တင်ပြသူ -  ဦးထက်ဝေထွန်း
-    မိုးလေဝသနှင့် ဇလဗေဒညွှန်ကြားမှုဦးစီးဌာန

မင်္ဂလာပါခင်ဗျာ-
အခုတစ်ပတ် တင်ပြမှာကတော့ ၂၀၂၂ ခုနှစ်၊ မတ်လအတွက် မိုးလေဝသနဲ့ဇလဗေဒ ခန့်မှန်းချက်များပဲ ဖြစ်ပါတယ်။ အဲ့ဒီခန့်မှန်းချက်များကို မတင်ပြမီ ပြီးခဲ့တဲ့ ဖေဖော်ဝါရီလအတွင်း မြန်မာနိုင်ငံအရပ်ရပ်မှာ ဖြစ်ပေါ်ခဲ့တဲ့ မိုးလေဝသနဲ့ ဇလဗေဒ အခြေအနေများကို တင်ပြလိုပါ တယ်။

ပြီးခဲ့တဲ့ ဖေဖော်ဝါရီလအတွင်း ဘင်္ဂလားပင်လယ်အော်အခြေအနေမှာ (၂၈) ရက်နေ့ မှာ တော့ ဘင်္ဂလားပင်လယ်အော်အရှေ့တောင်ပိုင်းနှင့် ယင်းနှင့်ဆက်စပ်လျက်ရှိသော ကပ္ပလီ ပင်လယ်ပြင်တောင်ပိုင်းနှင့် အီကွေတာအနီး အိန္ဒိယသမုဒ္ဒရာတို့မှာ လေဖိအားနည်းရပ်ဝန်းတစ်ခု စတင်ဖြစ်ပေါ်ခဲ့ပါတယ်။ ကပ္ပလီပင်လယ်ပြင်နဲ့ ဘင်္ဂလားပင်လယ်အော်တောင်ပိုင်းတို့မှာ တိမ် အနည်းငယ်မှ တိမ်အသင့်အတင့် ဖြစ်ထွန်းခဲ့ပြီး၊ ကျန်ဘင်္ဂလား ပင်လယ်အော်မှာ အများအားဖြင့် သာယာခဲ့ပါတယ်။

မိုးရွာသွန်းမှုအခြေအနေများမှာ ပဲခူးတိုင်းဒေသကြီး(အရှေ့ပိုင်း)၊ ရန်ကုန်တိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်(အရှေ့ပိုင်း)၊ ကယားပြည်နယ်၊ ကရင်ပြည်နယ်နဲ့ မွန် ပြည်နယ်တို့မှာ ရွာသွန်းမြဲထက်ပိုခဲ့ပြီး၊ စစ်ကိုင်းတိုင်းဒေသကြီးအထက်ပိုင်းနဲ့ ကချင်ပြည်နယ် တို့မှာ ရွာသွန်းမြဲခန့်နဲ့ နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေးတိုင်း ဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး(အနောက်ပိုင်း)၊ ဧရာဝတီတိုင်းဒေသကြီး၊ ရှမ်းပြည်နယ်(မြောက်ပိုင်းနဲ့ တောင်ပိုင်း)၊ ချင်းပြည်နယ်နဲ့ ရခိုင်ပြည်နယ်တို့မှာ ရွာသွန်းမြဲ အောက် မိုးထစ်ချုန်းရွာသွန်းခဲ့ပါတယ်။

မိုးရွာရက်များအနေနဲ့ကလည်း တနင်္သာရီတိုင်းဒေသကြီးနဲ့ ကချင်ပြည်နယ်တို့မှာ (၇) ရက် မှ (၈) ရက်၊ နေပြည်တော်၊ နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ မန္တလေးတိုင်း ဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ (၁) ရက်မှ (၄) ရက် မိုးထစ်ချုန်း ရွာသွန်းခဲ့ပြီး၊ စစ်ကိုင်းတိုင်းဒေသကြီးအောက်ပိုင်းနဲ့ မကွေးတိုင်းဒေသကြီး တို့မှာ မိုးရွာသွန်းခဲ့ခြင်း မရှိတာကိုတွေ့ရပါတယ်။

