မျိုးစေ့ထုတ်လုပ်ခြင်း
ချဉ်ပေါင်လျှော်မျိုးစေ့ထုတ်လုပ်ခြင်းကို မေလမှ ဇွန်လလယ်အထိ မိုးစိုက် စိုက်ပျိုးခြင်းနှင့်အောက်တိုဘာလမှဒီဇင်ဘာလအထိဆောင်းစိုက်ပျိုးခြင်းဖြင့်နှစ်ရာသီစိုက်ပျိုးနိုင်ပါသည်။ဆောင်းရာသီတွင်ပိုမိုသင့်လျော်ပါသည်။
ချဉ်ပေါင်လျှော် မျိုးစေ့ ထုတ်လုပ်ခြင်း နည်းလမ်း(၂)မျိုး
(၁) သမရိုးကျစိုက်ပျိုးနည်းဖြင့် မျိုးစေ့ထုတ်လုပ်ခြင်း (Conventional Method)
လျှော်မျှင်ထုတ်လုပ်ရန် စိုက်ခင်း၏ ထောင့်စွန်း (သို့မဟုတ်) သင့်တော်သောနေရာတွင်အနည်းငယ်ချန်ထားခြင်း
သမရိုးကျမျိုးစေ့ထုတ်ယူရန် အချိန်(၁၀)လ (မတ်-ဒီဇင်ဘာ)ထိ ကြာနိုင် သည်။
အချိန်ကာလကြာရှည်ခြင်းကြောင့်အပင်အားလေပြင်းတိုက်ခိုက်ခြင်း၊မိုးသည်းထန်စွာရွာသွန်းခြင်း၊ရေကြီးခြင်း၊ပိုးမွှားရောဂါကျရောက်ခြင်းတို့ကြောင့်အပင်အားနည်းလာပြီးမျိုးစေ့အရည်အသွေးကျဆင်းနိုင်သည်။
မျိုးစေ့ထုတ်ရန် အသီးကိုင်းဖြတ်ပြီး ၊ ကျန်အပိုင်းမှ လျှော်မျှင် ထုတ်ယူနိုင်သည်။ (လျှော်အရည်အသွေးညံ့)
(၂) မျိုးစေ့ ထုတ်လုပ်ခြင်းနည်းလမ်းသစ်များ( Improved Methods)
(က) မျိုးစေ့ကိုနောက်ကျစိုက်ပျိုးနည်း ( Late Sowing Method )
(ခ) ခေါင်ညွန့်(သို့မဟုတ်) ပင်စည်ကိုဖြတ်တောက်၍ စိုက်ပျိုးနည်း ( Top Cutting Method )
(ဂ) မျိုးစေ့များကို ပျိုးဘောင်တွင်ပျိုးထောင်၍ ရွှေ့ပြောင်းစိုက်ပျိုးနည်း ( Seeding transplanting Method)
(၂) (က) မျိုးစေ့ကိုနောက်ကျစိုက်ပျိုးနည်း ( Late Sowing Method )
ပုံမှန်လျှော်မျှင်ထုတ်လုပ်ရန် စိုက်ပျိုးချိန်ထက် (၂)လခွဲ မှ (၃)လ နောက်ကျ စိုက်ပျိုးနည်း ဖြစ်သည်။
အကောင်းဆုံးစိုက်ချိန်မှာ ဇူလိုင်လလယ် မှ စက်တင်ဘာလပထမပတ်၊
ပင်ခြား တန်းကြား ၆"x ၁၂"စိုက်ပျိုးသည်။
နိုဝင်ဘာ နှင့် ဒီဇင်ဘာတွင် ရိတ်သိမ်းသည်။
(၄)လအတွင်း မျိုးစေ့ထုတ်လုပ်နိုင်သည်။
(ခ) ခေါင်ညွန့်(သို့မဟုတ်) ပင်စည်ကို ဖြတ်တောက်၍ စိုက်ပျိုးနည်း ( Top Cutting Method )
- ခေါင်ညွန့်ခွချိန် (သို့မဟုတ်) ပန်းမပွင့်မီအချိန်တွင် အပင်ဖျားကို ၉"ဖြတ်ရမည်။
- အရွက်ကြီးများခြွေပြီး နေ့ချင်းပြီးအောင်စိုက်ရမည်။ တန်းကြား၁၂"၊ ပင်ခြား ၆" စိုက်ပျိုးပါ။
- ဇူလိုင်လလယ်မှ သြဂုတ်လလယ်အတွင်း စိုက်ရမည်။ (၄၅ဒီဂရီ) စောင်း၍ စိုက်ပျိုးရသည်။
