွင်းကုန်လိုအပ်ချက်များသည်လည်း တစ်နှစ်ထက် တစ်နှစ် လျော့နည်း သွားမည်ဖြစ်ကြောင်း၊ သို့သော်လည်း အယ်လ်နီညိုနှင့် လာနီနာတို့၏ အန္တရာယ်သည် (၂၀၂၄)ခုနှစ် ဒုတိယသုံးလပတ်အထိ ဆက်လက်တည်ရှိနေမည်ဖြစ်ပြီး ပြည်တွင်း စိုက်ပျိုးထုတ်လုပ် မှုကို လျော့နည်းစေနိုင်ကြောင်း ပြောကြားခဲ့ကြောင်းကို (၁၈. ၅. ၂၀၂၄) ရက်နေ့တွင် ထုတ်ပြန်သည့် www.manilatimes.net သတင်းအရ သိရှိရပါသည်။

Source https://www.manilatimes.net/2024/05/18/business/top-business/agri-trade-deficit-narrows-in-q1/1947235

တင်ပြသူ ဒေါ်နှင်းရီဝင်း၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ မေလ (၂၂) ရက်

စစ်ဆေးသူ ဦးသောင်းထိန်၊ လ/ထညွှန်ကြားရေးမှူး၊ စိုက်ပျိုးရေးဦးစီးဌာန

တည်းဖြတ်သူ ဒေါ်ဌေးဌေးရီ၊ ဒု-ညွှန်ကြားရေးမှူး၊ စိုက်ပျိုးရေးဦးစီးဌာန