ပြီးခဲ့တဲ့ ဖေဖော်ဝါရီလအတွင်း ဖြစ်ပေါ်ခဲ့တဲ့ ညအပူချိန်များအနေနဲ့ကတော့ စစ်ကိုင်းတိုင်း ဒေသကြီးအထက်ပိုင်း၊  မန္တလေးတိုင်းဒေသကြီး၊ မကွေးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်(မြောက်ပိုင်း)၊ ချင်းပြည်နယ်၊ ရခိုင်ပြည်နယ်နဲ့ ကယား ပြည်နယ်တို့မှာ ဖေဖော်ဝါရီလရဲ့ ပုံမှန်အပူချိန်တို့အောက် လျော့နည်းခဲ့ပြီး၊ နေပြည်တော် စစ်ကိုင်း တိုင်းဒေသကြီး(အောက်ပိုင်း)၊ ပဲခူးတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(တောင်ပိုင်းနဲ့ အရှေ့ပိုင်း)၊ ကရင်ပြည်နယ်နဲ့ မွန်ပြည်နယ်တို့မှာ ဖေဖော်ဝါရီလရဲ့ ပုံမှန်အပူချိန်ခန့်သာ ရှိခဲ့ပါတယ်။

ဆက်လက်ပြီး ဖေဖော်ဝါရီလအတွင်း ဖြစ်ပေါ်ခဲ့တဲ့ မြူအခြေအနေများကို တင်ပြလိုပါ တယ်။ ပြီးခဲ့တဲ့ ဖေဖော်ဝါရီလအတွင်း ကချင်ပြည်နယ်၊ ရှမ်းပြည်နယ်(တောင်ပိုင်း)၊ ချင်း ပြည်နယ်နဲ့ မွန်ပြည်နယ်တို့မှာ (၁၈) ရက်မှ (၂၁) ရက်၊ ရန်ကုန်တိုင်းဒေသကြီး၊ ရှမ်းပြည်နယ် (မြောက်ပိုင်းနဲ့ အရှေ့ပိုင်း)၊ ရခိုင်ပြည်နယ်တို့မှာ (၁၃) ရက်မှ (၁၇) ရက်၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီနဲ့ ကရင်ပြည်နယ်တို့မှာ (၅) ရက်မှ (၁၁) ရက်နဲ့ နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီးနဲ့ ကယားပြည်နယ်တို့မှာ (၁) ရက်မှ (၃) ရက် နံနက်ပိုင်း အချိန်တွေမှာ မြူထူများဆိုင်းခဲ့ပြီး၊ မကွေးတိုင်းဒေသကြီးမှာ မြူဆိုင်းခဲ့ခြင်း မရှိတာကို တွေ့ရပါတယ်။

အနိမ့်ဆုံးအပူချိန်စံချိန်သစ်များအနေနဲ့ကတော့ (၁) ရက်နေ့မှာ သံတွဲမြို့၊ ကျောက်တော်မြို့၊ စစ်တွေမြို့၊ မှော်ဘီမြို့နဲ့ ပုသိမ်မြို့၊ (၂) ရက်နေ့မှာ ကျိုင်းတုံမြို့၊ ဟင်္သာတမြို့နဲ့ မှော်ဘီမြို့၊ (၇) ရက်နေ့မှာ ကျောက်တော်မြို့၊ (၁၀) ရက်နေ့မှာ သံတွဲမြို့နဲ့ (၁၁) ရက်နေ့မှာ ဖြူးမြို့တို့မှာ အနိမ့်ဆုံးအပူချိန်စံချိန်သစ်များ တင်ခဲ့ပါတယ်။

