လယ်ယာကဏ္ဍဖွံ့ဖြိုးရေးအတွက် နည်းပညာပြန့်ပွားရေးနှင့် အသိပညာဖြန့်ဝေရေး လုပ်ငန်းများ ကို အဓိကတာဝန်ယူဆောင်ရွက်နေသည့် စိုက်ပျိုးရေးဦးစီးဌာန ဝန်ထမ်းများ၏ စွမ်းဆောင်ရည် တိုးတက်မြင့်မားရေး ၊ သက်ဆိုင်ရာလုပ်ငန်းကဏ္ဍအလိုက် ကျွမ်းကျင်မှုအရည်အချင်း ပြည့်ဝ ရေး အတွက် ဘာသာရပ်ဆိုင်ရာမွမ်းမံသင်တန်းများကို ကျန်းမာရေးဆိုင်ရာ ညွှန်ကြားချက် များ နှင့်အညီ ဖွင့်လှစ်ပေးလျက်ရှိသည်။

နိုဝင်ဘာလ(၁)ရက်နေ့ မှ (၁၂)ရက်နေ့အထိဖွင့်လှစ်ခဲ့သည့် အဆင့်စီမံခန့်ခွဲရေး၊ ငွေစာရင်း နှင့် စိုက်ပျိုးနည်းပညာသင်တန်းအမှတ်စဉ်(၁/၂၀၂၁) ၏ သင်တန်းဆင်းပွဲအခမ်းအနားကို နိုဝင်ဘာလ (၁၂)ရက်နေ့ ညနေပိုင်းက နေပြည်တော် ရုံးအမှတ်(၄၃) အစည်းအဝေးခန်းမ၌ ကျင်းပ ပြုလုပ်ရာ ညွှန်ကြားရေးမှူးချုပ် ဒေါက်တာရဲတင့်ထွန်း က အွန်လိုင်းစနစ်ဖြင့် တက်ရောက်၍ သင်တန်းဆင်း အမှာစကား ပြောကြားပြီး ဒုတိယညွှန်ကြားရေးမှူးချုပ် ဦးဇော်ထွန်းမြင့် က သင်တန်းဆင်းလက်မှတ်များကို ပေးအပ်ရာ သင်းတန်းသားကိုယ်စားလှယ်က လက်ခံရယူ ခဲ့သည်။

အဆိုပါသင်တန်းသို့ နေပြည်တော် နှင့် တိုင်းဒေသကြီး ပြည်နယ်များမှ စိုက်ပျိုးရေးဦးစီးဌာန ဝန်ထမ်း သင်တန်းသားသင်တန်းသူ (၆၀)ဦးတက်ရောက်ကြပြီး ဌာနခွဲညွှန်ကြားရေးမှူးများနှင့် သက်ဆိုင်ရာဘာသာရပ်အလိုက် ကျွမ်းကျင်သူများက ပို့ချ ဆွေးနွေးခဲ့ကြကြောင်း၊ ကိုဗစ်-၁၉ ကူးစက်မြန်ရောဂါ ကာကွယ်ထိန်းချုပ်ရေးကာလဖြစ်၍ သင်တန်းကို အွန်လိုင်းစနစ်ဖြင့် ဆောင်ရွက် ခဲ့ရကြောင်း၊ သင်တန်းတွင် အရည်အချင်းစစ်စာမေးပွဲထည့်သွင်းပြီး ပို့ချခဲ့သော ဘာသာရပ်များ အပေါ် သင်တန်းသားများ၏ လေ့လာမှတ်သားနိုင်မှု နားလည်မှုအပေါ် အကဲဖြတ်၍ ထူးချွန်ဆုများ ချီးမြှင့်ခဲ့ရာ ပထမဆုကို မကွေးတိုင်းဒေသကြီးဦးစီးမှူးရုံး မှ ဦးမျိုးသူဌေး ကလည်းကောင်း၊ ဒုတိယဆုကို မကွေးတိုင်းဒေသကြီးဦးစီးမှူးရုံး မှ ဒေါ်ခင်သူဇာဗိုလ် ကလည်းကောင်း၊ တတိယဆုကို သီးနှံ ကာကွယ်ရေးဌာနခွဲ မှ ဒေါ်အေးမြတ်သူ က လည်းကောင်း အသီးသီး ဂုဏ်ပြုဆုများရရှိခဲ့ကြကြောင်း သတင်းရရှိသည်။