မြန်မာနိုင်ငံ၏ အဓိကစားသုံးသီးနှံဖြစ်သည့် ဆန်စပါးစိုက်ပျိုးထုတ်လုပ်ရာတွင် ပြောင်းလဲလာသော ရာသီဥတုနှင့် လိုက်လျောညီထွေသည့် ခေတ်မီနည်းစနစ်များနှင့် စိုက်ပျိုးထုတ်လုပ်နိုင်ရေးအတွက် ကောက်စိုက်စက်ဖြင့် စပါးစိုက်ပျိုးနည်းဖြင့်လည်း စိုက်ပျိုးထုတ်လုပ်နိုင်ပါသည်။ ကောက်စိုက်စက်ကို လမ်းလျောက်မောင်းကောက်စိုက်စက်နှင့် ထိုင်မောင်းကောက်စိုက်စက် ဟူ၍ (၂) မျိုး တွေ့နိုင်သည်။ လုပ်ငန်းစနစ်အပေါ်မူတည်ပြီး (၂) တန်း စိုက်၊ (၄)တန်း စိုက်၊ (၆) တန်း စိုက်၊ (၈) တန်း စိုက်၊ (၁၀) တန်း စိုက် စသည်ဖြင့် အမျိုးမျိုး အသုံးပြုကြပါသည်။ လယ်ယာလုပ်သားရှားပါးခြင်း၊ ရာသီဥတုပြောင်းလဲလာခြင်းတို့တွင် အချိန်အခါမီ စိုက်ပျိုးနိုင်ရေးအတွက် ကောက်စိုက်စက်ဖြင့် စိုက်ပျိုးသည့်စနစ်ကို ကျယ်ကျယ်ပြန့်ပြန့် တိုးချဲ့ဆောင်ရွက်ကြရမည် ဖြစ်ပါသည်။

ရရှိနိုင်သည့် အကျိုးကျေးဇူးများ

မျိုးစေ့ကုန်ကျမှု သက်သာစေပါသည်။ လုပ်သားအင်အားသက်သာ၍ လုပ်ငန်းပြီးစီးမှု မြန်ဆန်စေပါသည်။ ကောက်ကွက်ပြည့်မီအောင် စိုက်ပျိုးနိုင်သဖြင့် စပါးအထွက်နှုန်း ကောင်းမွန်စေပါသည်။ ပျိုးနုတ်ခြင်းလုပ်ငန်း သက်သာစေပါသည်။ ကောက်ကွက်၊ကောက်ပင်ကျနှုန်းနှင့် ကောက်ပင်အတိမ်အနက်တို့ကို လိုအပ်သလို ချိန်ညှိစိုက်ပျိုးနိုင်ပါသည်။ သက်တမ်းနုပျိုးပင်ငယ်များကို စိုက်ပျိုးနိုင်ပါသည်။ ပေါင်းရှင်းကိရိယာအသုံးပြုပြီး ပေါင်းရှင်းနိုင်ခြင်း တမန်းနိုးခြင်းလုပ်ငန်းများ လွယ်ကူစွာ ဆောင်ရွက်နိုင်ပါသည်။