ပြီးခဲ့တဲ့ ဖေဖော်ဝါရီလအတွင်း မြစ်ရေအခြေအနေများမှာ ဧရာဝတီမြစ်ရေဟာ မန္တလေးမြို့ မှာ ယင်းမြို့ရဲ့ ရေနည်းသတိပေးမှတ် (၃၆၀) စင်တီမီတာအောက်သို့ (၅.၁၂.၂၀၂၁) ရက်နေ့ (၀၆:၃၀) နာရီအချိန်မှာ စတင်ရောက်ရှိခဲ့ပါတယ်။ ၂၀၂၂ ခုနှစ်၊ ဖေဖော်ဝါရီလအတွင်း ပေဝက်ခန့် ကျဆင်းခဲ့ကာ ရေနည်းသတိပေးမှတ်အောက်မှာ ဆက်လက် တည်ရှိနေပါတယ်။ ၂၀၂၂ ခုနှစ်၊ ဖေဖော်ဝါရီလအတွင်း မန္တလေးမြို့ရဲ့ ဧရာဝတီမြစ်ရေ ရေနည်းမည့် အခြေအနေသတင်း (၃) ကြိမ် ထုတ်ပြန်ပေးခဲ့ပါတယ်။

ဧရာဝတီမြစ်ရေဟာ မင်းဘူးမြို့မှာ ၂၀၂၂ ခုနှစ်၊ ဖေဖော်ဝါရီလအတွင်း (၁) ပေခွဲခန့် ကျဆင်းခဲ့ကာ ယင်းမြို့ရဲ့ ရေနည်းသတိပေးမှတ် (၄၁၀) စင်တီမီတာအောက်သို့ (၂၇.၂.၂၀၂၂) ရက်နေ့ (၀၆:၃၀) နာရီအချိန်မှာ စတင်ရောက်ရှိခဲ့ပါတယ်။ ၂၀၂၂ ခုနှစ်၊ ဖေဖော်ဝါရီလအတွင်း မင်းဘူးမြို့ရဲ့ ဧရာဝတီမြစ်ရေ ရေနည်းမည့် သတိပေးချက် (၁) ကြိမ်နဲ့ မြစ်ရေနည်းမည့် အခြေ အနေသတင်း (၁) ကြိမ် ထုတ်ပြန်ပေးခဲ့ပါတယ်။

ယခုဆက်လက်ပြီးလာမည့် မတ်လအတွက် မိုးလေဝသနှင့် ဇလဗေဒခန့်မှန်းချက်များကို တင်ပြ လိုပါတယ်။ လာမည့် မတ်လအတွင်း ဘင်္ဂလားပင်လယ်အော် အခြေအနေများမှာ ကပ္ပလီ ပင်လယ်ပြင်နဲ့ ဘင်္ဂလားပင်လယ်အော် တောင်ပိုင်းတို့မှာ လေဖိအားနည်းရပ်၀န်း (၁) ကြိမ် ဖြစ်ပေါ်နိုင်ပါတယ်။ ကပ္ပလီပင်လယ်ပြင်နဲ့ ဘင်္ဂလားပင်လယ်အော်တောင်ပိုင်းတို့မှာ တိမ်အသင့် အတင့် ဖြစ်ထွန်းနိုင်ပြီး၊ ကျန်ဘင်္ဂလားပင်လယ်အော်မှာ တိမ်အနည်းငယ် ဖြစ်ထွန်း နိုင်ပါတယ်။

မိုးအခြေအနေ ခန့်မှန်းချက်များအနေနဲ့ကတော့ တနင်္သာရီတိုင်းဒေသကြီးမှာ ရွာသွန်းမြဲ ထက် ပိုနိုင်ပြီး၊ နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်း ဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ် (မြောက်ပိုင်းနဲ့ တောင်ပိုင်း)၊ ချင်းပြည်နယ်နဲ့ ရခိုင်ပြည်နယ်တို့မှာ ရွာသွန်းမြဲအောက်နဲ့ ကချင် ပြည်နယ်၊ ရှမ်းပြည်နယ်(အရှေ့ပိုင်း)၊ ကယားပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ ရွာသွန်းမြဲခန့် မိုးထစ်ချုန်း ရွာနိုင်ပါတယ်။

