Giant Agro Processing Company Limited သည် ဘင်္ဂလားဒေ့ရှ်နိုင်ငံ၌ ကြက်သွန်နီများ ရိတ်သိမ်းပြီးနောက်ပိုင်း ဆုံးရှုံးမှုနည်းပါးစေရန် ရည်ရွယ်၍ ကြက်သွန်နီ တန်ဘိုးမြှင့်ထုတ်ကုန် ထုတ် လုပ်ခြင်းနှင့် သိုလှောင်ခြင်းစက်ရုံကို တည်ထောင်ခဲ့ပါသည်။ အဆိုပါစက်ရုံသည် Onion Impact Cluster ပရောဂျက်၏ တစ်စိတ်တစ်ပိုင်းဖြစ်ပြီး ဒတ်ခ်ျအစိုးရမှ ပံ့ပိုးပေးထားသည့် ဘင်္ဂလားဒေ့ရှ် နှင့် ဒတ်ခ်ျအဖွဲ့အစည်းများကြား ပူးပေါင်းဆောင်ရွက်ခြင်းဖြစ်ပါသည်။Giant Group ဥက္ကဌ Feroz M. Hassan မှ အသေးစိတ်ဖော်ပြထားသည့်အတိုင်း ဤ ပဏာမခြေလှမ်းသည် ဒေသတွင်း ကြက်သွန်နီ တန်ဘိုးမြှင့်ထုတ်ကုန်ထုတ်လုပ်ခြင်း နှင့် သိုလှောင်မှု စွမ်းရည် တိုးတက်ရန်အတွက် ဒတ်ခ်ျအဖွဲ့အစည်း၏ ကျွမ်းကျင်မှုကို အသုံးချကာ ပုဂ္ဂလိကကဏ္ဍ တိုးတက်မှုကိုမြှင့်တင်ရန်၊ ကြက်သွန်ကဏ္ဍတွင် ဝင်ငွေတိုးရန်နှင့် သွင်းကုန်တင်သွင်းမှုကိုလျှော့ချရန် ရည်ရွယ်ပါသည်။အဆိုပါစင်တာသည် Mymensingh၊ Bhaluka တွင်တည်ရှိပြီး စိုက်ပျိုးရေးဝန်ကြီး Abdus Shahid က ဖွင့်လှစ်ပေးခဲ့ပါသည်။ တန်ချိန် (၄၀၀)စွမ်းဆောင်ရည်ရှိသော ရှေ့ပြေးစီမံကိန်းသည် နိုင်ငံ၏ ကြက်သွန်နီလိုအပ်ချက်နှင့် ရိတ်သိမ်းချိန်လွန်ဆုံးရှုံးမှုများကို ကိုင်တွယ်ဖြေရှင်းရန် ဆန်းသစ် တီထွင်သော သိုလှောင်မှုနည်းပညာကို စမ်းသပ်ခဲ့ပြီး မှတ်တမ်းများအရ (၃၀%)နီးပါးအထိ ရောက်ရှိ ဆောင်ရွက်နိုင်ခဲ့သည်။ ဤနည်းပညာကို အောင်မြင်စွာ အကောင်အထည်ဖော်ခြင်းသည် ပုဂ္ဂလိက ရင်းနှီးမြှုပ်နှံမှုများကို အားပေးပြီး ကြက်သွန်နီ စိုက်ပျိုးထုတ်လုပ်ခြင်းမှ ဖူလုံရေးဆီသို့ ဦးတည်၍ စားသုံးသူများအတွက် ပိုမိုတည်ငြိမ်သော ထောက်ပံ့ရေးကွင်းဆက်ကို ဖန်တီးပေးနိုင်ကြောင်း (၁.၅. ၂၀၂၄)ရက်နေ့တွင် ထုတ်ပြန်ခဲ့သော Fresh Plaza website ၏ သတင်းဆောင်းပါးအရ သိရှိရပါသည်။

Source https://www.freshplaza.com/europe/article/9622459/bangladesh-inaugurates-first-onion-processing-and-storage-center/

တင်ပြသူ ဒေါ်ဟေမာန်အောင်မင်း၊ စိုက်ပျိုးရေးဦးစီးဌာန

ရက်စွဲ ၂၀၂၄ ခုနှစ်၊ မေလ(၈) ရက်

စစ်ဆေးသူ ဦးသောင်းထိန်၊ လက်ထောက်ညွှန်ကြားရေးမှူး၊ စိုက်ပျိုးရေးဦးစီးဌာန

တည်းဖြတ်သူ ဒေါ်ဌေးဌေးရီ၊ ဒု-ညွှန်ကြားရေးမှူး၊ စိုက်ပျိုးရေးဦးစီးဌာန