၁။ စပါးမျိုးရွေးချယ်ခြင်းနှင့်မျိုးညှောက်ဖေါက်ခြင်း

ရေမြေရာသီဥတုနှင့် ကိုက်ညီပြီး အပင်ပေါက်စွမ်းအားကောင်းသည့် အထွက်ကောင်းမျိုးသန့်စပါးမျိုးကို ရွေးချယ်စိုက်ပျိုးရပါမည်။ မျိုးစပါးအား ဆားရည်စိမ်ရန်အတွက် သန့်ရှင်းသောပလတ်စတစ်ပုံး၊ ရေပုံးတွင် ရေလုံလောက်အောင်ထည့်ပါ။ ရေတစ်ဂါလန်တွင် ဆားကြမ်း(၅၀)သား (သို့မဟုတ်) လတ်ဆတ်သော ကြက်ဥတစ်လုံးကို ရေထဲတွင်ထည့်ထားပြီး ထိုကြက်ဥရေမျက်နှာပြင်အပေါ်သို့ ပေါ်လာသည်အထိ ဆားကိုထည့်ပါ။ ရေပေါ်သို့ ပေါ်လာသောစပါးများကို ဖယ်ထုတ်၍ ကျန်ရှိသောစပါးများကို ဆယ်ယူ၍ ရေဖြင့်စင်ကြယ်အောင်ဆေးပါ။ ရရှိလာသောမျိုးစပါးကို(၂၄)နာရီ ရေစိမ်၍(၂၄)နာရီမျိုးအုပ်ပါ။ စပါးစေ့များ စာပါးစပ်ပြူလာပါက သက်ဆိုင်ရာပျိုးဗန်း၊ပျိုးပေါင်များတွင် မျိုးစေ့ချပျိုးဗန်းပြင်နိုင်ပါသည်။ တစ်ဧကအတွက်ပျမ်းမျှပျိုးဗန်း(၁၀၀)ခန့် လိုအပ်နိုင်ပြီး သန့်စင်ပြီးမျိုးစပါး(၁၀)ပြည်မှ (၁၂)ပြည်ခန့် အသုံးပြုရပါမည်။

၂။ ပျိုးဗန်းဖြင့်ပျိုးထောင်ခြင်း

ပျိုးဗန်း(၁၀၀)အတွက် ဇကာချပြီးမြေသား(၆)တင်း ဖွဲပြာ(၂)တင်းကို သမအောင်ရောစပ်ပါ။ ပျိုးဗန်းထဲသို့ သတင်းစာစက္ကူခင်းပါ။ ရောစပ်ပြီးမြေခံမှုန်များကို ပျိုးဗန်းထဲသို့ လေးပုံသုံးပုံခန့်ထည့်ပါ။အညှောက်ဖောက်ထားသော မျိုးစပါးကို ပျိုးဗန်းထဲသို့ ပျမ်းမျှနို့ဆီဗူးထက်ဝက်ကျော်ခန့်(၁၀၀-၂၀၀ ဂရမ်) ကြား နှံ့စပ်အောင်ထည့်ပါ။ ပြီးလျှင်အပေါ်မှ မြေခံမှုန်ပါးပါး အုပ်ပေးပါ၊ ပျိုးပင်(၇)ရက်သားအထိ နေ့စဉ်မနက် ၊ညရေဖြန်းခရားပုံးဖြင့် ရေရွဲရွဲလောင်းပေးပြီး (၇)ရက်သားကျော်လျှင် လယ်ကွက်ထဲသို့ရွေ့ပြီး ရေမြုပ်အောင်ထားပါ၊ နေ့စဉ်ရေသွင်းရေထုတ် ပြုလုပ်ပေးပါ။ နေ့ခင်းအပူချိန်များပါက အပေါ်မှဇကာပိုက်၊ အုန်းလက်၊သစ်ခက်တို့ဖြင့် အုပ်မိုးပါ။ ပျိုးသက်(၁၄)ရက် (နှစ်ပတ်သား)တွင် စတင်စိုက်ပျိုးနိုင်မည်ဖြစ်ပြီး ပျိုးချပ်များမာစေရန် မစိုက်ခင်ကြိုတင်၍ ပျိုးခင်းကို ရေဖြတ်ပြီး ပျိုးဗန်းများကို ကန်သင်းပေါ်တင်ထားပါ။

၃။ ပျိုးပေါင်ဖြင့် ပျိုးထောင်ခြင်း

၅။ စိုက်ခင်းမြေပြုပြင်ခြင်း နှင့်စိုက်ပျိုးခြင်း

၆။ ရိတ်သိမ်းခြင်း

စပါးနှံ၏ (၈၀‒၈၅)ရာခိုင်နှုန်း ရင့်မှည့်ချိန် (မောင်းညိုချိန်)တွင် အလေအလွင့်အနည်းဆုံးနည်းလမ်းဖြင့် ရိတ်သိမ်းပြီး ချက်ချင်းချွေလှေ့၍ အခြောက်ခံပါ။ စပါးအစိုဓါတ်သည် မျိုးအတွက် (၁၃) ရာ ခိုင် နှုန်း နှင့် စားသုံးမည့် စပါးအတွက်(၁၄)ရာခိုင်နှုန်း လိုအပ်ပါသည်။