- ၁ဧကလျှင် ဂုန်လျှော်သီးတောင့်ရှည် (၈-၁၀)တင်း၊ ဂုန်လျှော်သီးလုံးပု (၆-၈)တင်း၊ ချဉ်ပေါင်လျှော် (၉-၁၀) တင်း ထွက်ရှိနိုင်ပါသည်။
၂။(ဂ) မျိုးစေ့များကို ပျိုးဘောင်တွင် ပျိုးထောင်၍ ရွှေ့ပြောင်းစိုက်ပျိုးနည်း
(Seedling transplanting Method )
ရေမဝပ်သောသဲနုန်းမြေတွင် ပေါင်း/မြက် ကင်းစင်အောင် ပြုလုပ်ပါ။
အလျား ၁၀' × အနံ ၃' အရွယ် ပျိုးဘောင်မှာ ချဉ်ပေါင်လျှော် မျိုးစေ့များကို ညီညာအောင် ပျိုးထောင်ပါ၊ ပျိုးဘောင်တစ်ခုအတွက် နို့ဆီဗူးတစ်ဝက် လိုအပ်ပါသည်။
ဇွန်လ (၁၅) ရက်မှ ဇူလိုင်(၁၅)ရက်အတွင်း ဆောင်ရွက်ပါ။
ပျိုးသက် (၂၅-၄၀ ) ရက်အတွင်း သြဂုတ်လ (၁၅) ရက်မှ စက်တင်ဘာလကုန် အတွင်း ပြောင်းရွေ့စိုက်ပါ။
ပျိုးပင်များကို နှုတ်ပြီးပါက အရိပ်အောက်တွင် ထားပါ၊ ညနေခင်းအချိန်တွင် ပြောင်းရွှေ့စိုက်ပါ။
အရွက်(၂-၃)ရွက် ချန်လှပ်ပြီး အောက်ရွက်ခြွေ၍ နေ့ချင်းပြီး ပြန်စိုက်ပါ။
ပင်ကြားတန်းကြား ၆"x ၁၂" စိုက်ပျိုးပါ။
ပေါင်းရှင်းခြင်း၊ မြေသြဇာကျွေးခြင်းကို လိုအပ်သလို ဆောင်ရွက်ပါ။
ဤနည်းဖြင့် တစ်ဧက ဂုန်လျှော်သီးတောင့်ရှည် (၈-၁၂)တင်း၊ ဂုန်လျှော် သီးလုံးပု(၆-၈)တင်း၊ ချဉ်ပေါင်လျှော်(၉-၁၀)တင်း ထွက်နိုင်ပါသည်။
ဂုန်လျှော်/ချဉ်ပေါင်လျှော်မျိုးစေ့အထွက်ကောင်းစေရန်ဆောင်ရွက်ရမည့်အချက်များ
မျိုးကောင်းမျိုးသန့် သုံးစွဲပါ။
ထယ်ရေးနက်နက် နှင့် ညက်ညက်ရအောင် သုံးစွဲပါ။
သဘာဝမြေသြဇာ ပြုလုပ်သုံးစွဲပါ။
ဓါတ်မြေသြဇာ စနစ်တကျ အချိုးညီညီ သုံးစွဲပါ။
စိုက်ပျိုးနည်းစနစ်အလိုက် သတ်မှတ်ချိန်တွင် စိုက်ပျိုးပါ။
သတ်မှတ်ပင်ကြား၊ တန်းကြား အကွာအဝေးထား၍ စိုက်ပျိုးပါ။
ပိုးမွှားရောဂါကာကွယ်နှိမ်နှင်းပါ။
အသီးများ ၆၀-၇၀% အညိုရောင်ပြောင်းချိန်တွင် စတင်ရိတ်သိမ်းပါ။
ပင်စည် အစိမ်းရောင် မှ အဝါရောင်ပြောင်းချိန်ရိတ်သိမ်းခြင်းသည် အကောင်းဆုံး ဖြစ်သည်။
ရိတ်သိမ်းပြီးအပင်များအား တလင်း(သို့မဟုတ်) တာပေါ်လင်ပေါ်တွင် (၂-၄)ရက် နေလှန်းပါ။ လှန်းနေစဉ်အတွင်း မိုးမစိုအောင် ဂရုစိုက်ပါ။
နယ်လှေ့ပြီး မျိုးစေ့များအားခြောက်သွေ့သောနေရာတွင် လေလုံသောပုံးများ၊ အိုးများဖြင့် သိုလှောင်ထားပါ။ ကွန်ကရစ်ခင်းနှင့်တိုက်ရိုက်မထိစေရ။