စိုက်ပျိုးရေးနှင့် ကျေးလက်ဒေသဖွံဖြိုးရေး ဝန်ကြီးဌာန၏ ခန့်မှန်းချက်အရ ဗီယက်နမ်၏ ဟင်းသီးဟင်းရွက်နှင့် သစ်သီးဝလံ တင်ပို့မှုသည် ဧပြီလကုန်တွင် အမေရိကန်ဒေါ်လာ သန်း ၅၂၀ ခန့်ရှိပြီး ယခုနှစ် ပထမလေးလပတ်အတွက် စုစုပေါင်း အမေရိကန်ဒေါ်လာ ၁.၈ ဘီလီယံအထိ ရှိခဲ့ပါသည်။၎င်းသည် ယခင်နှစ် အလားတူကာလနှင့် နှိုင်းယှဉ်ပါက ၃၂ ရာခိုင်နှုန်းကျော် တိုးတက် လာခဲ့ပါသည်။အဆိုပါလုပ်ငန်းသည် ယခုနှစ် အတွင်း ပို့ကုန်စံချိန်သစ်တင်ရန် မျှော်မှန်းထားပြီး ကနဦးလများတွင် ပို့ကုန်သည် အမေရိကန် ဒေါ်လာ ၁ ဘီလီယံကျော် ရှိခဲ့ပါသည်။VINAFRUIT သည် ၂၀၂၄ ခုနှစ်တွင် ကောင်းမွန်သော ပို့ကုန်အခြေအနေများကို ခန့်မှန်းပိုင်ဆိုင် ထားပြီး အထူးသဖြင့် လယ်ယာထွက်ကုန် ၁၄ မျိုးကို ဗီယက်နမ်မှ တရုတ်ဈေးကွက်သို့ တင်ပို့ရန် ဦးတည်နေပါသည်။ အထူးသဖြင့် တရုတ်နိုင်ငံအပါအဝင် ကမ္ဘာ့ဈေးကွက်များတွင် တင်းကျပ်သော အရည်အသွေးစံနှုန်း များကို ချမှတ်ထားသောကြောင့် လုပ်ငန်းရှင်များသည် ယှဉ်ပြိုင်နိုင်စွမ်းရှိရန် ထုတ်ကုန်အရည် အသွေးကို မြှင့်တင်ရန်လိုအပ်ကြောင်း အလေးပေးဖော်ပြခဲ့ပါသည်။VINAFRUIT ကုမ္မဏီ၏ Mr. Dang Phuc Nguyen မှ ဈေးကွက်အောင်မြင်မှုအတွက် အရည်အသွေး၏ အရေးကြီးပုံကို မီးမောင်းထိုးပြခဲ့ပါသည်။ အဆိုပါလုပ်ငန်း၏ လက်ရှိစိန်ခေါ်မှုမှာ ၈၀% ရာခိုင်နှုန်းအထက်ရှိသည့်လတ်ဆတ်သောပုံစံဖြင့် တင်ပို့မှု၏ ရာခိုင်နှုန်းမြင့်မားနေခြင်းဖြစ် သည်။ တန်ဖိုးမြှင့်ထုတ်ကုန်ပြုလုပ်ခြင်းနှင့် ထုတ်ကုန်များပြားစွာထုတ်လုပ်ခြင်းတွင် ရင်းနှီးမြှုပ် နှံခြင်းဖြင့် တန်ဖိုးမြှင့်ကြရန် တိုက်တွန်းထားသည်။Mr. Ngo Xuan Nam နှင့် Mr. Le Thanh Hoa တို့သည် ဗီယက်နမ်လယ်ယာထွက်ကုန်များအတွက် ထူးခြားသောလက္ခဏာတစ်ရပ်ကို ဖော်ထုတ် ရန် နှင့် ဈေးကွက်ဒဏ်ခတ်မှု့များကို ရှောင်ရှားရန် အစားအစာဘေးကင်းရေးနှင့် ကျန်းမာရေးဆိုင်ရာ စည်းမျဉ်းများကို တင်းကျပ်စွာလိုက်နာရန် လိုအပ် ကြောင်း အလေးပေးပြောကြားခဲ့ပါသည်။ ၂၀၂၄ ခုနှစ် မတ်လတွင် အဆိုပါလုပ်ငန်းတွင် အပြုသဘောဆောင်သော လမ်းကြောင်းများကို ညွှန်ပြနေပြီး ပို့ကုန်များသိသိသာသာတိုးတက်နေမှု့ကိုမြင်ခဲ့ရပါကြောင်း(၃-၅-၂၀၂၄)ရက် နေ့ထုတ် freshplaza သတင်းအရသိရှိရပါသည်။

Source https://www.freshplaza.com/asia/article/9623283/agri-businesses-emphasize-enhancing-product-quality-to-maintain-competitive-edge/

တင်ပြသူ ဒေါ်အေးအေးခိုင်၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ ဧပြီလ (၈) ရက်

စစ်ဆေးသူ ဒေါ်ဟန်နွယ်စိုး၊ ဦးစီးအရာရှိ၊ စိုက်ပျိုးရေးဦးစီးဌာန

တည်းဖြတ်သူ ဒေါ်ဌေးဌေးရီ၊ ဒု-ညွှန်ကြားရေးမှူး၊ စိုက်ပျိုးရေးဦးစီးဌာန