    မိုးရွာရက်များ အနေနဲ့ကလည်း တနင်္သာရီတိုင်းဒေသကြီးနဲ့ ကချင်ပြည်နယ်တို့မှာ (၇) ရက်မှ (၉) ရက်ခန့်၊ စစ်ကိုင်းတိုင်းဒေသကြီးအထက်ပိုင်း၊ ရှမ်းပြည်နယ်(တောင်ပိုင်းနဲ့ အရှေ့ ပိုင်း)၊ ကရင်ပြည်နယ်နဲ့ မွန်ပြည်နယ်တို့မှာ (၃) ရက်မှ (၆) ရက်ခန့်နဲ့ နေပြည်တော်၊ စစ်ကိုင်းတိုင်း ဒေသကြီးအောက်ပိုင်း၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ချင်းပြည်နယ်၊ ရှမ်းပြည်နယ်(မြောက်ပိုင်း)၊ ရခိုင်ပြည်နယ်နဲ့ ကယားပြည်နယ်တို့မှာ (၁) ရက်မှ (၂) ရက်ခန့် မိုးထစ်ချုန်း ရွာနိုင်ပါတယ်။
    
လာမယ့် မတ်လဟာ ပူပြင်းခြောက်သွေ့သော နွေရာသီကို ရောက်ရှိလာပြီ ဖြစ်တဲ့အတွက် ညအပူချိန်များအစား နေ့အပူချိန်များနဲ့ ပြောင်းလဲ ထုတ်လွှင့်သွားမှာ ဖြစ်ပါတယ်။

    နေ့အပူချိန် ခန့်မှန်းချက်များ အနေနဲ့ကတော့ နေပြည်တော်၊ စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာ၀တီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်း ပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နဲ့ မွန်ပြည်နယ်တို့မှာ မတ်လရဲ့ ပုံမှန်အပူချိန်ခန့်သာ ရှိနိုင်ပါတယ်။
    
မြူအခြေအနေ ခန့်မှန်းချက်များအနေနဲ့ကလည်း ရန်ကုန်တိုင်းဒေသကြီး၊ ဧရာ၀တီတိုင်း ဒေသကြီး၊ ရှမ်းပြည်နယ်၊ ရခိုင်ပြည်နယ်နဲ့ မွန်ပြည်နယ်တို့မှာ (၁၂) ရက်မှ (၁၈) ရက်ခန့်၊ စစ်ကိုင်း တိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်နဲ့ ကရင်ပြည်နယ် တို့မှာ (၅) ရက်မှ (၁၁) ရက်ခန့်နဲ့ နေပြည်တော်၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီးနဲ့ ကယားပြည်နယ်တို့မှာ (၂) ရက်မှ (၄) ရက်ခန့် နံနက်ပိုင်းမှာ မြူထူများ ဆိုင်းနိုင်ပါတယ်။

မြစ်ရေအခြေအနေခန့်မှန်းချက်များအနေနဲ့ကတော့ ၂၀၂၂ ခုနှစ်၊ မတ်လအတွင်း ဧရာဝတီ မြစ်ရေဟာ မြစ်ကြီးနားမြို့၊ ဗန်းမော်မြို့၊ ရွှေကူမြို့နဲ့ ကသာမြို့တို့မှာ (၂) ပေမှ (၃) ပေခန့်၊ သပိတ်ကျင်းမြို့၊ မန္တလေးမြို့၊ စစ်ကိုင်းမြို့နဲ့ မြင်းမူမြို့တို့မှာ ပေဝက်မှ (၁) ပေခန့် လက်ရှိ ရေမှတ်များအထက် မြင့်တက်လာနိုင်ပြီး၊ ပခုက္ကူမြို့၊ ညောင်ဦးမြို့၊ ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နဲ့ ဇလွန်မြို့တို့မှာ ပေဝက်မှ (၁) ပေခန့် လက်ရှိရေမှတ်များအောက် ကျဆင်းလာနိုင်ပါတယ်။

    ချင်းတွင်းမြစ်ရေဟာ ခန္တီးမြို့၊ ဟုမ္မလင်းမြို့၊ ဖောင်းပြင်မြို့၊ မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နဲ့ မုံရွာမြို့တို့မှာ ပေဝက်မှ (၁) ပေခန့် လက်ရှိရေမှတ်များအောက် ကျဆင်း လာနိုင်ပါတယ်။

    ရွှေကျင်မြစ်ရေဟာ ရွှေကျင်မြို့မှာ ပေဝက်ခန့်၊ ပဲခူးမြစ်ရေဟာ ဇောင်းတူမြို့နဲ့ ပဲခူးမြို့ တို့မှာ ပေဝက်မှ (၁) ပေခန့်၊ သံလွင်မြစ်ရေဟာ ဖားဆောင်းမြို့နဲ့ ဘားအံမြို့တို့မှာ ပေဝက်မှ (၁) ပေခန့်၊ ငဝန်မြစ်ရေဟာ ငါးသိုင်းချောင်းမြို့၊ သာပေါင်းမြို့နဲ့ ပုသိမ်မြို့တို့မှာ ပေဝက်မှ (၁) ပေခွဲခန့်၊ တိုးမြစ်ရေဟာ မအူပင်မြို့မှာ (၁) ပေခွဲခန့်၊ ကုလားတန်မြစ်ရေဟာ ပလက်ဝမြို့နဲ့ ကျောက်တော်မြို့တို့မှာ ပေဝက်ခန့်စီ၊ လေးမြို့မြစ်ရေဟာ မြောက်ဦးမြို့မှာ ပေဝက်ခန့်နဲ့ ဘီးလင်းမြစ်ရေဟာ ဘီးလင်းမြို့မှာ ပေဝက်ခန့် လက်ရှိရေမှတ်များအထက် မြင့်တက်လာနိုင်ပြီး၊ ဒုဋ္ဌဝတီမြစ်ရေဟာ သီပေါမြို့၊ ရွှေစာရံနဲ့ မြစ်ငယ်မြို့တို့မှာ ပေဝက်ခန့်စီ၊ မြစ်သာမြစ်ရေဟာ ကလေးမြို့မှာ ပေဝက်ခန့်၊ စစ်တောင်းမြစ်ရေဟာ တောင်ငူမြို့နဲ့ မဒေါက်မြို့တို့မှာ ပေဝက်မှ (၁) ပေခန့်နဲ့သောင်ရင်းမြစ်ရေဟာ မြဝတီမြို့မှာ ပေဝက်ခန့် လက်ရှိရေမှတ်များအောက် ကျဆင်း လာနိုင်ပါတယ်။

အချုပ်အားဖြင့် တင်ပြလိုတာကတော့ လာမယ့်မတ်လဟာ ပူပြင်းပြီး ခြောက်သွေ့တဲ့ နွေရာသီရဲ့ အစလ ဖြစ်ပါတယ်။ အဲဒီလိုကာလမျိုးမှာ ကြုံတွေ့နိုင်တဲ့ မိုးလေဝသဖြစ်စဉ်များ အနေနဲ့ကတော့ နံနက်ပိုင်းအချိန်အခါများမှာ အချို့ဒေသများ၌ မြူထူများ ကျဆင်းနိုင်ပါတယ်။ အထူးသဖြင့် ဒေသအလိုက် နေ့အပူချိန်များ တစ်ဖြည်းဖြည်းမြင့်တက်လာတဲ့အတွက် အပူပျံတက် တိမ်များ ဖြစ်ထွန်း၍ မွန်းလွဲ/ညနေပိုင်းအချိန်များမှာ မိုးတိမ်တောင်များ ဖြစ်ပေါ်နိုင်ပြီး၊ အဆိုပါ မိုးတိမ်တောင်များ ရွေ့လျားရာ နေရာတစ်လျှောက်မှာ လေပြင်းများ တိုက်ခတ်တတ်ခြင်း၊ လေ ပြင်းနှင့်အတူ ထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်းနဲ့ နေရာ ကွက်ကျား မိုးထစ်ချုန်းရွာခြင်း စသည်တို့ ဖြစ်ပေါ်လေ့ရှိပါတယ်။ သို့ဖြစ်ပါ၍ လာမယ့် မတ်လ အတွင်း ပြည်သူများ အနေဖြင့် အဆိုပါ မိုးလေဝသဖြစ်စဉ်များကို ပိုမိုဂရုပြုကြဖို့ တင်ပြလိုပါတယ်။ နောက်ကြုံတွေ့ ရမယ့် ဖြစ်စဉ်တစ်ခုကတော့ ပြည်တွင်းရေကြောင်းသွားလာရေးမှာ မြစ်ရေများ လျော့နည်းလာခြင်း အခြေအနေပဲဖြစ်ပါတယ်။
အဲဒီလို ထူးခြားတဲ့ မိုးလေဝသ အခြေအနေ၊ မြစ်ရေအခြေအနေများနဲ့ ပတ်သက်လို့ ကြိုတင်သတိပေး ထုတ်ပြန်ချက်များကို မြန်မာနိုင်ငံ မိုးလေဝသနဲ့ ဇလဗေဒညွှန်ကြားမှုဦးစီး ဌာနမှ အချိန်နှင့်တစ်ပြေးညီ ထုတ်ပြန်ပေးသွားမှာ ဖြစ်ပါတယ်။
     မိုးလေဝသ၊ ဇလဗေဒသတင်းများနဲ့ ပတ်သက်လို့ သိရှိလိုပါက မိုးလေဝသနဲ့ ဇလဗေဒ ညွှန်ကြားမှုဦးစီးဌာနရဲ့ Website ဖြစ်တဲ့ www.moezala.gov.mm သို့လည်းကောင်း၊ မိုးလေဝသ နဲ့ဇလဗေဒညွှန်ကြားမှု ဦးစီးဌာနရဲ့ Facebook သို့လည်းကောင်း၊ နေပြည်တော်ရှိ အလို အလျောက် ဖြေကြားစက်ဖြစ်တဲ့ ၀၆၇-၃၄၁၁၂၅၂ ဖုန်းနံပါတ်သို့လည်းကောင်း၊ Call Center 1876 (ext no-5)သို့လည်းကောင်း၊ မြန်မာ့အသံနှင့်ရုပ်မြင်သံကြား၊ မြဝတီရုပ်မြင်သံကြား၊ နေ့စဉ်ထုတ်သတင်းစာများ၊ တိုင်းဒေသကြီးများနဲ့ ပြည်နယ်အသီးသီးတို့မှာ နေ့စဉ်ထုတ်လွှင့် လျက်ရှိတဲ့ FM ရေဒီယိုများမှလည်း မိုးလေဝသနဲ့ဇလဗေဒသတင်း၊ သတိပေးချက်များကို ကြည့်ရှု နားဆင်နိုင်ပါတယ်ဆိုတဲ့အကြောင်း တင်ပြရင်း နိဂုံးချုပ်အပ်ပါတယ်။


ကိုယ်စိတ်နှစ်ဖြာ ကျန်းမာ၊ ချမ်းသာကြပါစေခင်ဗျာ။